Paskuqan, Tiranë – Një konflikt familjar ka përfunduar në gjak këtë të mërkurë paradite.
Dy të rinj, Zenel dhe Alfrons Miftari, mbetën të plagosur me thikë pas një sherri me vëllain e tyre të madh, Elis Miftari. Ky i fundit dyshohet se i ka goditur disa herë me mjetin prerës dhe më pas ka tentuar të largohet nga vendi i ngjarjes.

Shërbimet e Komisariatit Nr. 5 ndërhynë menjëherë pas marrjes së njoftimit, duke bërë të mundur identifikimin dhe ndalimin e 29-vjeçarit Elis Miftari. Ai është shoqëruar në polici, ndërsa grupi hetimor po kryen veprimet procedurale për akuzat e rënda që pritet të përballet.

Dy vëllezërit e plagosur, Zenel (27 vjeç) dhe Alfrons (20 vjeç), u dërguan në spital dhe ndodhen nën kujdesin e mjekëve. Sipas burimeve, ata janë jashtë rrezikut për jetën. Materialet e çështjes i kaluan Prokurorisë për veprime të mëtejshme.

“Rreth orës 11:00, në rrugën e Paskuqanit, dyshohet se pas një konflikti të çastit, për motive të dobëta, shtetasi E. M., 29 vjeç, ka plagosur me mjet prerës (thikë), vëllëzërit e tij shtetasit Z. M., 27 vjeç dhe A. M., 20 vjeç.

Pas marrjes së njoftimit, shërbimet e Komisariatit të Policisë Nr. 5, kanë shkuar menjëherë në vendngjarje ku si rezultat i veprimeve të shpejta kanë bërë të mundur identifikimin dhe kapjen e autorit të dyshuar, shtetasit E. M., dhe shoqërimin e tij, në Komisariat, për veprime të mëtejshme procedurale”, njofton Policia.

PERU- Një diplomat që punonte në ambasadën indoneziane në Lima u qëllua për vdekje jashtë shtëpisë së tij në një lagje të kryeqytetit peruan të hënën në mbrëmje.

Ministria e Rendit Publik tha se po zhvillohet një hetim për të përcaktuar rrethanat në të cilat diplomati u vra para derës së përparme të rezidencës së tij.

Shefi i policisë David Guivar, duke folur në transmetuesin publik TV Peru, tha se ishte e mundur që të ishte një “larje hesapesh”. Diplomati po kthehej në shtëpi me biçikletë kur u qëllua nga një burrë që iku me motoçikletë me një bashkëpunëtor, sipas pamjeve të transmetuara nga mediat lokale.

Zetro Leonardo Purba, 40 vjeç, jetonte në Peru me familjen e tij që nga prilli. Ministria e Jashtme tha se masat e sigurisë rreth misionit diplomatik indonezian do të shtoheshin dhe se ambasadës do t’i ofrohej “e gjithë ndihma dhe mbrojtja e nevojshme”. Peruja po përballet me një rritje të krimit, veçanërisht zhvatjes.

Rreth orës 12:10 të mesditës së sotme, në rrugën “Petraq Leka”, është regjistruar një ngjarje me armë zjarri. Shtetasi E. K., 37 vjeç, është qëlluar nga një person ende i paidentifikuar plotësisht, teksa po lëvizte me automjetin e tij.

Fatmirësisht, nga të shtënat nuk ka persona të lënduar.

Menjëherë pas ngjarjes, specialistët për Hetimin e Krimit të Komisariatit Nr. 6 kanë nisur hetimet dhe kanë identifikuar autorin e dyshuar, por për shkak të hetimit që vijon, gjeneralitetet e tij nuk bëhen ende publike.

Policia po vijon punën intensivisht për të dokumentuar plotësisht rrethanat e ngjarjes dhe për të bërë të mundur kapjen e autorit të dyshuar.

Klos, 11 qershor 2025 – Një ngjarje e rëndë ka ndodhur mbrëmjen e sotme në fshatin Xibër-Murrizë të bashkisë Klos, ku një 65-vjeçar është gjetur i pajetë me plagë të shumta në trup.

Viktima është identifikuar si Selim Velsula, banor i zonës, i cili dyshohet se është goditur me thikë të paktën tre herë në gjoks. Trupi i tij është gjetur nga kalimtarë të rastësishëm, të cilët kanë njoftuar menjëherë policinë.

Pranë trupit të pajetë është gjetur edhe mjeti i krimit – një thikë e përgjakur, që dyshohet se është përdorur për goditjen e viktimës.

Forcat e policisë dhe grupi hetimor ndodhen në vendngjarje dhe po punojnë për zbardhjen e rrethanave. Deri tani, nuk ka të dhëna për autorin apo motivin e krimit, ndërsa po merren në pyetje banorë të zonës dhe persona të afërt me viktimën.

Nga ana e saj, Policia e Matit ka nisur hetimet nën drejtimin e Prokurorisë, ndërsa trupi i pajetë pritet t’i nënshtrohet ekspertizës mjeko-ligjore për të përcaktuar saktësisht orën dhe shkakun e vdekjes.

Klos / Informacion paraprak

Mbrëmjen e sotme, në fshatin Xibër, pranë pronës së tij, është gjetur pa shenja jete shtetasi S.V., rreth 65 vjeç.

Nga këqyrja paraprake, janë konstatuar dëmtime në trup, të shkaktuara dyshohet nga mjet prerës.

Grupi hetimor ndodhet në vendngjarje dhe, nën drejtimin e Prokurorisë, po punohet për sqarimin e rrethanave të kësaj ngjarjeje.

Futbollisti i ekipit të Flamurtarit, Sodiq Atanda është plagosur me thikë pasditen e sotme në Vlorë.

31-vjeçari nga Nigeria është transportuar drejt spitalit të Vlorës, ku po merr ndihmë mjekësore.

Fillimisht u raportua se ishte tentuar grabitja e tij, por sipas policisë, ngjarja ka ndodhur për shkak të një konflikti të çastit.

Pasi është mjekuar në spital, për një plagë jo serioze, futbollisti është shoqëruar në komisariat ku ka rrëfyer ngjarjen.

Raportohet se policia ka arritur të identifikojë autorin dhe po punon për kapjen e tij.

Njoftimi i Policisë së Vlorës:

Sot, rreth orës 18:00, në vendin e quajtur “Kali i Trojës”, gjatë një konflikti të çastit për motive të dobëta, ka mbetur i dëmtuar lehtë në dorë, dyshohet me mjet prerës (thikë), shtetasi S. A., 31 vjeç, me origjinë nigeriane. Pas marrjes së mjekimit në spital, 31-vjeçari është paraqitur në komisariat për të bërë kallëzimin për rastin.

Falë veprimeve të shpejta të kryera nga strukturat e Komisariatit të Policisë Vlorë, është bërë i mundur identifikimi i autorit të dyshuar, shtetasit D. B., 21 vjeç. Vijon puna për kapjen e tij, i cili paraprakisht dyshohet se vuan nga probleme të shëndetit mendor.

Grupi hetimor vijon punën për sqarimin dhe dokumentimin e plotë ligjor të ngjarjes.

Policia ka vene ne pranga te dyshuarin Klajdi Buza . Sipas te dhenave ai është arrestuar edhe në vitin 2022 pasi lëvizte i armatosur në rrugët e qytetit të Krujës. Klajdi Buza i cili u arrestua sot nga policia nuk është emër i panjohur për policinë.

Në vitin 2015 ai denoncoi vjedhjen e makinës së tij ‘‘BMË X 5’me targa AA 987 BC.

Policia në atë kohë njoftoi se mjeti ishte gjetur i braktisur në vendin e quajtur ura e Gjoles në Fushë Krujë.

Një sherr ka ndodhur mbrëmjen e së shtunës në Pogradec në një berberanë në lagjen Numër. 2 të qytetit pranë zonës e njohur si Rr. Rinia.

Një shtetas i cili sipas burimeve policore rezulton të jetë S. S e që është shpallur në kërkim, ka goditur me mjet prerës një tjetër të ri i cili ka qenë duke u qethur tek berberi.

Sipas të dhënave fillimisht konflikti ka nisur me fjalë më pas agresori ka përdorur mjet prerës thikë duke plagosur 23-vjeçarin N. A, i cili u transportua në spitalin e Pogradecit me fraktura në kokë, krahë dhe njërën dorë, për momentin ndodhet nën kujdesin e mjekëve.

Fill pas goditjes agresori është larguar me makinë dhe policia është ende duke e kërkuar.

Ndërkohë po mbrëmjen e sotme tek zona e ish-farmacisë në Pogradec ka ndodhur një tjetër konflikt mes disa personave duke u përplasur fizikisht 2 prej tyre janë shoqëruar në komisariat.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Të paktën katër persona u vranë dhe dhjetëra të tjerë u plagosën nga disa të shtëna me armë zjarri në një nga zonat më të njohura argëtuese në Birmingham në Alabama të Shteteve të Bashkuara.

Ngjarja e rëndë ka ndodhur të shtunën në mbrëmje, tha Departamenti i Policisë së Birminghamit.

Në fshatin Dushnik të Beratit është qëlluar me armë zjarri ndaj një automjeti që drejtohej nga shtetasi me iniciale A.H., 46-vjeç, person me precedentë të mëparshëm kriminal.

këtë janë angazhuar në veprimeve operacionale dhe shërbimet e Dretorisë Vendore të Policisë Fier dhe Komisariateve në varësi të saj.
Njoftimi i policisë:

Policia njofton se nga të shtënat nuk ka persona të lënduar.

Berat/Informacion paraprak

Rreth orës 16.10, në rrugën e fshatit Dushnik, është qëlluar me armë zjarri në drejtim të automjetit që drejtohej nga shtetasi A. H, 46 vjeç, banues në Berat, person me precedent të mëparshëm kriminal. Nga të shtënat nuk ka persona të lënduar.

Menjëherë në vendngjarje kanë shkuar shërbimet e Komisariatit të Policisë Berat, Forcat Operacionale dhe ato Shqiponja të DVP Berat dhe drejtuesit e Drejtorisë Vendore të Policisë Berat.

Njëkohësisht është ngritur grupi hetimor nën drejtimin e Prokurorisë i cili ndodhet në vendngjarje.

Gjithashtu në ndihmë të Policisë Vendore janë nisur grupe të Forcës Kombëtare të Sigurisë, Njësia Fier.

Shërbimet e Policisë janë vënë në ndjekje të autorëve dhe gjatë kontrollit të zonës në fshatin Kozare kanë gjetur një automejt që po digjej që dyshohet se mund të jetë i autorëve.

Nga veprimet e shpejta dyshohet se autorët janë nga qarku Fier dhe për këtë janë angazhuar në veprimeve operacionale dhe shërbimet e Dretorisë Vendore të Policisë Fier dhe Komisariateve në varësi të saj.

Për arsye hetime nuk jepen të dhëna të tjera.

Vijojnë veprimet hetimore dhe operacionale nën drejtimin e Prokurorisë për të bërë të mundur zbardhjen dhe dokumentimin e plotë ligjor të këtij rasti.

Qëllohet me armë zjarri drejt një pike karburanti në Tropojë’

‘Më datë 07.08.2024, në Fierzë, në drejtim të pikës së karburanit dhe ambientit ndihmës, në pronësi të shtetasit Sh. D., 43 vjeç, banues në Fierzë, është qëlluar me armë zjarri, duke shkaktuar vetëm dëme materiale.

Shërbimet e Policisë, me marrjen e njoftimit, shkuan menjeherë në vendngjarje dhe vijojnë kontrollin e zonës, për kapjen e autorit/ve.

Ndërkohë, Grupi hetimor në drejtimin e Prokurorisë, vijon punën për sqarimin e rrethanave dhe sigurimin e provave me qëllim dokumentimin ligjor të rastit’, njofton policia.