Një 34-vjeçar shqiptar është shpallur në kërkim pasi së bashku me dy persona të tjerë u filmuan teksa dhunonin një punonjës të pastrimit publik të Athinës. Ai është identifikuar si Romeo Nazifi.

Nazifi rezulton person me 17 precedentë penalë në Greqi. Ai është akuzuar për vjedhje, raste droge, grabitje, vjedhje automjetesh, dhunë në familje, kërcënime, fyerje, dëmtime trupore, posedim dhe përdorim arme, ndërsa në vitin 2022 u plagos me armë zjarri jashtë një lokali në Burnazi.

Ngjarja ndodhi natën vonë të së shtunë në Agios Nikolas, ku një automjet me tre pasagjerë ndaloi pas një makine pastrimi.

Sipas deklaratës së punonjësit, ngjarja ka ndodhur pasi tre të rinjtë ishin me makinë pas mjetit që pastron koshat. Ata kanë tentuar që ta parakalojnë por nuk ia kanë dalë.

Më pas ata kanë zbritur nga makina dhe kanë dhunuar me grushte punonjësin e pastrimit. Mediat greke kanë publikuar edhe pamjet nga momenti i dhunimit.

Vlorë- Një incident i dhunshëm ka ndodhur pasditen e sotme në Portin e Vlorës, ku dy shtetas janë përfshirë në një konflikt me një punonjës të policisë kufitare.

Ngjarja ka ndodhur rreth orës 16:00, kur dy personat që udhëtonin me një furgon me targa angleze janë refuzuar të kalonin një kontroll të plotë të mjetit nga ana e autoriteteve.

Sipas burimeve të sigurta, dy shtetasit kanë pretenduar se kishin kaluar një kontroll më parë në doganën italiane dhe, për këtë arsye, nuk ishin të gatshëm për t’u kontrolluar nga policia kufitare shqiptare.

Sipas informacioneve të para, gjatë përpjekjeve për të kryer kontrollin, tensionet kanë eskaluar dhe janë shndërruar në një përplasje fizike mes dy shtetasve dhe punonjësit të policisë kufitare. Si pasojë, një efektiv i policisë është lënduar dhe ka kërkuar ndihmë mjekësore, ndërsa është transportuar menjëherë në spitalin e Vlorës për trajtim.

Pas këtij incidenti, Policia e Vlorës ka ndërhyrë dhe ka arrestuar dy shtetasit që përfshiheshin në sherr. Ata janë ndaluar dhe do të përballen me akuzat për kundërshtim të punonjësit të policisë dhe pengim të ushtrimit të detyrës. Autoritetet janë angazhuar për hetimin e ngjarjes dhe për zbardhjen e plotë të saj.

Ky incident ka ngjallur shqetësim në komunitetin e Portit të Vlorës, një zonë ku kalimi i mjeteve me targa të huaja është i zakonshëm për shkak të fluksit të lartë të turistëve dhe tregtisë ndërkombëtare.

Policia kufitare e Vlorës ka theksuar se do të vazhdojë me kontrolle të rrepta për të siguruar rendin dhe sigurinë në port, ndërsa kërkesa për bashkëpunim nga udhëtarët është theksuar edhe një herë.

Një 44-vjeçar është arrestuar në Durrës pasi kërcënoi me thikë një punonjës dyqani dhe vodhi disa pajisje elektronike.

Në pranga ka rënë Spiro Dede, i dyshuar edhe për dy vjedhje të tjera, një në një market në lagjen nr. 10 dhe një tjetër në një automjet në lagjen nr. 12.

Gjithashtu, policia ka arrestuar edhe Edison Shqarthin, i cili theu masën e sigurisë “arrest në shtëpi”, pasi dyshohet se u largua për të kryer një tjetër vjedhje.

Njoftimi:

“Finalizohet operacioni policor i koduar “Fast”. Zbardhen 3 raste të vjedhjeve në market, dyqan dhe automjet.

Kanosi me mjet prerës (thikë), punonjësin e një dyqani dhe mori pajisje elektronike, Policia identifikon, kap dhe arreston pak orë pas vjedhjes, autorin e dyshuar.
Gjithashtu, Policia kap dhe vë në pranga autorin e dyshuar të vjedhjes në një market. Ky shtetas, me masë sigurie “Arrest në shtëpi”, po për vjedhje.

Shërbimet e Policisë, menjëherë pas njoftimit të marrë për një vjedhje me dhunë, në një dyqan pajisjesh elektronike, në lagjen nr. 4, Durrës, organizuan punën për kapjen e autorit.

Si rezultat i veprimeve të shpejta policore, të kryera nga Komisariati i Policisë Durrës, në bashkëpunim me Forcën e Posaçme Operacionale të DVP Durrës, në kuadër të operacionit policor të koduar “Fast”, u mundësua pak orë pas kryerjes së vjedhjes, lokalizimi, kapja dhe vënia në pranga e autorit të dyshuar të rastit, shtetasit Spiro Dede, 44 vjeç, banues në Durrës. Ky shtetas ka kanosur me mjet prerës (thikë), punonjësin e dyqanit, dhe ka marrë aty, pajisje elektronike.

Po gjatë operacionit “Fast’, bazuar dhe në informacionet e marra në rrugë operative, Policia ka kapur dhe vënë në pranga dhe autorin e dyshuar të 2 vjedhjeve të ndodhura në një market në lagjen nr. 10 dhe në një automjet në lagjen nr. 12.

Në vijim të veprimeve, u bë arrestimi në flagrancë i shtetasit E. Sh., 35 vjeç, banues në Durrës.

Në një video të publikuar në rrjete sociale shihet një oficer policie duke u konfliktuar me një punonjës të doganës, në Pikën e Kalimit Kufitar Kapshticë.

Policia ka reaguar në lidhje me videon, ku sqaron se ngjarja ka ndodhur më datën 06.01.2025, dhe menjëherë pas ngjarjes, në zbatim të rregullores së Policisë së Shtetit, Shefi i Stacionit të Policisë Kufitare Kapshticë, Komisar A. A, është pezulluar tre ditë nga detyra dhe ndaj tij Drejtoria e Standardeve Profesionale në Policinë e Shtetit nisi hetimin disiplinor.

Për të kryer një hetim sa më të plotë, Drejtori i Përgjithshëm i Policisë së Shtetit ka urdhëruar transferimin e menjëhershëm të këtij punonjësi nga Pika e Kalimit të Kontrollit Kufitar Kapshticë.

Forcat Blu në Tiranë kanë arrestuar një 21-vjeçar, pasi mësohet se ka qëlluar me grusht një punonjës të OSHEE-së.

Efektivët ne kryeqytet shprehen se goditja me grusht e punonjësit të OSHEE-së ka ndodhur për shkak të detyrës.

“U arrestua A. Gj., 21 vjeç, banues në Tiranë, pasi në rrugën “Jordan Misja”, ka goditur me grusht një punonjës të OSHEE-së, për shkak të detyrës”, thuhet në njoftimin e policisë.