“Për të treguar që kemi një lidhje shumë të fortë me njëri-tjetrin, për të treguar se dashuria ekziston”

Të ftuar në “Live From Tirana” me Ronaldo Sharkën, kanë qenë Albi Buzali, ish-konkurrent i “Për’puthen” dhe partnerja e tij Xhesiana Zahoaliaj. Ata kanë folur më shumë për historinë e tyre të dashurisë, planet për martesë dhe jo vetëm…

Pjesë nga intervista:

Ronaldo: Keni hedhur një foto afër ambienteve të “Big Brother”, keni marrë ndonjë ftesë, apo e bëtë për të ngacmuar produksionin?

Albi: Atë e bëmë për të ngacmuar produksionin e “Big Brother VIP” por edhe për të ngacmuar audiencën, për të parë nëse do të donin të na shihnin të dy në “Big Brother”. Reagimet ishin shumë pozitive. Kisha komente që thonin se do ta fitojmë. Më dha një vetëbesim shumë të lartë. Mendoj se mund të japim shumë tek ai reality show.

Xhesi: E hodha edhe unë atë foto, ndoqa hapat e burrit. Këtej nga unë u bënë gati dronët. Po i numëroja, sa drona do dërgonin. Ishte një energji fantastike, reagime shumë të mira.

Ronaldo: Keni pasur një ftesë konkrete?

Albi: Jo, akoma. Nuk mendoj se kanë filluar ende, varet se kur fillon reality show. Shpresojmë të kemi.

Ronaldo: Pse duheni ju në “Big Brother”?

Albi: Për të treguar që kemi një lidhje shumë të fortë me njëri-tjetrin, për të treguar se dashuria ekziston. Ne nuk do tregojmë vetëm bukurinë nga rrjetet sociale, videot tona, se ne mund të kemi dhe sherre që hasim dhe si i zgjidhim ato sherre.

Ronaldo: Si do ta përballoni ju nëse futeni aty brenda? Mund të ketë ndonjë djalë që flirton me Xhesin, apo ndonjë vajzë që flirton me Albin…

Albi: Ne besojmë shumë te njeri-tjetri, komunikojmë shumë dhe jam i sigurt se të dy ne do ta zgjidhim sepse gjëja kryesore jemi ne. /TAR/

Prishtinë, 5 korrik 2025 – Një alarm për bombë ka shkaktuar panik në Kuvendin e Kosovës, duke detyruar autoritetet të evakuojnë urgjentisht godinën. Kërcënimi është bërë nëpërmjet një telefonate anonime, ndërsa Policia e Kosovës ka marrë në dorë situatën dhe ka nisur hetimet.

Albin Kurti largohet drejt godinës së qeverisë pas alarmit për bombë Sipas raportimeve nga vendngjarja, Kryeministri në detyrë i Kosovës, Albin Kurti, është parë teksa largohej pa dhënë deklarata për media, duke u drejtuar në ndërtesën e qeverisë. Largimi i tij ndodhi menjëherë pasi policia kërkoi evakuimin e të gjithë personave nga objekti i Parlamentit.

Konjufca: Kërcënimi u bë përmes një telefonate, policia do të japë më shumë sqarime Deputeti Glauk Konjufca, i cili ndodhej në Kuvend në momentin e alarmit, foli për gazetarët jashtë ndërtesës. Ai tha se bëhet fjalë për një kërcënim të bërë përmes një telefonate dhe shtoi se për detaje të mëtejshme është Policia ajo që do të informojë më saktësisht. “Policia kështu po mendon…”, tha shkurt Konjufca.

Time Kadrijaj: Hetimi është në dorën e Policisë së Kosovës Nga radhët e AAK-së, deputetja Time Kadrijaj ka kërkuar zbardhjen e menjëhershme të këtij kërcënimi. Ajo u shpreh se përgjegjësia për identifikimin e burimit të telefonatës është e Policisë dhe theksoi rëndësinë e angazhimit të institucioneve të sigurisë për të qetësuar situatën. “Është në dorën e policisë me zbulu rastin edhe nga ka ardhur ajo n’telefonat”, deklaroi ajo.

Hetimet në vijim, pritet sqarim zyrtar nga autoritetet Aktualisht, forcat e policisë kanë rrethuar zonën dhe janë duke zhvilluar kontrolle për të verifikuar çdo skaj të ndërtesës. Ende nuk ka një konfirmim për gjetjen e ndonjë mjeti të dyshimtë, ndërsa publiku pret deklaratën zyrtare mbi gjendjen e sigurisë në Parlament.