Një aksident ka ndodhur mbrëmjen e sotme në aksin Qafë-Thanë, ku dy mjete janë përplasur me njëra-tjetrën.

Paraprakisht dyshohet se aksidenti ka ndodhur për shkak të motit të keq, me reshje shiu dhe mjegull.

Fatmirësisht nuk raportohet për persona të lënduar, por vetëm dëme materiale.

Ndërkohë policia ka shkuar në vendngjarje dhe ka nisur hetimet për të zbardhur shkaqet e plota të aksidentit.

Në vijim të veprimeve të thelluara hetimore dhe procedurale të kryera për zbardhjen e rrethanave të aksidentit të ndodhur më datë 08.04.2024, në aksin rrugor “Prrenjas-Qafë Thanë”, ku si pasojë mbetën të dëmtuar 4-shtetas, specialistët e Sektorit të Policisë Rrugore kanë ndaluar me iniciativë shtetasin J. D., 44 vjeç, banues në Peshkopi, për veprën penale “Shkelja e rregullave të qarkullimit rrugor”.

Shtetasi J. D., me automjetin që drejtonte, ka përplasur një automjet dhe si pasojë e humbjes së kontrollit nga drejtuesi, ka goditur dhe një automjet tip “Passat”, në ambientet e një servisi. Për pasojë janë dëmtuar 4 shtetas që ndodheshin jashtë automjetit “Passat” (pasagjerë që udhëtonin në këtë automjet).

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

Një aksident ka ndodhur ditën e sotme në aksin Librazhd-Qafë Thanë. Mësohet se dy makina janë përplasur me njëra-tjetrën. Nga aksidenti ka mbetur i lënduar drejtuesi i një prej mjeteve, ndërkohë që shkaku i aksidentit nuk dihet ende.  

Njoftimi i Policisë:

Librazhd/ Informacion paraprak Në aksin rrugor Librazhd-“Qafë Thanë”, automjeti me drejtues shtetasin D. S., 20 vjeç, banues në Korçë, është përplasur me automjetin me drejtues shtetasin G. K., 19 vjeç, banues në Prrenjas. Si pasojë e aksidentit është dëmtuar shtetasi D. S. dhe ndodhet në kujdesin e mjekëve, jashtë rrezikut për jetën. Gjithashtu, po kryejnë ekzaminime shtetasi G. K. dhe K. M.(pasagjer). Grupi hetimor vijon punën për përcaktimin e shkaqeve të aksidentit.