QAFË BOTË- Pushimet e verës dhe rikthimi ose dalja jashtë vendit shoqërohet me pritje të gjata në pikat kufitare. Sot raportohet se ka patur sërish pritje te gjatë në pikën kufitare në Qafë Botë. Ashtu siç edhe dje problem është pala greke e cila po punon me pak sportele.

Raportohet se paraditen e sotme kanë kaluar në këtë pikë kufitare 1436 persona dhe 460 mjete. Në doganën greke po pohet me një sportel në hyrje dhe dalje. Kjo sjell vonesa të kalimit dhe krijhet radhë e gjatë duke pritur me orë të tëra në temperatura përvëluese.

Kolona të gjata mjetesh që transportojnë mallra nga Shqiperia drejt Kosovës, u krijuan gjatë pasdites sotme disa kilometra në afersi të fshatit Morinë te Kukësit.

Shumë drejtues mjetesh, në pritje per të kaluar kufirin Shqiperi-Kosovë jashtë kamerave thanë se vonesat po shkaktohen nga pala e Kosovës e doganës se Vermicës për shkak të proçedurave doganore por pa marrë sqarime të mëtejshme rreth këtyre vonesave.

Kolona të tilla me mjete të transportit të mallrave zakonisht krijohen gjatë fundjava në orarin që perkon edhe me pushimin e personelit të doganes.

Vonesat në kufi nuk jane të rralla qe lidhen kryesisht me proçesin e skanimit të mjeteve e mallrave, por herë pas here edhe puna vetëm me një sportel nga ana e doganës se Kosovës.

Gjatë qendrimit në pritje per të hyre ne Kosovë, kompanive u shtohet jo pak kostoja e shpenzimeve për mungesë te qarkullimit të mallrave.

Sezoni turistik është në pikën kulminante dhe emigrantë shqiptarë kthehen në atdhe për të kaluar pushimet e tyre, shumë të tjerë zgjedhin të pushojnë jashtë.

Si pasojë në pikën kufitare të Qafë-Botës është krijuar radhë e gjatë.

Mësohet se pala greke punon me një sportel, duke krijuar kështu radhë në pikën kufitare, ndërsa automjeteve iu duket të presin në radhë në temperatura të larta.

Ndërkohë turistët e shumtë por edhe banorët thonë se janë nën temperatura rreth 40 gradë për gati 2 orë.

Tuneli i Llogarasë ka shkaktuar trafik të rënduar, pavarësisht se ka vetëm dy ditë që është hapur për publikun dhe duhet të lehtësonte kalimin në këtë aks.

Qindra pushues janë bllokuar për orë të tëra në radhë kilometrike, në dalje dhe brenda tunelit në tentativë për të shkuar apo për t’u kthyer nga plazhet.

Sipas disa raportimeve në disa media, trafiku është shkaktuar nga qytetarët kuriozë që kanë marrë makinat e tyre dhe kanë nxituar për të parë këtë vepër të infrastukturës rugore.

Kujtojmë se kalimi në tunel këtë vit është falas, ndërsa vitin tjetër do të jetë pesë euro për makinë.

Në pikën kufitare të Qafë Thanës janë raportuar radhë të gjata automjetesh. Fluksi vjen kryesisht nga vizitorë të qyteteve të ndryshme të Shqipërisë, të cilët vizitojnë Maqedoninë e Veriut.

Pritjet e automjeteve sipas informacioneve shkojnë deri në 40 minuta, ndërkaq mësohet se aktualisht po punohet me tre sportele.

Në këtë pikë kufitare aplikohet kalimi me një ndalesë, ku kontrollorët e dy palëve qëndrojnë në një kabinë. Orët e pikut mbeten paraditja dhe mbrëmja, pasi qytetarët kthehen përsëri në vendet e tyre.