Policia ka goditur një tjetër rast të kontrabandës në pikën kufitare të Qafë Thanës, si rezultat i kontrolleve të shtuara dhe analizës së riskut për parandalimin e paligjshmërive.

Në pranga ka rënë E. Q., 38 vjeç, banues në Elbasan, i cili u kap në tentativë për të futur naftë kontrabandë në territorin shqiptar. Arrestimi u krye nga specialistët për Hetimin e Krimeve të Drejtorisë Vendore të Kufirit dhe Migracionit Korçë, pas përfundimit të veprimeve procedurale.

Lënda e dyshuar si naftë kontrabandë është sekuestruar në cilësinë e provës materiale, ndërsa ndaj 38-vjeçarit rëndon akuza për veprën penale “Kontrabanda me mallra për të cilat paguhet akcizë”.

Materialet procedurale i janë referuar Prokurorisë së Korçës për veprime të mëtejshme hetimore. Kontrollet do të vijojnë me intensitet për të goditur çdo tentativë të shkeljes së ligjit në pikat kufitare.

Një aksident ka ndodhur paraditen e sotme në Sarandë, ku janë përfshirë 4 mjete.
Aksidenti ka ndodhur në Qafë Gjashtë. Sipas burimeve një grua, mjeke nga Kruja, që ndodhej në njerën prej mjeteve është shoqëruar në urgjencën e Sarandës.

Sipas bluzave të bardha shoqërimi i saj në spital është bërë më tepër për vetë kushtet e gruas ndërsa nuk ka pasur asnjë problem shëndetësor.
Menjëherë kanë shkuar në vendngjarje shërbimet e Qarkullimit Rrugor dhe po hetojnë për të përcaktuar shkakun ndërsa mësohet se ka pasur vetëm dëme materiale.