Janë zbardhur detaje të reja në lidhje me grabitjen në tentativë me armë zjarri në një banesë në fshatin Prush të Tiranës.

Burime nga policia bënë me dije se forcat e rendit janë vënë në ndjekje një automjeti Audi me ngjyrë të bardhë, i cili pasi është larguar nga vendi i ngjarjes është nisur në drejtim të liqenit të Thatë.

Autorët kishin shkuar për të grabitur një banesë, por pas mbërritjes në kohë të forcave të rendit, ata janë larguar. Kanë qenë familjarët që kanë lajmëruar policinë për grabitjen.

Policia e Elbasanit, pas marrjes së njoftimit se për shkak të një konflikti të çastit ndërmjet 4 shtetasve, ishte qëlluar me armë zjarri në ajër, kanë organizuar punën për identifikimin e shtetasve të përfshirë në konflikt dhe për zbardhjen e plotë të rrethanave të konfliktit.

Nga veprimet e shpejta hetimore u bë i mundur identifikimi dhe shpallja në kërkim e shtetasve Ambri Sinakoli dhe Erion Çapja, 28 dhe 44 vjeç, pasi dyshohet se kanë qëlluar me armë zjarri në ajër, pas një konflikti të çastit me shtetasit U. G., 30 vjeç dhe M. G., 25 vjeç (vëllezër).

Vijon puna për kapjen e tyre si dhe për përcaktimin e përgjegjësisë penale të secilit prej tyre.

Në vijim të veprimeve procedurale për këtë rast, specialistët për Hetimin e Krimeve të Komisariatit të Policisë Elbasan arrestuan në flagrancë shtetasin Marvis Preçi, 40 vjeç, banues në Elbasan, për veprat penale “Përkrahja e autorit të krimit” dhe “Veprime që pengojnë zbulimin e së vërtetës”, si edhe shpallën në kërkim shtetasit H. M., 23 vjeç, dhe M. G., 37 vjeç, për veprat penale “Moskallëzim i krimit” dhe “Përkrahja e autorit të krimit”.=