Rozana Radi ka reaguar së fundmi lidhur me raportin e saj me Gjestin, duke sqaruar se mes tyre nuk ka më asnjë lloj komunikimi. E pyetur nëse kanë folur apo kanë pasur ndonjë kontakt në rrjete sociale, këngëtarja u shpreh:

“Jo, nuk kam folur me Gjestin. Nuk e kam në Instagram, as nuk më ka. Nuk kemi asnjë lloj kontakti.”

Megjithatë, pavarësisht mungesës së komunikimit, Rozana nuk nguron t’i urojë të mirat:

“Uroj që të jetë mirë dhe të ketë sukses në gjërat që po bën, siç ia kam uruar përherë”.

Deklarata e saj konfirmon përfundimisht distancën mes tyre, por njëkohësisht tregon se nuk ka asnjë ndjenjë keqdashëse, përkundrazi, një urim i sinqertë për të ardhmen e tij.

Joz Marku, pas përjashtimit të tij nga Big Brother VIP Albania 4, ka folur për herë të parë në disa studio televizive për ngjarjet që ndodhën brenda shtëpisë. Përjashtimi i tij erdhi pas një deklarate të rëndë që ai bëri në drejtim të banorit tjetër, Gjestit.

Në një intervistë në programin “Wake Up”, ai ka sqaruar marrëdhënien që ka me Valbona Mhilli.

Jozi tha: “Valbonën gjithmonë e kam cilësuar shoqen time, nuk e kam parë kurrë me atë shikimin tjetër. Ne njiheshim pak, pastaj aty në shtëpi jemi afruar, ka kontribuar në qëndrimin tim në shtëpi.”

Ai e theksoi se lidhja e tij me Valbonën është një miqësi e thellë, duke shtuar: “Neve na lidh një shok i përbashkët, Valbona e ka si vëlla, ky na ka lidhur me njëri-tjetrin.”

Nga ana tjetër, Valbona ka deklaruar që Jozi është njohur me vëllezërit e saj dhe me disa shokë, duke lënë kështu hapësirë për më shumë komente rreth raportit të tyre.