Ai gjatë një interviste në emisionin “E diel” në Top Channel, u pyet në lidhje me raportin e tij me Eglin, si dhe për një mesazh të dërguar në Big Love, që u shfaq në emër të tij.

I pyetur për marrëdhënien e tij me Eglin brenda shtëpisë së BBVA, Redoni u shpreh se për shkak të kohës së shkurtë që kaloi në lojë, ai arriti të krijojë një raport të vetëm dhe ky ishte me Eglin.

“Eksperienca ime aty ka qenë vetëm pesë ditë, për shkak që kanë qenë vetëm pesë ditë, e kam krijuar vetëm një raport. Me Eglin unë jam tip besnik, kështu tipi jam, kur të krijoj një raport me dikë, me të gjitha të këqijat e mbështes, kështu që Egli është më e forta aty”, – u shpreh ai.

Një nga temat më të diskutuara ishte një mesazh që u shfaq në Big Love, në emër të Redonit.

Mesazhi ishte për Eglin dhe thoshte: “Sytë janë pasqyra e shpirtit tënd të bukur. Të lutem mos lejo të venitet shkëlqimi që reflektohet në to. Kjo eksperiencë do të mbarojë dhe unë mezi pres të të takoj”.

Kur u pyet për këtë çështje, Redoni reagoi me habi dhe mohoi çdo përfshirje në mesazh, duke thënë se dikush kishte përdorur emrin e tij pa dijeninë e tij.

“Për hir të vërtetës, nuk kam çuar mesazh, nuk kam qenë ai unë, por nëse është përdorur emri im për diçka pozitive, atëherë s’kam asgjë kundër. Më ka ardhur keq që është përdorur emri im në atë aspekt, që mundet të më dëmtojë ndonjë raport që mund të jem duke e krijuar” – tha ai.

Ndërkohë, mbetet për t’u parë nëse kjo çështje do të ketë një sqarim të mëtejshëm në të ardhmen.

Redoni, nga ana e tij, duket i fokusuar në rrugën e tij dhe është i kujdesshëm me raportet që po ndërton jashtë shtëpisë së Big Brother VIP Albania.

I ftuar në Top Albania Radio, Redoni tha se, edhe pse ndihet keq për eliminimin e saj, ajo që e shqetëson më shumë është gjendja psikologjike në të cilën Egli kishte arritur.

“Po ndiej keqardhje që ka dalë, por më shumë më vjen keq për gjendjen e saj psikike që ka arritur deri në këtë pikë. Shpresoj që të jetë mirë. U shokova kur e mora vesh, shpresoj që të jetë mirë, por nuk mu duk e besueshme”.

Redoni pranoi se nuk ishte i sigurt se sa nga sjellja e Eglit ishte pjesë e lojës dhe sa ishte një dëmtim i vërtetë emocional, por fakti që ajo zgjodhi të largohej e ka bërë të reflektojë.

“Nuk e kam ditur sa është pjesë e lojës dhe sa është duke degraduar deri në atë pikë që mund të dalë nga loja”.

Ai gjithashtu shtoi se, përtej lojës dhe çmimit, e rëndësishme është që Egli të kujdeset për veten dhe të mos bëhet temë diskutimi në mënyrë të gabuar.

“Nuk ka rëndësi çmimi dhe loja, por që ajo të ketë kujdes për veten dhe si trajtohet si temë”.

Redon Berani është një nga të përzgjedhurit e Gjestit që i ka dhënë një shans për t’u rikthyer në shtëpi.

I ftuar në ‘Shqipëria Live’, ai ka folur për këtë veprim të këngëtarit nga Kosova, edhe pse nuk janë njohur personalisht.

“Në mes nuk do të hyj, mos më votoni nëse mendoni që do të hy në mes sepse duket se janë duke krijuar një marrëdhënie”, u shpreh ai.

Por, Redoni tha se do ta ndihmojë Eglin për t’i parë gjërat më mirë pasi këto ditë ka qenë shumë e ngarkuar.

“Kisha qenë një krah suportiv, që me mujt me nxjerr një anë të mirë të Eglit, me ia hap sytë se ku po gabon. Nga ana tjetër po harron vendin ku është është pak ndoshta e tepërt”, theksoi tutje.