Një tjetër minator për pak sa nuk ka humbur jetën, teksa ishte në detyrë.

Ngjarja ka ndodhur ditën e djeshme në një subjekt minerar në zonën e Martaneshit, ku ndodhen galeri kromi, ndërsa i plagosur në këmbë ka mbetur gjatë punës 40-vjeçari I.D.

Policia vendore konfirmoi sot (30 maj ngjarjen e ndodhur dhe nisjen e hetimeve të rastit për kushtet e sigurisë në punë, rrethanat dhe shkaqet.

Në një subjekt minerar në Martanesh, I. D., 40 vjeç, banues në Martanesh, është dëmtuar aksidentalisht në këmbë gjatë punës. 40-vjeçari ndodhet në spital dhe është jashtë rrezikut për jetën”, njoftoi policia vendore.

Në pyetje po merren drejtuesit e subjektit dhe përgjegjësit teknikë, ndërsa hetimet e rastit i kaluan Prokurorisë së Dibrës, për veprime të mëtejshme hetimore.

Një 53-vjeçar ka humbur jetën mëngjesin e kësaj të enjte në ambjentet e një karburanti në fshatin Novoselë të Vlorës. Viktima është identifikuar si S.M, 53-vjeç dhe paraprakisht dyshohet se ka humbur jetën për shkaqe natyrale. Policia ka nisur hetimet për zbardhjen e plotë të rrethanave të rastit.

Njoftimi i Policisë:Punonte në një karburant, 53-vjeçari humbet jetën në vendin e punës

Sot, rreth orës 09:00, në fshatin Novoselë, ka humbur jetën dyshohet për shkaqe natyrale, në ambientet e një karburanti, ku po qëndronte, shtetasi S. M., 53 vjeç, banues në Vlorë. Vijon puna për zbardhjen e rrethanave të rastit.

Një 58-vjeçar ka humbur jetën, pasi është rrëzuar nga lartësia e një pallati në ndërtim e sipër.

Ngjarja ka ndodhur paraditen e sotme (27 gusht) në kryqëzimin e rrugës “Dërvish Luzha” dhe mësohet se 58-vjeçari ka ndërruar jetë në vend.

Policia ka nisur punën për zbardhjen e rrethanave të ngjarjes.

Njoftimi i policisë:

Më datë 27.08.2024, në kryqëzimin e rrugës “Dërvish Luzha”, dyshohet se, aksidentalisht duke punuar, është rrëzuar nga lartësia e një pallati në ndërtim e sipër, shtetasi K. I., 58 vjeç, i cili si pasojë e dëmtimeve të marra, ka ndërruar jetë në vendngjarje.

Grupi hetimor po punon për sqarimin e rrethanave të ngjarjes.

Një tjetër aksident në punë ka ndodhur mesditën e kësaj të mërkure, ndërsa një 51-vjeçar ka përfunduar në spital. Sipas policisë, shtetasi A.Rr, i cili punonte në rafinerinë e naftës në fshatin Drizë, është rrëzuar nga shkallët.

Fier/Informacion paraprak

Rreth orës 13:30, në spitalin e Fierit, është paraqitur për mjekim, shtetasi A. Rr., 51 vjeç, i cili dyshohet se është rrëzuar nga shkallët, duke punuar në rafinerinë e naftës, në fshatin Drizë.

Aktualisht ky shtetas ndodhet në kujdesin e mjekëve, jashtë rrezikut për jetën.

Grupi hetimor po punon për sqarimin e rrethanave të ngjarjes.

Rreth orës 15:30 të kësaj të marte, në fshatin Brataj, Selenicë, një i ri shtetasi me inicialet J. V., 24 vjeç, punëtor në guroren e këtij fshati, dyshohet se aksidentalisht gjatë punimeve me skrep, është dëmtuar nga gurët dhe si pasojë ka humbur jetën.

Grupi hetimor ndodhet në vendngjarje dhe po punon për sqarimin e rrethanave të ngjarjes.

Një 24-vjeçar shqiptar është arrestuar nga policia italiane gjatë një operacioni antidrogë në Terni della Finanza. I riu u kap teksa po i shiste kokainë një personi.

Gjatë kontrollit që u bë në shtëpinë e shqiptarit, u gjetën 103 gramë kokainë dhe 3485 euro që dyshohet se vinin si rezultat i veprimtarisë kriminale.

Gjithashtu u gjetën dhe u sekuestruan në banesë, dy celularë, një tabletë, dy peshore precize dhe material ambalazhimi për lëndën narkotike. I riu u dërgua në paraburgim në ndjekje të procedurave penale ndaj tij.

Po punonte me motorsharrë elektrike, e pëson keq 47-vjeçari

Një 47-vjeçar me inicialet J. M., është arrestuar në Fier pasi dyshohet se gjatë kohës që ka qenë duke punuar me motosharrë elektrike, është krijuar një shkëndijë dhe për pasojë ka rënë zjarr në tokë. Nga përhapja e flakëve për shkak të erës, janë djegur rreth 100 rrënjë ullinj, në pronësi të tij dhe të banorëve të tjerë të zonës, si dhe rreth 5 hektarë tokë me shkurre dhe bimësi të ndryshme.

Njoftimi i policisë: 

Fier/Arrestohet në flagrancë 1 shtetas, procedohet në gjendje të lirë 1 shtetas dhe po punohet për kapjen e 1 tjetri, për vepra penale të ndryshme. Në vijim të informacionit të dhënë ditën e djeshme, për një zjarr të rënë në fshatin Peshtanbregas, informojmë se specialistët për Hetimin e Krimeve të Komisariatit të Policisë Fier kanë arrestuar shtetasin J. M., 47 vjeç, pasi dyshohet se gjatë kohës që ka qenë duke punuar me motosharrë elektrike, është krijuar një shkëndijë dhe për pasojë ka rënë zjarr në tokë. Nga përhapja e flakëve për shkak të erës, janë djegur rreth 100 rrënjë ullinj, në pronësi të këtij shtetasi dhe të banorëve të tjerë të zonës, si dhe rreth 5 hektarë tokë me shkurre dhe bimësi të ndryshme.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

Detaje të reja janë zbarhdur nga ngjarja e rëndë e ndodhur në Tiranë, ku një 58-vjeçar ndërroi jetë pas rrëzimit të një ashensori në nëj pallat në ish-zonë ne Aviacionit.

Mësohet se palati ku ka ndodhur ngjarja ishte në ndërtim e sipër, teksa 58-vjeçarti punonte aty në të zezë dhe ishte i padeklaruar.

Ndërkohë, familjarët kishin denoncuar mbrëmjen e djeshme se 58-vjeçari nuk ishte kthyer në shtëpi pas pune.

Ashensori përdorej nga punëtorët për transportin e materialeve, teksa dyshohet se për shkak të një defekti ka rënë nga kati i parë në -1, duke zënë poshtë punëtorin.

Policia ka rrethuar vendin e ngjarjes, teksa po merr në pyetje dhe punëtorë të pallatit për të zbardhur ngjarjen e rëndë.