Pogradec, 17 Shtator 2025 – Një 18-vjeçar ka mbetur i plagosur rëndë pas një aksidenti rrugor të ndodhur mbrëmjen e sotme në aksin Pogradec–Qafë-llocë.

Sipas të dhënave paraprake, i riu dyshohet se ka humbur kontrollin e motorit dhe është rrëzuar në rrugë, duke pësuar dëmtime të rënda trupore.

I plagosuri është transportuar me urgjencë në Spitalin Rajonal të Pogradecit, ku ndodhet në gjendje kritike për jetën. Mjekët po bëjnë përpjekje për stabilizimin e tij, ndërsa nuk përjashtohet mundësia e transferimit drejt një spitali të specializuar.

Grupi hetimor ka nisur punën për zbardhjen e rrethanave të ngjarjes. Dyshohet se shkak i aksidentit ka qenë humbja e kontrollit nga drejtuesi i mjetit.

Segmenti Pogradec–Qafë-llocë njihet për kthesa të forta dhe mungesë ndriçimi në orët e mbrëmjes, çka e bën veçanërisht të rrezikshëm për drejtuesit e mjeteve me dy rrota.

Sarandë – Plagosen rëndë një i ri dhe prindërit e tij, dy vëllezër përfundojnë në pranga

Një konflikt për motive të dobëta ka degjeneruar në dhunë të rëndë në Sarandë, duke lënë të plagosur rëndë një 26-vjeçar dhe prindërit e tij.

Policia njofton se specialistët për Hetimin e Krimeve në Komisariatin e Policisë Sarandë arrestuan në flagrancë vëllezërit F. L., 39 vjeç, dhe R. L., 45 vjeç, banues në lagjen nr. 4, për veprën penale “Plagosje e rëndë me dashje”, kryer në bashkëpunim.

Sipas hetimeve, ngjarja ndodhi më 17 gusht 2025, kur dy vëllezërit, gjatë një konflikti për shkaqe të dobëta, kanë goditur me sende të forta dhe plagosur rëndë shtetasin E. A., 26 vjeç, si dhe prindërit e tij, N. A., 59 vjeçe, dhe B. A., 62 vjeç, të gjithë banues në Sarandë.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme ligjore. /noa.al

Një aksident i rëndë në punë ka ndodhur në Cavaso del Tomba, në rrugën San Pio X në Itali nga ku mësohet se një punëtor 43-vjeçar me origjinë shqiptare, i angazhuar në një gërmim për vendosjen e fibrës optike, mbeti i plagosur rëndë kur një kamion u përplas me një mur dhe ai ishte në mes.

Sipas mediave italiane, shqiptari ka mbetur i bllokuar mes kamionit dhe murit të një shtëpie. Mësohet se 43-vjeçari u transportua menjëherë në spitalin e Trevisos me dëmtime të rënda në legen dhe bark.

Gjithashtu bëhet me dije se gjendja e tij është e rëndë, por nuk është në rrezik për jetën. Ndërkohë në vendngjarje mbërritën karabinierët dhe inspektorët e Spisal për të sqaruar dinamiken e aksidentit.

Një aksident ka ndodhur orët e vona të pasdites së sotme, në zonën e ish-Kënetës në Durrës.

Ngjarja ndodhi në rrugën “Vllazërimi”.

Mësohet se një automjet ka përplasur një person që po lëvizte me biçikletë, i cili është përplasur në asfalt dhe dëmtuar.
Gazetari , Artur Korriku, informon se autori i aksidentit është larguar nga vendi i ngjarjes, kurse Policia vendore ka nisur hetimet për zbardhjen e shkaqeve, identifikimin e shoferit dhe kapjen e tij.

Një aksident ka ndodhur afër urës 16 orëshe në dalje të Rrugës së Kombit. Automjeti tip Benz me targa AA 599TM sapo ka dalë nga autostrada është përplasur me automjetin tip Toyota me targa AB 023 KR.

Nga aksidenti janë plagosur dy pasagjerët dhe shoferi që ishin në automjetin tip Benz, gjithashtu i plagosur ka ngelur edhe drejtuesi i foristradës.

Të plagosurit janë transportuar në urgjencën e Kukësit dhe aktualisht janë jashtë rrezikut për jetën. Vendi ku ka ndodhur aksidenti eshte i pandricuar edhe pse ekziston sistemi i ndricimit.Ky segment eshte burim aksidentesh pasi lidh tre rruge, dalja dhe hyrja e rruges se kombit,aksi i rruges Kukes- Shishtavec dhe hyrja e qytetit te Kukësit.

Policia dhe grupi hetimor po kryen veprimet për shkaqet e aksidentit.

Gjyqtarja Francesca Pinacchio, në Gjykatën e Sulmona, ka shpallur dënimin për shqiptarin Hekuran Kalemi, i cili është dënuar me katër vjet burgim, njëzet mijë euro gjobë dhe pesë vjet ndalim për hyrje në Itali pas përfundimit të dënimit.

Ky vendim është shpallur më 6 Shtator 2024.

Kalemi, 24 vjeç, u arrestua në flagrancë nga karabinierët e kompanisë Sulmona në prag të 15 Gushtit të këtij viti, në Corfinio, në shtëpinë e tij.

Gjatë operacionit, autoritetet sekuestruan 80 gramë kokainë të pastër, një peshore precize dhe materiale për paketimin e lëndës narkotike.

Pavarësisht përpjekjeve të të riut për të argumentuar se droga ishte për përdorim personal, ky pretendim nuk u pranua nga gjyqtari. Procesi gjyqësor u zhvillua me shpejtësi dhe përfundoi me një dënim të rëndë, duke theksuar linjën e ashpër të ndëshkimeve për trafikimin e narkotikëve në Itali.

Gjyqi i drejtpërdrejtë është konsideruar të jetë i shpejtë dhe efikas, duke dërguar një mesazh të fortë për ndëshkimin e krimeve të lidhura me narkotikët.

Dënimi përfshin gjithashtu një ndalim për hyrje në Itali për pesë vjet pas përfundimit të dënimit, duke theksuar rëndësinë e luftës ndaj trafikimit të drogës në rajon.

Katër persona kanë mbetur të plagosur pas një aksidenti të ndodhur në rrugën nacionale Mitrovicë-Prishtinë.

Sipas mediave në Kosovë në aksident janë përfshirë dy automjete.

Ndërkohë autoritetet po punojnë për zbardhjen e plotë të shkaqeve të ngjarjes.

Zëdhënësi i Policisë për rajonin e Mitrovicës, Avni Zahiti, gjithashtu ka njoftuar se aksidenti ka ndodhur në fshatin Deberllukë.

 Jeta e një djali të ri u vu në rrezik mesditën e sotme pasi pësoi një aksident në punë e sipër.

Ngjarja ndodhi sot pasdreke, në lagjen nr. 1, Pogradec, raporton noa.al duke cituar policinë lokale.

Ajo tha se shtetasi A. Xh., 27 vjeç, dyshohet se aksidentalisht është rrëzuar gjatë punës për rikonstruksionin e një banese dhe si pasojë është dëmtuar.

Punëtori u transportua në spitalin e Pogradecit, por gjendja e tij shëndetësore e rëndë ka detyruar mjekët të ndërmarrin masa për ta transferuar në spitalin e Traumës në Tiranë.

Një aksident ka ndodhur mbrëmjen e së hënës në unazën jugore të Elbasanit në vendin e quajtur Kryqëzimi i Cërrikut.

Një automjet ka përplasur një biçikletë ku si pasojë ka mbetur i lënduar. Drejtuesi i saj i cili është dërguar në spital dhe ndodhet jashtë rrezikut për jetën.

Policia ndodhet në vendngjarje për të zbuluar rrethanat e aksidentit.

Një aksident është regjistruar pasditen e sotme në aksin rrugor Elbasan- Peqin, në fshatin Balldren.  Dy makina janë përplasur me njëra tjetrën në rrethana ende të paqarta. Mësohet se në aksident është përfshirë një furgon me targa italiane dhe një Volskwagen golf me targa shqiptare.

Nuk dihen ende shkaqet dhe rrethanat e plota të ngjarjes ndërkohë raportohet se nuk ka përsona të lënduar nga përplasja, vetëm dëme të konsiderueshme materiale. Policia është nisur drejt vendit të ngjarjes për zbardhjen e plotë të rastit.