Ngjarja që pasoi me një sagë hakmarrje, u rregjistrua në 17 korrik të këtij viti, ku në lagjen nr. 4, 43-vjeçari Ramadan Zoto alias Ramadan Canaj, plagosi me armë zjarri Gëzim  Hajdaraj 33 vjeç dhe Ernest Lama 25 vjeç, nga Kamza. Këta dy të fundit rezultojnë persona me precedentë penalë në Sarandë, pasi në 8 janar të këtij viti, kishin kundërshtuar forcat e policisë së Sarandës në rrugën “Skënderbeu” por kishin rifituar sërish lirinë. Pas plagosjes, Hajdarajt i’u gjet nga policia një armë zjarri pistoletë dhe u arrestua në spital. Ramadan Zoto, një ish – i dënuar  në Greqi për krime të rënda, përfshirë  vrasje, u largua nga vendi i krimit, derisa u kap i armatosur në Korçë paraditen e 22 gushtit. Dy prej personave që ndodheshin me të në vendngjarje janë vetëdorëzuar më herët.

Në lidhje me ngjarjen e mbrëmshme, sipas ekspertëve të xhenios, dyshohet se janë përdorur rreth 800 gram eksploziv, i cili ishte vendosur poshtë mjetit tip “Toyota” të Isuf Jaçaj. Shpërthimi dyshohet të jetë kryer i telekomanduar në distancë. Policia po has vështirësi në dokumentimin e plotë të ngjarjes, pasi pranë tij nuk ka kamera sigurie nëpër biznese.

 BalkanWeb

Një operacion i forcave RENEA në Shkodër, i realizuar për të gjetur dhe arrestuar Eljon Haton, ka dështuar përsëri.

Hato, i shpallur në kërkim që prej vitit 2023 në kuadër të dosjes “Metamorfoza”, nuk u gjet gjatë kontrollove të shumta që u kryen në zonën e rrethinave të Shkodrës gjatë orëve të mbrëmjes.

Gjatë operacionit janë shoqëruar 5-6 persona për t’u marrë në pyetje, përfshirë edhe vëllain e Eljon Hatos. Edhe më herët, RENEA ka realizuar operacione të ngjashme në Shkodër dhe Tiranë për të arrestuar Haton, por pa sukses. Nuk dihet ende nëse operacioni është dekonspiruar, apo nëse Hato nuk ka qenë në shtëpi gjatë kontrolleve.

Zhvillohet ceremonia me rastin e përfundimit të stërvitjes së përbashkët të Repartit Special RENEA dhe Repartit Special GSG9 të Policisë gjermane, për rritjen e aftësive taktike operacionale të efektivëve të RENEA-s.

Stërvitja e efektivëve të forcave elitë të Policisë shqiptare dhe asaj gjermane, u zhvillua për 5 ditë radhazi, për zgjidhjen e një situate pengmarrjeje, në aeroportin “Nënë Tereza”.

Në ceremoninë e zhvilluar në ambientet e Repartit Special RENEA, morën pjesë Drejtori i Përgjithshëm i Policisë së Shtetit Drejtues Madhor Ilir Proda, Komandanti i Repartit Special RENEA Altin Dardha, Komandanti i Repartit Special GSG9 Kolonel Robert Hemmerling dhe Ambasadori i Gjermanisë Karlfried Bergner.

Proda ka vlerësuar bashkëpunimin me partnerët gjermanë dhe ka theksuar se kjo stërvitje do t’i shërbejë shumë efektivëve të RENEA-s, për rritjen e kapaciteteve të tyre profesionale, të cilat do t’i përdorin në zgjidhjen e situatave të vështira në të ardhmen.

Ambasadori i Gjermanisë në Shqipëri Karlfried Bergner vlerësoi mikpritjen dhe stërvitjen e përbashkët dhe theksoi se tashmë ndihet më i sigurtë në Shqipëri.

Komandanti i Repartit Special RENEA Altin Dardha dhe Komandanti i Repartit Special GSG9 Kolonel Robert Hemmerling vlerësuan stërvitjen e efektivëve të dy forcave elitë, e cila është një dëshmi e bashkëpunimit dhe besimit të ndërsjellë mes policive të dy vendeve.

Dy grupe të forcave speciale RENEA kanë hyrë në fshatin Dobraç, që njihet si zona e grupit të Bajrave, disa orë pas atentatit ku mbeti viktimë Hamza Lici, vëllai i Ibrahim Licit, i dyshuar për disa ngjarje kriminale në Shkodër dhe për përplasjet që ka pasur me Bajrat.
Atentati ndaj Hamza Licit ndodhi në hyrje të Dobraçit. Lici ishte në makinë me Arlind Bushatin, i cili mbeti i plagosur rëndë dhe ndodhet në spital në gjendje kritike për jetën.
Sipas gazetarit Igli Çelmeta, dy grupe të RENEA po ushtrojnë kontrolle në Dobraç, ndërsa po marrin në pyetje persona që mund të kenë dijeni për ngjarjen e rëndë.

Policia ende nuk ka persona të dyshuar për ngjarjen, ndërsa në automjetin ku ndodhej viktima Lici dhe i plagosuri Bushati janë gjetur armë zjarri. Ato janë dërguar në laboratorin shkencor kriminalistik ku do i nënshtrohen ekspertizës.

Zyrtarisht policia nuk ka dhënë informacione nëse ka pasur ose jo një shkëmbim zjarri, por automjeti nga ku është qëlluar, ka lëvizur me shpejtësi, nga brenda saj është qëlluar me breshëri në drejtim të automjetit ku ndodhej Lici dhe Bushati, dhe po me shpejtësi është larguar.

Si pasojë e të shtënave, Hamza Lici, që ndodhej në rolin e drejtuesit të mjetit, ka humbur kontrollin dhe ka përplasur një motoçikletë ku udhëtonin një çift bashkëshortësh. Si pasojë e përplasjes ka humbur jetën qytetarja Flutura Basha, ndërsa ka mbetur i plagosur rëndë bashkëshorti i saj, Bashkim Basha. Çifti nuk kishte lidhje me atentatin.

Forcat RENEA kanë zhvilluar një aksion “blic” në Vlorë gjatë natës së 9 gushtit.
Raportohet se zona e “Ujit të Ftohtë” ishte e mbushur me policë.

Ky operacion kishte në fokus personat e shpallur në kërkim dhe me rrezikshmëri të lartë. Në këtë aksion të Forcave RENEA nuk ka marrë pjesë policia e Vlorës.
Mësohet gjithashtu se kontrolle janë kryer edhe në një hotel.

Policia e Shtetit dha detaje për operacionin e gjerë kombëtar i koduar “Sundimi i Ligjit”, operacion për kapjen e shtetasve të shpallur në kërkim, të shtetasve që qarkullojnë me armë zjarri dhe të atyre që mbajnë në banesë armë, municion ose drogë.

Me anë të një komunikate, policia thekson se janë arrestuar 25 shtetas, një prej të cilëve i kërkuar për vrasje në Itali, ndërsa 18 të tjerë ishin të shpallur në kërkim kombëtar.

Gjithashtu, janë sekuestruar lëndë narkotike cannabis sativa dhe kokainë, si dhe një shumë e konsiderueshme parash të përfituara nga veprimtaritë kriminale si dhe armë zjarri.

Njoftimi i policisëabout:blank

Operacioni “Sundimi i ligjit”, në zbatim të planit operacional të miratuar nga Drejtori i Përgjithshëm i Policisë së Shtetit, për kapjen e shtetasve të shpallur në kërkim, të shtetasve që qarkullojnë me armë zjarri dhe të atyre që mbajnë në banesë armë, municion ose drogë. Në nisje të këtij operacioni u përfshinë 1852 punonjës policie, nga Forcat e Sigurisë Kombëtare, Reparti Special “RENEA”, Drejtoria e Forcës së Posaçme Operacionale dhe strukturat e drejtorive vendore të Policisë. Deri tani, në kuadër të këtij operacioni, janë vënë në pranga 25 shtetas, nga të cilët: 19 shtetas të shpallur në kërkim kombëtar dhe 1 shtetas i shpallur në kërkim ndërkombëtar, kryesisht për vepra penale kundër personit, pronës dhe në fushën e narkotikëve; 5 shtetas janë arrestuar në flagrancë, për armë e drogë. Gjithashtu, janë sekuestruar: gjithsej 9 armë, zjarri, sportive e gjahu, një mjet prerës dhe sasi e konsiderueshme municioni luftarak; lëndë narkotike cannabis sativa dhe kokainë, si dhe një shumë e konsiderueshme parash të përfituara nga veprimtaritë kriminale. Që prej orëve të para të mëngjesit të sotëm, si rezultat i angazhimit maksimal të strukturave të Policisë së Shtetit, në të gjithë vendin, për zbatimin e planit operacional të miratuar nga Drejtori i Përgjithshëm i Policisë së Shtetit, për kapjen e shtetasve të shpallur në kërkim kombëtar ose ndërkombëtar, të shtetasve që qarkullojnë me armë zjarri dhe të atyre që mbajnë në banesa armë, municion dhe/ose drogë, ka nisur operacioni policor kombëtar i koduar “Sundimi i ligjit”. Në rang kombëtar, deri në këto momente: -Në Dibër është kapur një 26-vjeçar i shpallur në kërkim ndërkombëtar, për llogari të Italisë, i akuzuar për vrasje dhe për grabitje me armë; -19 shtetas të tjerë të kërkuar kombëtarisht: për tentativë për vrasje të dyfishtë në Shkodër; për plagosje të rëndë me dashje ose për armëmbajtje pa leje në Dibër; për llogari të SPAK-ut; në kuadër të megaoperacionit “Tempulli” (3 shtetas në Tiranë dhe 1 shtetas në Durrës); për raste të tjera në fushën e narkotikëve në qarqet Tiranë, Vlorë dhe Berat; për vjedhje në Tiranë dhe në Fier ose për veprimtari të tjera kriminale, janë kapur dhe janë vënë në pranga; -3 armë zjarri (pushkë dhe 2 pistoleta), armë gjahu dhe municion luftarak janë sekuestruar nga Policia, në Dibër, Tiranë dhe në Fier. Të katër poseduesit e tyre janë vënë në pranga; -61.5 gramë kokainë dhe 500 doza cannabisi janë sekuestruar në Tiranë dhe në Dibër, si dhe janë arrestuar në flagrancë 2 shtetasit që i posedonin lëndët narkotike, me qëllim shitjen. Materialet procedurale për secilin rast i kaluan prokurorive përkatëse, për veprime të mëtejshme hetimore. Operacioni “Sundimi i ligjit” vijon në të gjithë vendin. Policia e Shtetit garanton qytetarët se është maksimalisht e angazhuar, për të vijuar aksionet dhe operacionet policore mbarëkombëtare, për përmbushjen e objektivave madhore: kapjen e shtetasve të shpallur në kërkim, të shtetasve që qarkullojnë me armë zjarri, që janë rrezik potencial për të kryer ngjarje kriminale, si dhe të atyre që janë të implikuar në veprimtari kriminale në fushën e narkotikëve. Ftojmë qytetarët që të bashkëpunojnë më shumë me Policinë, pasi vetëm nëpërmjet bashkëpunimit me ju mund të realizojmë përmbushjen e misioneve të Policisë së Shtetit, garantimin e rendit dhe sigurisë publike, si dhe të zbatimit të të drejtave dhe lirive të qytetarëve.