Reali tashmë ka 12 pikë pas katër ndeshjeve, teksa Sociedadi e pësoi humbjen e dytë këtë edicion. Ndeshjen e ardhshme, Reali e luan ndaj Espanyolit, ndërsa Sociedadi do të ketë punë me Betisin.

SPANJE – Real Madridi ka marrë një fitore të madhe në transfertën e Sociedadit, duke luajtur me një lojtar më pak në fushë për më shumë se një orë. “Los Blancos” fituan si mysafirë të Real Sociedadit me shifrat 2-1.

Golin e parë të ndeshjes e shënoi Kylian Mbappe në minutën e 12-të të ndeshjes, pasi përfitoi nga një top që po kthehej nga mbrojtja e Sociedadit. Mirëpo, 20 minuta më vonë, Reali mbeti me një lojtar më pak në fushë, pasi Dean Huijsen u ndëshkua me karton të kuq, për një ndërhyrje si lojtar i fundit.

Në minutën e 44-të, Reali e gjeti golin e qetësisë me anë të Arda Guler, pas një super asistimi nga Kylian Mbappe. Me këto shifra u mbyll edhe pjesa e parë, teksa në të dytën u shënua edhe një gol, por nga vendasit. Mikel Oyarzabal e ngushtoi epërsinë përmes një penalltie në minutën e 56-të.

Gola tjerë më nuk pati, me Realin që mbrohej me të gjitha forcat, për të ruajtur epërsinë dhe rekordin perfekt në këtë fillim sezoni.

Reali tashmë ka 12 pikë pas katër ndeshjeve, teksa Sociedadi e pësoi humbjen e dytë këtë edicion. Ndeshjen e ardhshme, Reali e luan ndaj Espanyolit, ndërsa Sociedadi do të ketë punë me Betisin.

Stadiumi Santiago Bernabeu ka ditur të jetë i ’zjarrtë’ dhe me përmbysje të hatashme, andaj asgjë nuk mund të konsiderohet si e përfunduar në këtë takim.

Ancelotti tashmë ka vendosur 11 lojtarët që do të startojnë sonte në këtë duel vendimtar e shumë me rëndësi, teksa Arsenali ende nuk e ka publikuar formacionin zyrtare.

Kjo është përbërja e Real Madridit:

REAL MADRID XI: Courtois, Alaba, Rudiger, Asencio, Vazquez, Bellingham, Tchouameni, Valverde, Vinicius, Mbappe, Rodrygo./Lajmi.net/

Real Madrid kaloi 0-3 pengesën e Leganes, në ndeshjen e luajtur në Estadio Municipal de Butarque.

Los Blancos hasën mjaft vështirësi në pjesën e parë, ndaj një rivali që qëndronte mjaft mirë i mbyllur në prapapavijë. Të besuarit e Ancelottit do gjenin rrugën drejt rrjetës në të 43-tën, ku pas disa pasimesh të bukura, aksioni u finalizua me sukses nga Mbappe.

Goli i dytë i Realit erdhi në të 66-tën, ku Valverde shënoi gol me një gjuajtje tokazi, falë një skeme nga goditja e dënimit. Në fund pati kohë edhe për Bellingham. Kështu, skuadra nga Madridi renditet në vendin e dytë me 30 pikë, 4 më pak se Barcelona kryesuese.