Ylli i Real Madridit, Kylian Mbappé është gati të bëhet pronari i ri i klubit të divizionit të dytë francez, Stade Malherbe de Caen. Lajmi është bërë publik nga ESPN, media që shkruan se 25-vjeçari do të shndërrohet në lojtarin më të ri aktiv që zotëron një klub profesionist futbolli evropian. Mbappe do të investojë rreth 15 milionë euro përmes fondit të tij të investimeve Coalition Capital për të blerë 80% të kapitalit të klubit dhe gjithashtu do të paguajë një pjesë të borxhit.

Mbappé do të zëvendësojë aksionerin e mëparshëm të shumicës, fondin amerikan të investimeve Oaktree, i cili bleu 80% të aksioneve të klubit në vitin 2020. Pjesa e mbetur prej 20% e kapitalit mbahet nga Pierre Antoine Capton, presidenti aktual i bordit mbikëqyrës. Caen përfundoi në vendin e gjashtë në ligën e dytë sezonin e kaluar dhe ish-lojtarët e tyre përfshijnë bashkëlojtarin e Mbappe në Francë, N’Golo Kante dhe ish-mbrojtësin e Les Blues, William Gallas. Dy herë kampionët e ligës së dytë, i themeluar në vitin 1913, e nisin kampionatin duke pritur Paris Futboll Club më 17 gusht.

SPANJE – Lajmi është bërë i ditur nga vetë klubi përmes një postimi në rrjetet sociale. Palët kanë rënë dakord për marrëveshjen dhe francezi do të jetë pjesë e klubit madrilen për 5 vite. Prezantimi do të bëhet vetëm pas Euro 2024, ku Mbappe do të përfaqësojë skuadrën franceze.

Pas shtatë sezonesh te PSG, periudhë gjatë së cilës u bë kapiten dhe golashënuesi më i mirë në historinë e klubit, Mbappe vendosi të mos rinovojë me parisienët për sezonin e ardhshëm. Kështu, ai niset drejt kryeqytetit spanjoll, destinacion i paralajmëruar prej kohësh për “yllin” francez, për të veshur fanellën e kampionit të Europës.

Mbappe do të mbajë fanellën me numrin 9 në sezonin e parë dhe kur kroati Luka Modric të largohet, ai do të mbajë numrin 10.