Aksi nacional Pogradec-Qafë Thanë është pushtuar nga mjegulla të dielën, ku më e dendur ka qenë në ngjitje dhe zbritje të Qafë-Thanës.

Në kushte të tilla atmosferike drejtuesit e automjeteve kanë qenë të detyruar të lëvizin me shpejtësi të reduktuar për të shmangur aksidentet, pasi edhe shikimi ka qenë tejet i kufizuar

Qindra zjarre po shpërthejnë aktualisht në të gjithë Kanadanë, me mbi 800 zjarre aktive, 223 prej të cilave janë jashtë kontrollit, sipas raportit të fundit të Qendrës Kanadeze e Zjarrit Ndërinstitucional të Pyjeve (CIFFC). Shkencëtarët thanë se zjarret e këtij viti janë jashtëzakonisht të përhapura, duke prekur rajone nga Bregu Perëndimor deri në provincat e Atlantikut në Kanadanë lindore dhe veriore. Flakët kanë prekur edhe pikën turistike të Parkut Kombëtar Jasper në perëndim të Kanadasë, ku zjarret digjen prej disa javësh.

“Për shkak të aktivitetit të zjarreve, parku kombëtar, një sit i Trashëgimisë Botërore të UNESCO-s në Malet Shkëmbore Kanadeze, është aktualisht i mbyllur për vizitorët”, thuhet në faqen e internetit të parkut.

Të gjitha rezervimet e kampingut deri më 3 shtator janë anuluar. Zjarret kanë përfshirë një sipërfaqe prej më shumë se 33,000 hektarësh. Pas një urdhri evakuimi pothuajse një muaj më parë, banorët mundën të ktheheshin në qytetin e Jasper vetëm të premten e kaluar për herë të parë. Gati një e treta e strukturës së qytetit është shkatërruar nga zjarret. Fotot treguan zona të tëra banimi të djegura nga flakët.

Vitin e kaluar, Kanadaja u godit nga zjarre në një shkallë të paprecedentë. Deri në fund të vitit 2023, më shumë se 6000 zjarre kishin djegur rreth 15 milionë hektarë tokë, një sipërfaqe më e madhe se Anglia. Në mënyrë tipike, Kanadaja humbet rreth 2,5 milionë hektarë në vit nga zjarret. Nisur nga ndryshimet klimatike, ekspertët paralajmërojnë se zjarret po bëhen më të shpeshta dhe shkatërruese.

Fronti i ftohtë ka arritur në Shqipëri gjatë nates dhe mëngjesit me stuhi lokale në shumë vise bregdetare dhe lokalisht edhe në vise tjera. Temperaturat janë ulur paksa edhe në Kosovë, por reshjet janë duke ardhur.about:blank

Në vazhdim pritet të kemi zhvillime mjaft të fuqishme të vranësirave të dendura dhe ato konvektive, sidomos në orët paksa më të vonshme të pasdites dhe në mbrëmje e gjatë natës.

Vende-vende mund të ketë zhvillime të shtrëngatave mjaft të fuqishme me rrebeshe shumë intensive, vetëtima e bubullima masive që mund të shaktojnë edhe problematika e pëmrbytje kalimtare.

Stuhi të fuqishme dhe rrebeshe mjaft intensive parashihen në territorin e Luginës së Preshevës dhe zonën e Kumanovës në Maqedoninë Veriore. Normalisht edhe në zona tjera dhe këto stuhi do të jenë të larakterit lokal.

Reshjet do të vazhdojnë edhe gjatë natës në shumë pjesë të Kosovë dhe në disa pjesë të Shqipërisë dhe Maqedonisë së Veriut.about:blank

Edhe e hëna do të jetë jo-stabile me rrebeshe lokalisht intensive që zhvendosen më shumë në Dukagjin, Maqedoni dhe Shqipëri. Nga e marta përmirësim gradual i motit.