Në SHBA reshjet e para të mëdha të borës kanë zbardhur qytetet dhe ato pritet të vazhdojnë intensivisht edhe javën e ardhshme, duke shkaktuar probleme në disa rajone.

Rreth 60 centimetra borë ranë në pjesë të ndryshme Nju Jorkut, Ohajos dhe Miçiganit, dhe 73 centimetra u regjistruan në skajin veriperëndimor të Pensilvanisë.

Autoritetet lokale kanë paralajmëruar për kushte të rrezikshme për ata që udhëtojnë për Ditën e Falënderimeve dhe përpiqen të kthehen në shtëpi. “Udhëtimi do të jetë jashtëzakonisht i vështirë dhe i rrezikshëm këtë fundjavë, veçanërisht në zonat ku mund të grumbullohen disa metra dëborë shumë shpejt,” tha Shërbimi Kombëtar i Motit.

Një pjesë e autostradës “I-90” në Pensilvani u mbyll, ashtu si edhe disa rrugë qendrore në Nju Jork.

Ndryshimi drastik i motit këtë javë solli temperatura më shumë se 10 gradë nën zero, njoftoi shërbimi i motit, i cili lëshoi paralajmërime për mot ekstremisht të ftohtë deri të martën.

Lumenjtë dhe përrenjtë kanë dalë nga shtrati, fluturime janë anuluar dhe vonuar, lëvizja në hekurudha është pezulluar dhe autostradat janë mbyllur.

Ky është një bilanc i gjendjes së rëndë që rajonet e Ligurias dhe Emiglia Romagna në Itali, po përjetojnë për shkak të stuhisë me reshje të dendura shiu dhe erë të fortë.

Midis Loano dhe Pietra Ligure, trafiku në linjën hekurudhore Genoa-Ventimiglia u ndërpre nga ora 14:00 për shkak të rrezikut të përmbytjes së përroit Nimbalto. Autostrada A10 drejt Genovas u mbyll gjithashtu midis Varazze dhe Arenzano. Përmbytje rrugësh u raportuan në Celle dhe Calice Ligure, ndërsa në mëngjes një rrëshqitje dheu shkaktoi bllokimin e rrugës provinciale 29 të Colle di Cadibona.

Moti i keq ndikoi edhe në transportin ajror. Dy fluturime të pritura pasdite në aeroportin e Colombo u devijuan drejt aeroporteve të tjera.

Me ndryshimin e raportit të motit, nuk mund të përjashtohet që dita më e keqe të jetë nesër. Në rajonin e Ligurias zona më e goditur rëndë është Savona, por moti i keq pritet që të shtrihet në të gjithë gadishullin Apenin në orët dhe ditët në vijim ndërsa Venecia rrezikohet nga prurjet e larta të ujit.

Sakaq autoritetet kanë marrë masat duke paralajmëruar se shkollat do të mbyllen nesër në Genova, La Spezia dhe provincën e saj, si dhe në Savona dhe provincat e saj, pasi është aktivizuar alarmi portokalli i motit.

Sipas ekspertëve meteorologë, stuhitë do të forcohen në male për shkak të efektit orografik, veçanërisht në Genova dhe Savona, duke projektuar mbi 150 milimetra shi në 24 orë në këto zona

KOSOVË- Një zjarr i madh është regjistruar ditën e sotmë në një fabrikë në Drenas. Pamjet e publikuara nga mediat kosovare duket një tym i madh i zi i cili ka mbuluar zonën. Zëdhënësja e Policisë së Kosovës për rajonin e Prishtinës, Flora Ahmeti, konfirmoi se incidenti ka ndodhur në një fabrikë.

“Sot rreth orës 11:00, kemi pranuar informatën për një incident zjarri në një fabrikë në fshatin Korroticë e Epërme të Drenasit. Në vendngjarje janë zjarrfikësit dhe policia të cilët po merren me rastin”, deklaroi ajo.

Ahmeti tha se detaje tjera lidhur me rastin do të bëhen publike më vonë. Mediat në Kosovë raportojnë se zjarri ka shpërthyer në një fabrikë të plastikës, ku zjarri ka përfshirë gjithë objektin.