BELSH- Belshi dhe zona e Dumresë janë përfshirë sot nga një stuhi me reshje të dendura shiu e breshëri të shoqëruara me erë të fortë. Sipas raportimeve paraprake situata atmosferike ka sjellë pasoja serioze në infrastrukturë dhe ka paralizuar qarkullimin në disa rrugë të qytetit.

Bëhet me dije se uji i tepërt ka tejkaluar kapacitetin e kolektorëve, duke shkaktuar përmbytje të menjëhershme dhe duke krijuar rrezik për kalimtarët dhe automjetet. Ndërkohë era e fortë ka vështirësuar edhe ndërhyrjet e shërbimeve të emergjencës.

Nga ana tjetër, autoritetet lokale u bëjnë thirrje qytetarëve të qëndrojnë në banesë dhe të shmangin çdo lëvizje të panevojshme deri në stabilizimin e motit.

Vendi ynë këtë fundjavë do të ndikohet nga një mot i paqendrueshëm.

Në orët e para të ditës do të kemi alternime kthjellimesh dhe vranësirash të shpeshta. Ndërsa gjatë orëve të pasdites pritet të kemi reshje shiu në të gjithë vendin.

Temperaturat do të luhaten nga 7 gradë minimalja deri në 20 gradë celcius maksimalja.

Territori Shqiptar do të jetë sërisht nën ndikimin e masave ajrore të paqëndrueshme duke sjellë vranësira dhe reshje shiu e dëbore në pjesën më të madhe të vendit.

Më të theksuara në skajin Verior dhe Jugor të vendit.

Parashikohet që orët e mesditës dhe në vijim; të mbeten nën ndikimin e vranësirave dhe reshjeve të shiut dhe dëborës në gjithë territorin e vendit, por në sasi të pakta Parashikohet që; temperturat të pësojnë rënie duke rikthyer sërisht ngricat në akset rrugore.

Temperaturat e ajrit do të pësojnë rënie në të dy vlerat ekstremale ditore duke u luhatur nga -1°C vlera minimale e shënuar në qytetin e Pukës deri në 13°C vlera më e lartë e cila pritet në qarkun e Durrësit dhe Fierit.

Era do të fryjë e lehtë dhe mesatare me shpejtësi mbi 35 km/h nga drejtimi kryesisht Verilindor; kjo do të bëj që në brigjet detare të krijohet dallgëzim mbi 2 ballë.

Për ditën e mërkurë vendi ynë do të vijojë të ndikohet nga kushte atmosferike të paqëndrueshme për shkak të masave ajrore të lagështa në qarkullim.

Moti parashikohet me vranësira mesatare deri të dendura por edhe alternime të herëpashershme kthjellimesh.

Vranësirat do të shoqërohen me reshje shiu të herëpashershme me intensitet të ulët në një pjesë të madhe të territorit. Në zonën e veriperëndimit dhe jug përgjatë orëve të pasdites dhe mbrëmjes reshjet me intensitet deri dhe mesatar.

Era do të fryjë me drejtim juglindje – jugperëndim me shpejtësi mesatare deri 1-8 m/s,ndërsa në zonat luginore dhe përgjatë vijës bregdetare hera-herës era do të arrijë shpejtësi 9-17 m/s shoqëruar me valëzim në dete të forcës 3-4 ballë.

Temperaturat parashikohen:
në zonat malore 2 deri 12°C
në zonat e ulëta 5 deri 18°C
në zonat bregdetare 7 deri 18°C

Bora që ka nisur të bjerë nga mbrëmja e të premtes e që po vazhdon edhe sot, ka vështirësuar qarkullimin e lirë të automjeteve në shumë rrugë të Kosovës, por edhe në Prishtinë.

Vështirësi qytetarët kanë njoftuar se kanë në rrugën Prishtinë-Pejë, Prishtinë-Mitrovicë, por edhe në rrugë tjera rajonale dhe lokale.

Ndërkohë, është raportuar për bllokimin e disa rrugëve dytësore në Prishtinë. Edhe në rrugët kryesore janë shkaktuar kolona, për shkak të vështirësive të automjeteve për të lëvizura.

Po ashtu, qytetarët kanë njoftuar se shumë automjete e kanë të pamundur ta kalojnë tatpjetëzën e Veternikut.

Ndërkohë, Policia e Kosovës ka apeluar për kujdes të shtuar gjatë ngasjes në rrugët e mbuluara me borë.

“Bazuar në situatën e tanishme ku kemi ndryshim të kushteve atmosferike dhe reshje të borës, Policia e Kosovës apelon tek të gjithë pjesëmarrësit në trafik, në veçanti shoferëve të automjeteve për kujdes të shtuar, përshtatje të shpejtësisë me kushtet atmosferike dhe me gjendjen e rrugës, mbajtje të distancës mes mjeteve, si dhe ngadalësim gjatë lëvizjes në rrugë të mbuluara me borë dhe me ngrica”, thuhet në apelin e Policisë.

Reshjet e shiut, të regjistruara përgjatë gjithë pasdites së sotme, kanë krijuar vështirësi në qarkullim për drejtuesit e mjeteve dhe kalimtarët në rrugët e Durrësit.

Gjendja është e rënduar në shumë nga akset rrugore të cilat që përmbyten vazhdimisht në qytetin bregdetar.

Ditën e diel moti deri në orët e mesditës parashikohet me kthjellime e alternime vranësirash deri të dendura.

Pas orëve të mesditës mot me vranësira të dendura dhe reshje shiu të herëpashershme dhe lokalisht të vazhdueshme me intensitet të ulët dhe mesatar në formën e shtrëngatave.

Në mënyrë tepër të izoluar dhe në periudha tepër afatshkurtra në orët e mbrëmjes reshjet me intensitet deri dhe të lartë shoqëruar me shkarkesa elektrike.

Në zonën e Alpeve reshje dëbore me intensitet mesatar dhe në periudha tepër afatshkurtra stuhi dëbore.

Në zonën e verilindje në lartësitë mbi 600-700 reshje dëbore me intensitet të ulët dhe mesatar. Në zonën e juglindjes në lartësitë mbi 700-800 metër reshje dëbore me intensitet të ulët dhe në lartësitë mbi 1000 metër intensitet deri mesatar.

Vlen për tu përmendur edhe elementi i erës e cila ditën e diel deri në orët e mesditës do të fryjë intensive dhe përgjatë vijës bregdetare dhe zonat luginore tepër intensive me drejtim nga kuadrati i jugut dhe shpejtësi mesatare 12-22 m/s.

Qyteti i Durrësit është përfshirë sërish nga reshje të dendura shiu, ndërkohë që menjëherë disa rrugë të qytetit u përmbytën.

Reshjet nisën me itensitet të lartë gjatë mbrëmjes së sotme dhe për këtë arsye rrugët pranë kryëzimit të stadiumit në lagjen 18 si dhe pjesërisht në lagjen 17, u bënë të pakalueshme.

Menjëherë niveli i ujit arriti të dalë në trotuare duke sjellë vështirësi në qarkullimin e automjeteve dhe kalimtarëve në zonat e përmbytura.

Përkeqësimi i motit nuk ka sjellë probleme në port, nga ku raportohet se tragetet që janë planifikuar të nisen mbremjen e sotme drejt Italisë, pritet të nisen në orar nga porti i Durrësit.

Këtë fundjavë vendi ynë do të ndikohet nga kushte atmosferike të paqëndrueshme me mbizotërim të motit të vranët dhe me reshje shiu, raporton Shërbimi Meteorologjik Ushtarak.

Sot, ditë e shtunë reshjet e shiut do të jenë të herëpashershme me intensitet të ulët deri në mesditë në pjesën më të madhe të vendit dhe prej orëve të mesditës reshje shiu me intensitet deri mesatar në formë shtrëngatash.

Reshjet do të vijojnë të jenë të herëpashershme në formën e shtrëngatave afatshkurta lokale deri në orët e vona të mbrëmjes së ditës së diel, kryesisht të përqendruara në pjesën lindore të vendit.

Në Alpe dhe relievet malore në veri-verilindje-juglindje të vendit parashikohen reshje dëbore me intensitet të ulët dhe lokalisht deri mesatar në lartësinë mbi 600-800metër.

Era do të fryjë nga kuadrat i veriut me shpejtësi mesatare 3-12m/s, ndërsa në lugina, në relievet e larta malore dhe përgjatë vijës bregdetare hera-herës arrin shpejtësi 13-22m/s, shoqëruar me valëzimin në dete të forcës 3-4ballë.

Prezencë e mjegullës së dendur lokale/mjegullinës në orët e mëngjesit/mbrëmjes dhe në momentin e reshjeve të shiut dhe dëborës.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Turqia është përfshirë nga moti i keq me reshje të dendura dëbore dhe ngrica. Drejtoria e Përgjithshme e Meteorologjisë në Turqi ka lëshuar një raport të rëndësishëm të motit, duke nënvizuar kushtet e rënda që priten në të gjithë vendin.

Paralajmërimet e koduara me ngjyrë të verdhë dhe portokalli janë vendosur për 49 provinca, duke kërkuar ndërgjegjësim dhe kujdes të shtuar.

Sipas parashikimit, në pjesën më të madhe të vendit do të ketë vranësira të pjesshme deri në shumë vranësira me reshje të përhershme shiu. Rajone të tilla si Marmara lindore, pjesët lindore të Anadollit Qendror, Mesdheu Lindor, Deti i Zi, pjesa më e madhe e Anadollit Lindor (me përjashtim të Vanit) dhe Anadollit Juglindor ka të ngjarë të kenë reshje. Këto reshje priten të shfaqen si reshje bore dhe bore në disa zona, ku disa rajone do të përballen me rrebeshe veçanërisht të forta.

Reshje bore parashikohen në provincat përfshirë Bursa, Kocaeli dhe Kayseri, ndërsa shira të dendur parashikohen për qytete si Stambolli, Hatay, Mersin, Samsun, Trabzon, Erzurum, Dijarbakır, Antep, Mardin dhe Urfa. Mesdheu lindor, brigjet e Detit të Zi, pjesët perëndimore të Anadollit Lindor dhe Anatolia Juglindore pritet të mbajnë peshën më të madhe të reshjeve, duke prekur disa provinca, duke përfshirë Sakarya, Bolu, Niğde, Kayseri, Sivas dhe Karaman.

Krahas reshjeve, temperaturat parashikohen të ulen ndjeshëm, duke rënë 5 deri në 15 gradë nën normat sezonale në Egjeun Qendror dhe Jugor, Mesdheun, Anadollin Qendror, Detin e Zi Qendror dhe Lindor, Anadollin Lindor dhe pjesët perëndimore të juglindore. Anadollit.

Parashikohen gjithashtu erëra të forta, me stuhi veriore që do të prekin Marmaranë, Egjeun, Mesdheun dhe Anadollin Qendror, ndërsa në Anadollin Juglindor do të fryjë erë nga jugu. Zonat me lartësi të madhe në Mesdhe mund të përballen me kushte stuhie.

Gjithashtu, Drejtoria e Meteorologjisë ka paralajmëruar edhe për ngrica në pjesët e brendshme dhe veriore të vendit, pasi temperaturat kanë rënë edhe më tej.

Qytetarëve u kërkohet të qëndrojnë të informuar, të marrin masa paraprake dhe të përgatiten për këto kushte sfiduese të motit, veçanërisht në zonat që presin reshje të dendura bore, rrebeshe ose erëra të stuhishme.