Sherri mes dy të miturve brenda një klase në gjimnazin “Qemal Stafa”, në Tiranë ku mbeti i plagosur njëri prej tyre raportohet se nisi për shkak të një vajze.about:blank

Dy nxënësit që kryenin mësimin pasdite në këtë shkollë, por që në fakt i përkasin shkollës me orientim gjuhësor “Asim Vokshi”, fillimisht janë konfliktuar me njëri-tjetrin me sende rrethanore dhe më pas situata ka degraduar deri në përdorim të thikës.

Mësohet se 15-vjeçari me iniciale M.B. kishte ngacmuar motrën e moshatarit me iniciale G.P. Për të dy nxënësit është marrë masa nga shkolla, ndërsa një ditë më pas, para gjimnazit “Qemal Stafa” është vendosur një patrullë policie.

Dy të miturit ishin nxënës të klasave paralele, dhe për shkak se shkolla e tyre është në rikonstruksion, mësimin e zhvillonin tek gjimnazi “Qemal Stafa”. Policia e gjeti në banesën e tij në Domje autorin, i cili u la i lirë pasi shpjegoi rrethanat e ngjarjes.

Një ngjarje që mund të kishtë përfunduar në fatale ka ndodhur këtë të hënë në ambientet e shkollës “Qemal Stafa” në kryeqytet, ku dy adoleshent të moshës 15-vjeç janë konfliktuar me njëri-tjetrin, ku për pasojë njëri prejt tyre është plagosur lehtë në këmbë, me mjet prerës, ndërkohë kanë mbërritur në vendin e ngjarjes forcat e policisë dhe grupi hetimor për të zbardhur çështjen.about:blank

Njoftimi i policisë:

Më datë 08.01.2024, në Rrugën e Durrësit, në ambientet e shkollës “Qemal Stafa”, janë konfliktuar dy nxënës shkolle, të moshës 15 vjeç. Gjatë konfliktit është dëmtuar lehtë në këmbë, me mjet prerës, njëri prej tyre.

Shërbimet e Policisë po vijojnë punën për kapjen e autorit të dyshuar.

Grupi hetimor po punon për sqarimin e rrethanave të ngjarjes.