Në malin Levotobi Laki-Laki në provincën Nusa Tenggara Lindore në Indonezi, një vullkan shpërtheu sot, duke hedhur një re hiri mbi 10 kilometra të lartë, njoftoi Agjencia Vullkanologjike Indoneziane.

Disa shpërthime janë regjistruar në muajt e fundit, përfshirë një shpërthim në fillim të korrikut që hodhi hi vullkanik 18 kilometra të lartë, gjë që shkaktoi ndërprerje në trafikun ajror për në dhe nga ishulli i afërt i Balit, raporton Reuters.

Agjencia vullkanologjike i paralajmëroi njerëzit të qëndrojnë gjashtë deri në shtatë kilometra larg kraterit dhe të jenë të kujdesshëm për shkak të rrezikut të baltës në rast të reshjeve të dendura të shiut.

Fotot e publikuara nga agjencia tregojnë një skenë dramatike me bubullima vullkanike mbi vullkan dhe një kolonë hiri që reflekton lavën e kuqe që rrjedh poshtë shpatit të malit.

Hapësira ajrore përreth malit Etna është hapur sërish dhe aeroporti i Katanias, në ishullin e Sicilisë, është funksional.

24 orë më parë fluturimet u pezulluan për shkak të shpërthimit të vullkanit, që lëshoi një shi hiri, që tashmë është zhdukur.

Hiri i dendur ditën e hënë bëri që si avionët në ardhje edhe ata në nisje të bllokoheshin. Disa prej tyre u detyruan të devijonin kursin për në aeroportet e Palermos, Trapanit dhe Komisos.

Ndërsa të martën, avioni i parë u nis në 6 e 24 minuta, me orën lokale, me destinacion Pragën, ndërsa i pari që u ul në pistë ishte një fluturim nga Malta në 7 e 20 minuta.

Edhe pse pezullimi i së hënës ishte planifikuar të zgjaste deri në orën 13, ai u shty deri në orën 20 dhe pastaj deri në 6 të mëngjesit të së martës, në kulmin e sezonit turistik.about:blank

Mbyllja e aeroportit shkaktoi kaos mes udhëtarëve, që korrikun e kaluar përjetuan mbylljen me tre javë të tij pasi një zjarr i madh përfshiu godinën e terminalit kryesor.

Sidoqoftë, rihapja e tij përkon me ditën e 15 gushtit, e njohur në Itali si “Ferragosto”, kur ishulli i Sicilisë kthehet në destinacionin e preferuar të italianëve dhe të huajve.about:blank

Mali Etna shpërtheu ditën e diel, duke e kthyer llavën në një shatërvan dhe duke prodhuar një shi hiri të zi që u shpërnda më vonë nga erërat.