Washington- Presidenti ukrainas Volodymyr Zelensky ka mbërritur në Shtëpinë e Bardhë për takimin e tij me Presidentin e SHBA-së Donald Trump.

Dyshja shtrëngoi duart para se të hynte brenda.

Gjatë takimit të dy liderave, një gazetar dëgjohet teksa pyet: “President Trump, a mendon se mund ta bindësh Putinin për t’i dhënë fund luftës?”.

“Po mundemi”, përgjigjet Trump.

RUSI- Vajza e përfolur sekrete e presidentit rus, Vladimir Putin ka thyer heshtjen e saj për herë të parë me postime misterioze në mediat sociale. Elizaveta Krivonogikh, 22 vjeç, e njohur edhe si Luiza Rozova, e cilësoi “babanë” e saj, si një burrë që i shkatërroi jetën asaj. Në postime ajo zbuloi dhe mendimet e ndjenjat për luftën e Rusisë në Ukrainë .

Luiza, një e diplomuar në shkollën e artit dhe që jeton në Paris, foli për “njeriun që mori miliona jetë dhe shkatërroi timen” – me sa duket një referim i hidhur për babain e saj. Postimet nuk e përmendin në mënyrë të qartë Putinin, por në kontekstin e raportimeve të përhapura rreth identitetit të babait të saj, kjo mund të kuptohet si një sulm i drejtpërdrejtë ndaj tij.

Në një postim tjetër, ajo shkroi: “Është çliruese të jem në gjendje t’ia tregoj përsëri fytyrën time botës. Më kujton kush jam dhe kush ma shkatërroi jetën”, raporton Bild, media gjermane cila ka qasje në kanalin privat të 22-vjeçares në Telegram, “Art of Luiza”.

Në llogarinë e saj në Instagram, Luiza ishte siguruar ta fshihte fytyrën, por kohët e fundit ajo ka ndarë përsëri foto të plota të vetes. Ajo nuk specifikon se kur ose ku janë bërë fotot, por më e fundit është në rrjetin rus të kafeneve “Surf Coffee”.

Luiza lindi më 3 mars 2003 në Shën Petersburg dhe besohet të jetë fëmija e një afere midis Putinit dhe ish-pastrueses së tij Svetlana Krivonogich. Pretendimet për identitetin e babait të saj u bënë publike për herë të parë nga projekti hetimor “Proekt”, i cili është kritik ndaj Kremlinit, në vitin 2020.

Nëna e saj thuhet se u bë shumë e pasur pas lindjes së saj, duke nxitur spekulimet se paratë kishin ardhur nga Putini për të blerë heshtjen e saj. Luiza më parë kishte llogari publike në mediat sociale në Rusi, të cilat e tregonin duke udhëtuar nëpër botë me avionë privatë dhe duke veshur veshje firmato.

Por më pas, pak para se Rusia të pushtonte Ukrainën, llogaria e saj u fshi papritur. Që atëherë ajo është zhvendosur në Paris dhe është diplomuar në Shkollën ICART të Menaxhimit të Kulturës dhe Artit në qershor 2024.

Pasi u largua nga Rusia, ajo shprehje në Telegram: “Nuk mund të bëj asnjë xhiro shtesë rreth Shën Petersburgut tim të dashur”. Nuk mund të vizitoj vendet dhe institucionet e mia të preferuara.”

Ajo duket se është më e përfshirë në politikë dhe flet hapur kundër luftës në Ukrainë. Mediat e huaja raportojnë se ajo po punon në L Galerie në Belleville dhe Espace Albatros në Montreuil, të dyja galeri arti në Paris të cilat organizojnë ekspozita kundër luftës.

Ajo ka përvetësuar gjithashtu emrin Elizaveta Rudnova , me sa duket sipas Oleg Rudnov, njërit prej miqve të ndjerë të Putinit, në një përpjekje për të fshehur identitetin e saj të vërtetë.

Roli i saj si menaxhere e galerisë thuhet se përfshin ndihmën në organizimin e shfaqjeve dhe në realizimin e videove. Por përpjekja e Luizës për t’u futur në qarqet disidente në Paris nuk ka kaluar pa rezistencë. Artistja Nastya Rodionova, e cila iku nga Rusia në vitin 2022, lëshoi një deklaratë të ashpër dhe i preu lidhjet e saj me dy galeritë me të cilat është e lidhur Luiza.

Në një postim në Facebook, ajo shkroi: “Është e rëndësishme të them se besoj në prezumimin e pafajësisë dhe se fëmijët nuk janë përgjegjës për krimet e prindërve të tyre. Por, me luftën që po arrin kulmin, është e papranueshme të lejohet që një person që vjen nga një familje përfituesish të regjimit [të Putinit] të përballet me viktimat e atij regjimi. Ne duhet të dimë me kë po punojmë dhe të vendosim nëse jemi gati për këtë. Përgjigja ime personale në këtë rast është jo.”

Luiza e ka mbrojtur qëndrimin e saj dhe ka shkruar: “A jam vërtet përgjegjëse për aktivitetet e familjes sime, e cila as nuk më dëgjon?”

Dmitry Dolinsky, drejtor i “L Association”, e cila kontrollon Studio Albatros dhe L Galerie, mbështeti përfshirjen e Luizës. Ai i tha për The Times: “Ajo duket si Putin, por edhe si 100,000 njerëz të tjerë. Nuk kam parë një test ADN-je .” Të tjerë e mbështetën atë, duke e quajtur një person të kulturuar dhe punonjëse të shkëlqyer.

Sulmi i Rusisë ndaj infrastrukturës energjetike të Ukrainës, në ditën e Krishtlindjes, ka shkaktuar pasiguri të mëtejshme, duke lënë mijëra qytetarë pa furnizim me energji dhe ngrohje, ndërsa lufta ka hyrë në dimrin e saj të tretë.

Presidenti i Ukrainës, Volodymyr Zelensky, e ka cilësuar këtë sulm si “çnjerëzor”, duke theksuar se ishte hera e trembëdhjetë që Rusia sulmonin rrjetin elektrik të Ukrainës këtë vit.

Sulmet, që kanë përfshirë shpërthime të mëdha në qytete të ndryshme të Ukrainës, kanë shkaktuar viktima dhe dëme të konsiderueshme. Në rajonin e Dnipropetrovsk, një person humbi jetën dhe gjashtë të tjerë u plagosën, ndërsa në Kharkiv, qyteti më afër kufirit me Rusinë, së paku shtatë sulme me raketa shënjestruan zonat e banuara dhe infrastrukturën civile, duke lënë gjysmë milion familje pa ngrohje për shkak të temperaturave të ulëta.

Ky sulm i përshkallëzuar i Rusisë ndaj infrastrukturës kritike të Ukrainës vjen ndërsa vendi është duke kaluar një dimër të ashpër, dhe dëmi në rrjetin energjetik është një përpjekje e vazhdueshme e Rusisë për të minuar mbështetjen e qytetarëve dhe për të shkaktuar probleme në mbijetesën e përditshme të ukrainasve. Pas këtij sulmi, Kievi ka ndërmarrë masa për të stabilizuar rrjetin dhe ka vendosur ndërprerje të vazhdueshme të energjisë elektrike.

Përveç sulmeve ndaj infrastrukturës, forcat ukrainase raportuan gjithashtu një sulm të suksesshëm ndaj një poste komanduese ruse në rajonin e Kursk, që tregon se Ukraina po vazhdon të zhvillojë operacione ushtarake në territore të pushtuara nga Rusia.

SHBA-Donald Trump konfirmon se është gati të takohet me Vladimir Putinin për fundin e luftës në Ukrainë.

“Një prej gjërave që dua të bëj menjëherë dhe presidenti Putin është dakord, të takohet me mua sa më shpejt të jetë e mundur. Duhet t’i japim fund kësaj lufte”, thotë Trump.

Në një takim të madh me mbështetësit në Feniks, Tramp tha se kjo luftë që ka marrë miliona jetë njerëzish e ku po përdoren armë shumë të fuqishme nuk do të kishte ndodhur, nëse do të ishte ai president, ashtu si sulmi i 7 Tetorit 2023 ndaj Izraelit.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Unë i dija shumë mirë qëllimet e Presidentit Putin. I ka shprehur gjithmonë si publikisht ashtu edhe në biseda konfidenciale. E dija që nuk kishim të bënim me një mik të Europës. Pyetja ishte vetëm si të reagonim. Përgjigja ime nuk ishte që të mos kisha më asnjë marrëdhënie me Putinin, por përkundrazi të përpiqesha të parandaloja pushtimin e Ukrainës përmes bisedimeve, ndonjëherë me shumë polemika, në të cilat nuk përdora asnjëherë lojëra fjalësh. Ka funksionuar për një farë kohëe Me fillimin e luftës së Rusisë kundër Ukrainës, situata ka ndryshuar rrënjësisht.

Gëzimi më i madh i jetës sime – fundi i Luftës së Ftohtë, rënia e Murit, ribashkimi gjerman dhe uniteti i Evropës – për Putinin, nga ana tjetër, lidhen me fatkeqësinë më të madhe të shekullit të 20-të, fundin e Bashkimit Sovjetik. Prandaj, pikëpamjet tona ishin diametralisht të kundërta.

Putini po përpiqej ta bënte Rusinë sërish një fuqi të madhe. Por ai nuk mundi ta bënte atë në nivel ekonomik, përmes mirëqenies për të gjithë. Në vend të kësaj ai u përpoq me metodat e mësuara në shërbimin sekret, KGB, përmes forcës ushtarake dhe nacionalizmit rus. Kaq shumë nga shpresat që kishim në vitin 1990, se Rusia do të merrte gradualisht rrugën e demokratizimit, nuk janë realizuar.

Presidenti rus, Vladimir Putin e ka ftuar presidentin serb, Aleksandar Vuçiç, për të vizituar Moskën më 25 maj të vitit tjetër, kur do të shënohet përvjetori i 80-të i fitores në Luftën e Dytë Botërore, transmeton Radiotelevizioni i Serbisë (RTS).

“Ju ftoj të merrni pjesë në festimet për 80-vjetorin e fitores së Luftës së Madhe Patriotike, që do të mbahen në Moskë në maj të vitit 2025”, është cituar të ketë thënë Putin.

Kabineti i presidentit të Serbisë, as nuk e ka pohuar, dhe as mohuar këtë informacion, kur është pyetur nga Radio Evropa e Lirë për konfirmim.

Mes tjerash, Putin është thënë të ketë përmendur në ftesë se ai është i bindur që ruajtja “e kujtesës së fitores së madhe do të forcojë vendosmërinë e përbashkët” për të rritur “bashkëpunimin konstruktiv, me qëllim të garantimit të paqes dhe sigurisë në planet”.

Putin e pati ftuar Vuçiqin edhe në samitin BRICS, të mbajtur në tetor, në qytetin rus, Kazan. Megjithatë, Vuçiç nuk i është përgjigjur ftesës, duke thënë se Serbia do të ishte nikoqire e disa mysafirëve të rëndësishëm në atë periudhë.

Ato ditë, Serbia ka pritur presidenten e Komisionit Evropian, Ursula von der Leye, si dhe liderë të shteteve të BE-së, në mesin e tyre, kryeministrin polak, Donald Tusk dhe kryeministrin grek, Kyriakos Mitsotakis.

Një delegacion i Qeverisë së Serbisë pati marrë pjesë në samitin BRICS, i cili konsiderohet si përpjekje e Rusisë për të krijuar një kundërpeshë ndaj ndikimit të Perëndimit në botë. Zëvendëskryeministri i Serbisë, Aleksandar Vullin, pati marrë pjesë në samit dhe më pas pati takuar edhe Putinin.

Vullin është nën sanksione amerikane, mes tjerash edhe për lidhjet e ngushta me Rusinë. BE-ja kishte reaguar pas këtij takimi, duke thënë se të gjitha shtetet që kanë statusin e vendit kandidat për bllokun evropian, “duhet të përmbahen nga kontaktet me Rusinë dhe presidentin e saj”.

Ndonëse Serbia e gëzon këtë status, ajo është e vetmja në Ballkanin Perëndimor që nuk u është bashkuar sanksioneve të Perëndimit për të dënuar Rusinë për luftën e nisur në Ukrainë, dhe vazhdon të kultivojë lidhje me zyrtarët në Moskë./REL

Presdienti rus, Vladimir Putin ka zgjeruar ushtrinë e tij me mijëra ushtarë të rinj, pasi dhjetëra persona u plagosën kur një bombë ruse goditi një ndërtesë të lartë në Ukrainën verilindore .

Sipas dekretit, i cili u publikua në portalin qeveritar, numri i personelit të forcave të armatosura u rrit nga 2.2 milionë në 2.38 milionë, duke shënuar një rritje prej 180 mijë vetë.

Presidenti i Rusisë, Vladimir Putin, po viziton Mongolinë, teksa shteti mikpritës nuk ka shfaqur shenja se do t’i dëgjojë thirrjet për arrestimin e tij në bazë të një fletarrestimi ndërkombëtar.

Gjykata Ndërkombëtare Penale (GJNP) vitin e kaluar lëshoi fletarrestim për Putinin, të cilin e akuzon për dëbim dhe transferim të paligjshëm nga pjesët e pushtuara të Ukrainës për në Rusi.

Para vizitës, Ukraina i bëri thirrje Mongolisë që ta dorëzojë Putinin te gjykata në Hagë. Bashkimi Evropian, ndërkaq, shprehu shqetësime se Mongolia, shtet anëtar i GJNP-së, nuk do ta respektojë këtë fletarrestim.

Pavarësisht thirrjeve për respektimin e fletarrestimit, zyrtarët në Mongoli e pritën me nderime të larta Putinin.

Vizita e tij përkon me 85-vjetorin e fitores të trupave sovjetike dhe mongoleze ndaj ushtrisë japoneze në më 1939.

Ndryshe, Mongolia është anëtare e GJNP-së që nga viti 2003. Kremlini më herët ka deklaruar se nuk është “i shqetësuar” për këtë udhëtim.REL

Presidenti rus Vladimir Putin u takua me prsidentin e Sirisë, Bashar al-Assad në Kremlin këtë të enjte.

Në  takim Assad tha se dëshironte të diskutonte ngjarjet globale dhe rajonale me Putinin, duke përfshirë skenarë për të ardhmen.

Presidenti rus e ka shtyrë udhëheqësin sirian drejt një takimi me presidentin turk Erdogan dhe Damasku kërkon ndihmën e Kremlinit për të frenuar Izraelin.

Rusia është përpjekur të lehtësojë një takim mes Asadit dhe Erdoganit të Turqisë.

Kjo sepse  Turqia ndërpreu lidhjet me Sirinë në vitin 2011 pas shpërthimit të luftës civile siriane, në të cilën mbështeti rebelët që kërkonin të rrëzonin Assadin.

Rusia e mbështeti Assadin në luftën civile të Sirisë, duke nisur një fushatë ushtarake që ndihmoi ta kthente valën e konfliktit 12-vjeçar në favor të tij edhe pse Perëndimi kishte kërkuar që lideri sirian të largohej.

Presidenti i Rusisë, Vladimir Putin ka paralajmëruar se Koreja e Jugut do të bënte një “gabim të madh” nëse vendos të furnizojë Ukrainën me armë.

Sipas mediave të huaja, komentet e presidentit rus vijnë pasi Koreja e Jugut tha se një marrëveshje e re e mbrojtjes midis Koresë së Veriut dhe Moskës ishte “absurde” dhe do të bënte që ata të rishqyrtonin dërgimin e armëve në Kiev.

Putin tha se Seuli nuk kishte asgjë për t’u shqetësuar kur ishte fjala për paktin e mbrojtjes reciproke mes Rusisë dhe Koresë së Veriut.

Media shtetërore ruse e citoi Putinin të thoshte se Moska priste që bashkëpunimi i saj me Korenë e Veriut të shërbente si një pengesë për Perëndimin.

Ai gjithashtu refuzoi të përjashtonte mundësinë për furnizimin me armë të precizionit të lartë në vend.