Bashkia e Elbasanit njoftoi se ka përfunduar procesin e emërimit të 18 administratorëve të njësive administrative, vendet vakante të të cilave u krijuan pas urdhrit të Kryeministrit Rama për dorëheqjen e administratorëve në të gjithë Shqipërinë.

Kanë qenë më shumë se 400 aplikime për të marrë pjesë në procesin e përzgjedhjes së administratorëve dhe drejtorëve në Bashkinë e Elbasanit.

“Ka qenë një proces i hapur ku kanë aplikuar mbi 436 qytetarë që kanë shprehur interes të jenë pjesë në këtë proces”, shprehet Gledian Llatja, kryetar i Bashkisë Elbasan.

TIRANË- Kreu i Partisë Demokratike, Sali Berisha, gjatë konferencë për shtyp u shpreh se në Theth nuk kanë votuar Partinë Socialiste, por kanë votuar Partinë Demokratike, dhe kjo përbën hakmarrjen primitive të Edi Ramës ndaj banorëve të zonës. Lideri i opozitës gjithashtu u bëri thirrje për ngritje qytetare, duke theksuar se kjo e keqe duhet ndarë sa më parë nga komuniteti dhe Shqipëria në përgjithësi.

“Pse kjo? Ky është rezultati i qendrës së votimit ku ju patë atë krim të shëmtuar. PD në këtë qendër ka marrë 95 vota dhe PS 82 vota. Pra, nuk kanë votuar PS-në, kanë votuar PD-në dhe kjo është hakmarrja primitive, kriminale e Edi Ramës ndaj tyre. Dëgjojeni këtë. Para zgjedhjeve mburreshin me ato ndërtime, mburreshin se Thethi kishte arritur të ketë 2 mijë shtretër. Vërtet arritje shumë e madhe, po të kemi parasysh se një shtrat në Theth ka një kosto të paktën tre herë më të lartë se një shtrat në Tiranë apo bregdet, për shkak të infrastrukturës, distancës, etj.

Por ja ku janë 2 mijë shtretërit e Thethit, se si Edi Rama për shkak të disfatës elektorale, u hakmor në mënyrën më primitive, më çnjerëzore ndaj tyre. Unë u bëj thirrje banorëve të Thethit, Shkodrës dhe mbarë Shqipërisë, të ngrihemi për t’u ndarë në mënyrë përfundimtare nga kjo e keqe e madhe që po rrënon çdo ditë shqiptarët dhe qenien e tyre. Nga ky armik i egër i veriut të Shqipërisë në mënyrë të posaçme, por edhe shqiptarëve në tërësi, i cili rrezaton çdo ditë armiqësi, urrejtje, negativitet ndaj tyre. Pra, ky është Thethi i 2 mijë shtretërve sot,” tha Berisha.

Kryeministri Edi Rama mblodhi në Durrës kryetarët e bashkive të vendit, të cilëve iu vendosi ultimatum që deri ditën e hënë të kenë shkarkuar të gjithë kryetarët e njësive administrative dhe nënkryetarët e bashkive.

Kryebashkiaku i Kavajës, Fisnik Qosja, kryetarit i Bashkise së Mirditës, Albert Melyshi, dhe ai i Himarës, Vangjel Tavo, paralajmërojnë se nuk do të zbatojnë urdhrin e Ramës.

Fillimisht kryebashkiaku i Himarës Vangjel Tavo u shpreh se ai nuk do t’i shkarkojë nënkryetarët siç kërkoi Rama, pasi kanë shumë pak kohë në detyrë.

“Në varësi të performancës, unë jam kryetar i ri. Kuptohet që janë akoma në provë, plus që nënkryetarët e mi janë të rinj”, tha Tavo pas takimit.

Edhe kryebashkiaku i Kavajës, Fisnik Qosja deklaroi se nuk do t’i bindet urdhrave të Ramës, pasi sipas tij, ultimatumi i kryeministrit vlen vetëm për udhëheqësit socialistë.

“Absolutisht jo. Perfromanca është gjë tjetër. Jo nuk do t’i shkarkoj për shkak të kryeministrit, por për shkak të sezonit turistik apo tjetër… Absolutisht jo. Nuk isha këtu politikisht, isha si kryetar bashkie, kështu që… Ai e ka me të vetët, nuk e ka me të mitë”, tha Qosja.

I pyetur në vijim nëse do ta zbatojë kërkesën, në rast se kryeministri ia drejton edhe atij, Qosja tha: “Jo absolutisht. Nuk do ta dëgjoj kryeministrin për këtë vendim”.

Aktorja Delinda Disha, ka marr pjesë në takimin përmbyllës elektoral të kryeministrit Edi Rama në Fier, ku me nota humori, ka ‘parashikuar’ se si do të bëhet Fieri pas fitores së Partisë Socialiste në zgjedhjet e 11 Majit.Ajo tha se PS do të fitojë në këto zgjedhje dhe do të marrë 78 mandate në 11 maj.

“Ta pashë filxhanin motra jote herën e parë, t’i gjeta të gjitha me porte, me aeroporte, me hekurudha, vetëm Shell-i na u vonua. A fillojmë më Fierin njëherë se e kam pikë të dobët. Filxhani thotë se Fierit, Antalya t’i marri të keqen, se ka për tu bërë nga Semani në Vjosë me resorte, me hotele dhe do të plasi një treg pune. Do të hapen kateringje, një industri e madhe zhvillimi.

Më del edhe një “KP” mua këtu. Është Komuna e Parisit se atje e ndërtuan fierakët dhe do të kthehen të gjithë në Fier të punojnë dhe të investojnë se do të zhvillohet turizmi.

S’më gënjen filxhani mua zemra jo. Ja ku është edhe rruga e aeroportit. Ma ndan filxhanin në mes rruga e aeroportit mua, por kemi edhe një rrugë tjetër mo zemra. Është një rrugë blu. Kam përshtypje që kjo do jetë rruga që do të mbulojë komplet me Adriatik, me Jon. Tani ta lej cik këtë unë dhe të jap motra atë porosinë ty, nuskën e fitores. Ta dhashë herën e parë dhe tani me këtë do të fitosh.Tani ta shtypim për mandatet se e di aty më qan mua zemra. O 77 ose 78 më dalin mua. Po 78 unë them i ke të marra e vdekur.

E fundit filxhani më thotë që mandati i fundit të shoh atje në Bruksel, të ngresh flamurin më të bukur në botë”, shprehet aktorja Delinda Disha.

Drejtuesi politikë i Koalicionit Euroatlantikë, Lulzim Basha, i është përgjigjur ndryshe kësaj radhe kryeministrit Edi Rama.

Basha ka postuar një video duke drejtuar makinën dhe me këngën e Unikkatilit “Ku t’metën shokt”, dhe pyet kryeministrin ku e ka Lalin, Benin, Terin, Beqën, Sajen dhe Çyrben.

O Rame, ku i ke shokët?
Ku e ke Lalin?
Ku e ke Benin?
Ku e ke Terin?
Ku e ke Lir Beqen?
Po Sajen?
Po Çyrben?
Ku t’mbetën shokët Rame???

Nga Namir Lapardhaja

Arrestimi i Erjon Veliajt ka nxjerr shumë zbuluar. Ka treguar fytyrën e vërtetë të medias dhe të analistëve. Disa të ashtuquajtur artistë dhe aktorë, na i shndërroi brenda ditës në gaztorë, ndërsa klasën e vjetër të politikës i solidariozi në atë mënyrë saqë nuk e kupton ku fillon njëri e ku mbaron tjetri, sepse gjuha e përdorur prej tyre duket e huazuar prej njëri-tjetrit.

Por nëse të gjithë i ka zbuluar, Edi Ramën e ka shfaqur cullak, ngjashëm si ‘mbreti lakuriq’, të cilin të gjithë e shihnin, por askush nuk ia thoshte të vërtetën.

Akrobacia narrative njëqindetetëdhjetëgradëshe, gjuha konspirative dhe alucinante në drejtim të prokurorëve dhe të gjykatësve, por njëkohësisht edhe puna (tanimë jo nën rrogoz) për t’i vënë thupra nën thundra drejtësisë, i kanë shkaktuar Ramës një ‘harakiri’ të pashpresë politik në raport me opinionin dhe të vërtetën.

Shfaqja e sotme, më së shumti i ngjan një parade turpi, ku nuk ka ligj që e justifikon, nuk ka kanun që e legjitimon dhe nuk ka të drejtë që e garanton.

Nuk është vetëm një thyerje e hapur e Ligjit të Vetëqeverisjes vendore, një përdorim i poshtër i administratës, një nëpërkëmbje e ligjit dhe e normave të së drejtës, por është edhe një hedhje në erë e autonomisë dhe decentralizimit, një përpjekje e kahershme kjo për ta orientuar pushtetin lokal drejt të ngjashmëve të tij në botë, dhe jo duke e bërë atë vartës të qeverisë, prej së cilës nuk ka marrëdhënie hierarkie, por bashkëpunimi dhe koordinimi.

Edi Rama, të cilit të gjithë i kanë ngrënë kumbulla prapa kurrizit, nuk mund të jetë njëkohësisht edhe kryeministër edhe kryetar bashkie, edhe ministër edhe drejtor, edhe gjykatës edhe prokuror, sepse po tentove t’i bësh të gjitha, në fund nuk do arrish të bësh asgjë dhe rezultati do jetë që ca prej shokëve t’i hajë ‘topi’ dhe ca të tjerë… SPAK-u.

Qartësisht halli i vërtetë i Edi Ramës është SPAK dhe GJKKO, të cilët treguan që përballë kërcënimeve 5-lekëshe të Erjon Veliajt, e trajtuan atë si leckë në raport me ligjin, duke shfaqur dinjitetin e ligjit, gjë që parathotë se shumë shpejt mund të ndodhë e njëjta gjë edhe me vetë Ramën.

Gazetarja Eksiola Shehu është shprehur se kryeministri Edi Rama e ka paralajmëruar më parë, por edhe gjatë ditës së sotme në Asamblenë e PS, se pjesa më e madhe e Grupit të ri Parlamentar, pas zgjedhjeve të vitit 2025 do të përbëhet nga deputetë të rinj.

Komentet Shehu i bëri në një emision televiziv ku tha se PS po ikën nga ‘Rilindja’ e deputetëve të vjetër e me eksperiencë shumëvjeçare drejt ‘një gjaku të ri’.

Ajo tha gjithashtu se Rama i ka bërë të qarta pakënaqësitë kur ka kritikuar deputetët që nuk zhvillojnë takime në zonat e tyre elektorale, apo që zhvillojnë takime vetëm sa për të bërë fotografi.

Sipas Shehut, Rama e ka të qartë profilin e kandidatëve që pritet të garojnë në zgjedhjet parlamentare të 2025.

“Rama e ka të qartë profilin e kandidatëve që pritet të garojnë në zgjedhjet parlamentare të 2025. Ai ka shprehur pakënaqësi për grupin aktual parlamentar duke nisur nga takimet që nuk zhvillojnë në terren, apo disa takime apo minitakime që zhvillojnë vetëm për foto në rrjetet sociale.

Kam përshtypjen që pjesa më e madhe e grupit të PS që do prodhojnë zgjedhjet e 2025 do të jenë deputetë të rinj, në funksion të asaj PS-je që nga Rilindja tani do të shkojë jo tek ata që kanë 30 e kusur vite eksperiencë, por një gjak i ri. Edhe sot e nënvizoi pak Rama ‘të rinjtë e dekadës tjetër, atë të BE’.

Emrat më të rëndësishëm politikë do të jenë aty, por pjesa tjetër nuk do të jetë. Rama bëri me dije sot se nuk do të ketë më kandidatë me listë të mbyllur me më shumë se një mandat”, tha Shehu.

HIMARË- Kënaqësia mbizotëron në Tiranë për rezultatin e zgjedhjeve në Himarë, ku kryeministri i Shqipërisë Edi Rama nuk i fsheh planet e tij për të nesërmen në rajon, shkruan CNN Greece.

“Ne jemi të vendosur ta bëjmë Himarrën 2030 një nga destinacionet më të kërkuara. Parimisht të gjithë ata që punojnë në industrinë e turizmit në Greqi do të kthehen për paga më të mira dhe për ‘ajrin’ e pazëvendësueshëm të atdheut”, tha Rama duke uruar kryebashkiakun e ri.

Në fakt, në një video të postuar nga një lider shqiptar, ai dhe kryebashkiaku i ri Vangel Tavo shfaqen si dy skulptura guri të cilat më pas marrin formën e tyre normale dhe marrin jetë.

“Përfshirja e shtetit dhe nënshtetit”

Vlen të theksohet se kandidati tjetër për bashkinë e Himarës, Petro Gjikuria, pohon se zgjedhjet u karakterizuan me metoda antidemokratike dhe me përfshirje të shtetit dhe parashtetit. Gjithashtu, ai e cilësoi rezultatin si produkt të ndryshimit të listës zgjedhore në interes të kombinimit rival, i cili mundësoi “një ushtri partiake të marrë pjesë në zgjedhje”.

Pas ankesave të pakicës kombëtare greke për falsifikim, kanosje, zhvendosje të paligjshme dhe karta identiteti të “skaduara”, eurodeputeti i PD-së dhe presidenti i Komisionit BE-Shqipëri për Periudhën Parlamentare 2019-2024, Manolis K. Kefalogiannis ka paraqitur një pyetje në Komisionin Evropian. Në pyetjen e tij ai ngre edhe çështjen pronësore dhe kërkon mbrojtjen e pronave të pakicës kombëtare greke pas akuzave për shpronësim të paligjshëm nga autoritetet shqiptare.

Sipas njoftimit, theksohet se “ankesat që janë bërë në lidhje me kushtet e përsëritjes së zgjedhjeve bashkiake në Himarrë, ngrenë dyshime serioze për integritetin e procedurave zgjedhore. Ndërsa çështja konkrete lidhet tërësisht me çështjen e pronave dhe mbrojtjen e pronave të pakicës kombëtare greke në Bashkinë Kheimarra dhe akuzat për shpronësime të paligjshme nga autoritetet shqiptare”.

Athina i kërkon përgjigje Tiranës për paprekshmërinë e procesit zgjedhor në Himarës pas fitores së të “zgjedhurit” të Edi Ramës, Vangeli Tavos.

“Ankesat e bëra nga anëtarët e pakicës kombëtare greke në Shqipëri në lidhje me kushtet për mbajtjen e zgjedhjeve të përsëritura bashkiake në Bashkinë e Heimarrës, veçanërisht në lidhje me ndryshimin demografik të organit zgjedhor dhe mohimin e të drejtës kushtetuese për të votuar mijëra Qytetarët e Heimarës, me pretekstin e vlefshmërisë së kartave të tyre të identitetit, ngrenë dyshime serioze për integritetin e procesit”, thonë burime diplomatike.

“Beteja” për të nesërmen

Petro Gjikuria u ankua në Programin e Parë se si “kanë paguar 300 euro për të votuar kundërshtarin tim në zgjedhje dhe më pas kanë dashur t’u tregojnë se çfarë kanë votuar me një foto nga celulari i tyre” duke theksuar se “regjimi i Ramës donte Vangel Tavon”.

Eurodeputeti Fredi Beleri akuzoi kryeministrin shqiptar Edi Rama për manipulim të rezultateve të zgjedhjeve, pasi për herë të parë mbajtësve të kartave të vjetra të identitetit iu ndalua të ushtronin të drejtën e votës në rajon.

Nga ana e tij, kryebashkiaku i sapozgjedhur i Himarës, Vangel Tavo premtoi se do të vendosë interesat e qytetarëve mbi interesat e tij dhe do të forcojë bashkëpunimin mes Shqipërisë dhe Greqisë, ndërsa përsëriti ftesën që i kishte drejtuar Petro Gjikurias përmes CNN Greece, për pranojnë postin e nënkryetarit të bashkisë.

Deputetja e Partisë Demokratike, Jorida Tabaku, ishte e ftuar këtë të shtunë në një emision televiziv, ku komentoi rezolutën anti-korrupsion të propozuar nga PS, që do të kalojë të hënën në parlament.

Tabaku tha në fjalën e saj se Partia Demokratike duhet të jetë pjesë e procesit dhe nuk duhet ta bojkotojë atë. Ajo apeloi që PD të kujdeset që kjo nismë t’i shërbejë integrimit duke u bërë në konsultim me partnerët dhe me shoqërinë civile, dhe jo të përdoret për fushatë nga Partia Socialiste.

“Unë besoj se gjithmonë për opozitën është më mirë të jetë pjesë e procesit se të mos jetë. Ne e kemi provuar se çfarë do të thotë kur opozita nuk është pjesë, e kemi provuar në zgjedhje, e kemi provuar jashtë parlamentit, e kemi provuar në komisione. Ne së pari duhet të kemi një qartësi për mënyrën si do të funksionojë ky komision. Duhet të kemi parasysh që gjërat që bëhen për fushatë nuk janë të qëndrueshme në kohë dhe ne duhet të kujdesemi që çdo gjë që bëhet për procesin e integrimit, të bëhet në konsultim me shoqërinë civile dhe të kethehet në një diskutim mbarëkombëtar. Duhet të ketë dhe një diskutim të gjerë me partnerët”, tha Tabaku.

E pyetur nëse do ta votojë rezolutën e PS-së nesër në parlament, Tabaku tha se PD nuk mund ta mbështesë rezolutën pa pasur informacion se çfarë do të ndodhë më pas.

“Vizita e Kryeministrit Edi Rama në Athinë, bëhet me qëllimin e vetëm të zgjedhjeve elektorale në Shqipëri” – Kështu theksojnë mediat greke, “Protothema” dhe “Kathemirini”, të cilat ndoqën nga afër fjalimin mbi një orë të Kryeministrit Rama.

Mediat greke i mëshojnë faktit se Rama ka bërë fushatë në Athina dhe se ka marrë anëtarë të Partisë Socialiste nga Shqipëria me autobus. Po ashtu hapësirë në mediat greke gjen deklarata e Fredi Beleirt nga burgu, për të cilin vizita e Ramës është një provokim për grekët dhe shfaqje force brenda Shqipërisë, pasi sipas tij, data 12 Maj është data e arrestimit të Belerit nga autoritetet shqiptare.

Sakaq mediat greke kanë raportuar edhe protestën e disa personave të cilët mbanin në duar parrulla dhe flamuj të Partisë Demokratike. Sipas medias greke, rreth 30 militantë të PD filluan të protestonin kundër Ramës. Gjithashtu jashtë stadiumit ndodhi një incident i vogël mes të pranishmëve, ku disa thanë se Rama po provokon homologun e tij grek, Mitsotakis, ndërsa disa të tjerë janë shprehur me fjalët: “Mos i vini zjarrin dy popujve”.

Disa nga mbështetësit e Edi Ramës, theksojnë mediat greke mbërritën në stadiumin e Galatsit të veshur me bluza me mesazhe dhe referenca për “krenarinë kombëtare”. Disa media fqinje shkojnë edhe më tej duke e quajtur fjalimin e Ramës të mbushur me fantazi nacionaliste.