VLORË – Një ngjarje shqetësuese është regjistruar sot rreth orës 14:00 pranë tregut të Çoles, ku një punonjës i Ndërmarrjes së Pastrimit është dhunuar rëndë nga dy persona ende të paidentifikuar.

Sipas burimeve nga spitali rajonal i Vlorës, i lënduari është 70-vjeçari Kozma Kukli, i cili u dërgua me urgjencë pas agresionit të dhunshëm. Ai ka pësuar plagë në kokë dhe dëmtime të rënda në syrin e djathtë, për të cilin ekziston rreziku i humbjes së shikimit.

Vetë Kukli ka deklaruar në spital se dy persona, të cilët lëviznin me një furgon, janë afruar dhe e kanë goditur papritur. Sipas dëshmisë së tij, gjithçka ndodhi pa ndonjë përplasje apo paralajmërim verbal. Banorët e zonës kanë ndërhyrë menjëherë dhe kanë lajmëruar shërbimin e ambulancës dhe policinë.

Policia është në vendngjarje dhe ka nisur hetimet për të identifikuar autorët dhe motivet e sulmit. Deri më tani nuk ka një reagim zyrtar mbi rrethanat e plota të incidentit.

Ngjarja ka shkaktuar reagime në komunitetin lokal dhe ngre shqetësime serioze për sigurinë e punonjësve të shërbimeve publike.

SARANDË- Një 54-vejçar, punonjës i ujësjellësit ka ndërruar jetë ditën e sotme në Sarandë në ambientet e stacionit të pompave të ujësjellësit. Policia bën me dije se punonjësi Gramoz Hoxha mund të ketë ndërruar jetë për shkaqe natyrale por dyshohet për një arrest kardiak.

Më tej mësohet se grupi hetimor ka nisur me punën ndërsa materialet proceduriale iu referuan prokurorisë për veprime të mëtejshme.

Njoftimi

Njoftimi i policisë:

Sot, në fshatin Bërdënesh, Sarandë, ka ndërruar jetë për shkaqe natyrale (dyshohet arrest kardiak), brenda ambienteve të stacionit të pompave të ujësjellësit, punonjësi i stacionit, shtetasi Gramoz Hoxha, 54 vjeç. Grupi hetimor po vijon punën për sqarimin e plotë të rrethanave të rastit. Materialet procedurale iu referuan Prokurorisë, për veprime të mëtejshme.

Një punonjës i Policisë Ushtarake dhe pronari i një lokali janë vënë në hetim pas një sherri mes tyre, që sipas policia ka ndodhur një natë më parë.

Policia bën me dije se punonjësi i Policisë Ushtarake ka kanosur me armën e shërbimit pronarin e lokalit.

Mësohet se i kanosuri kishte punësuar në mënyrë të paligjshme efektivin si punonjës sigurie në lokalin e tij.

“Specialistët për Hetimin e Krimeve të Komisariatit të Policisë Korçë referuan materialet në Prokurori ku nisi procedimi në gjendje të lirë për shtetasit M. C., 34 vjeç dhe E. F., 33 vjeç.  Procedimi penal për këta shtetas nisi pasi nga veprimet hetimore të kryera për një konflikt të ndodhur ditën e djeshme, në një lokal në Korçë, dyshohet se shtetasi E. F., 33 vjeç, me detyrë punonjës i Policisë Ushtarake, ka kanosur me armën e shërbimit, shtetasin V. B., për motive të dobëta, ndërsa shtetasi M. C., pronari i lokalit, e kishte punësuar në mënyrë të paligjshme shtetasin E. F., si punonjës sigurie në lokal. Arma e shërbimit e shtetasit E. F. u sekuestrua në cilësinë e provës materiale”, njofton policia.

Prokuroria e Korçës ka regjistruar procedim penal për një punonjës të bashkisë së Pogradecit.

Ai dyshohet se ka kërcënuar një gazetar. Shtetasi me inicialet Y.B., është proceduar për veprën penale “Kanosje për shkak të detyrës”.

PROKURORIA PRANË GJYKATËS SË SHKALLËS SË PARË TË JURIDIKSIONIT TË PËRGJITHSHËM KORÇË

Dyshime se kërcënoi gazetarin, Prokuroria Korçë regjistron procedim penal për shtetasin Y.B., për veprën penale ‘Kanosje për shkak të detyrës’

Prokuroria pranë Gjykatës së Shkallës së Parë të Juridiksionit të Përgjithshëm Korçë ka regjistruar procedimin penal nr. 1415, datë 07.11.2024 për veprën penale ‘Kanosje për shkak të detyrës’ ndaj shtetasit Y.B.

Procedimi penal u regjistrua kryesisht pasi shtetasi A.B, me detyrë gazetar, denoncoi publikisht se është kërcënuar nga një punonjës në Bashkinë e Pogradecit.

Duke pasur parasysh interesin mbi këtë çështje, Prokuroria pranë Gjykatës së Shkallës së Parë të Juridiksionit të Përgjithshëm Korçë shpreh angazhimin për ndjekjen me përparësi dhe informimin e publikut mbi ecurinë e saj.

Një ngjarje e rëndë ka nodhur në Greqi, ku një punonjës ka përdhunuar një kliente. Mësohet se punonjësi 58-vjeçar është vënë në pranga nga autoritete, pas denoncimit të turistes.

Gjithashtu 21-vjeçarja është shprehur se punonjësi ka hyrë në dhomën e saj më 15 shtator në orën 10:00 dhe e ka përdhunuar pavarësisht rezistencës së saj. Ndërkohë pritete që 58-vjeçari të dërgohet në Prokurorinë për procedura të mëtejshme.

Një akident rrugor ka ndodhur mbrëmjen e sotme në Vlorë, ku një punonjës i patrullës së përgjithshme të Policisë së Vlorës ka përplasur me makinë një këmbësor. I plagosuri u transportua menjëherë në spital dhe ndodhet jashtë rrezikut për jetën.

Në lidhje me ngjarjen është njoftuar Agjencia e Mbikëqyrjes Policore (AMP), dhe në bashkëpunim me grupin hetimor po punohet për sqarimin e rrethanave të aksidentit

Një ngjarje e paprecedentë ka ndodhur sot në Maqedoninë e Veriut, teksa një punonjës i burgut “Idrizovë” është sulmuar nga kolegu i tij.

Sipas informacioneve, punonjësi ka raportuar se është sulmuar fizikisht nga kolegu i tij në vendin e punës. Nuk dihet ende shkaku i konflikti mes tyre, teksa i plagosuri ka marrë ndihmën mjekësore.

Ndërkohë, policia tha se po merren masa për zbardhjen e rastit.

Një punonjës policie u arrestua në Durrës pasi u kap i dehur në timon.

NJOFTIMI I AMP:

Agjencia e Mbikëqyrjes Policore (Rajoni Durrës) ka arrestuar në flagrancë punonjësin e policisë Inspektor i Parë F. H., 51 vjeç, me detyrë SPZ i Stacionit të Policisë Rrogozhinë, pranë Komisariatit të Policisë Kavajë, si i dyshuar për kryerjen e veprës penale “Drejtimi i automjeteve në mënyrë të parregullt”.

Arrestimi në flagrancë i punonjësit të policisë F. H. u krye pasi ai u konstatua duke drejtuar automjetin në gjendje të dehur.

Materialet proceduriale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës.

Gjatë mesditës së sotme ka humbur jetën punonjësi i Bashkisë së Elbasanit, Eduart Balliu, i cili pësoi aksident gjatë punës pak ditë më parë.

Balliu u aksidentua në lagjen “5Maji” kur rrëzua nga lartësia pasi u shkëput koshi i vinçit duke riparuar llambat e shtyllave elektrike.

Pas aksidentit ai pësoi dëme të shumta në trup, ndërkohë që menjëherë u dërgua në spital, por nuk ia doli.