TIRANË- Agjencia Kombëtare e Mbrojtjes Civile bën me dije se bazuar në raportimet nga IGJEO dhe Shërbimi Meteorologjik Ushtarak, ditën e nesërme priten reshje intensive kryesisht në 6 qarqe: Vlorë, Gjirokastër, Dibër, Durrës, Tiranë dhe Korçë.

Gjithashtu njofton se në zonat malore mbi 300 metra priten reshje dëbore. Agjencia Kombëtare e Mbrojtjes Civile u kërkon strukturave vendore dhe qendrore të jenë në gatishmëri për çdo situatë dhe të marrin masa për menaxhimin e reshjeve.

Ndërkohë qytetarëve u rekomandohet të tregojnë kujdes të shtuar në lëvizje dhe të ndjekin njoftimet zyrtare.

NJOFTIMI I PLOTË:

Bazuar në raportimet nga #IGJEO dhe #SHMU, nesër, e diel, 12 janar, priten reshje intensive, kryesisht në qarqet Vlorë, Gjirokastër, Dibër, Durrës, Tiranë dhe Korçë, si dhe reshje dëbore në zonat malore mbi 300 m.

Reshjet mund të shoqërohen me shtrëngata dhe ulje temperaturash, duke krijuar mundësi për ngrica dhe vështirësi në transport.

Agjencia Kombëtare e Mbrojtjes Civile u kërkon strukturave vendore dhe qendrore të jenë në gatishmëri për çdo situatë dhe të marrin masa për menaxhimin e reshjeve. Qytetarëve u rekomandohet të tregojnë kujdes të shtuar në lëvizje dhe të ndjekin njoftimet zyrtare.

Gazeta ‘SOT’ publikon ekskluzivisht emrat e rinj që do të drejtojnë drejtoritë e policisë në qarqe.

Janë zbardhur emra edrejtuesve të rinj të policisë në qarqet e vendit, pak javë pasi u hap gara për përzgjedhjen e tyre. Burime ekskluzive per Sot News bejne me dije se Policia e Tiranës pritet që të ketë drejtor Elton Alushi, ndersa Vilson Alushi i cili u përfol se do të drejtonte qarkun e Tiranës, rezulton i emëruar në Durrës.

Në Shkodër u emërua Fatmir LLeshi, Altin Mema në Lezhë, Fatmir Hoxha në Elbasan. Ndërkohë Policinë e Korçës do ta drejtojë Erjon Ahmeti. Në Kukës emri i përcaktuar është Gentjan Berberi dhe në Berat Artion Duka.

Kujtojmë se në garën për të zgjedhur drejtuesit e rinj në qareqe shprehën interes 42 aplikantë, 4 prej të cilëve u tërhoqën nga gara duke humbur kështu mundësinë për të drejtuar një nga qarqet e vendit.

Drejtori i Policisë së Fierit, Lorenc Panganika, është i vetmi në mesin e 38 kandidaturave në garën për drejtor qarqesh që deri më tani ka ankimuar renditjen nga Komisioni i Vlerësimit të Aplikimeve, brenda afatit ligjor.

Panganika, i cili më herët ka drejtuar edhe Policinë e Tiranës, është renditur në vendin e 16-të me 66 pikë. Afati për ankimime mbyllet të martën në mesnatë, ku do të shqyrtohet nga një tjetër komisionin apeli dhe më pas i hap rrugë emërimit të 12 drejtorëve të rinj.

Lista e Komisioni të Vlerësimit të Aplikimeve i është dërguar drejtorit të Përgjithshëm të Policisë së Shtetit, Ilir Proda, i cili më pas do të emërojë 12 drejtorët e Policisë në Qarqe.

Proda mund të zgjedhë për të emëruar drejtorë në qarqe vetëm emra nga 15 kandidatët e parë, të cilët kanë arritur të marrin mbi 70 pikë. Panganika, i cili është renditur i 16-ti dhe me 66 pikë, është skualifikuar nga gara për t’u rizgjedhur drejtor.