Pasditja ka sjelle rëndim të reshjeve të borës ku në lartësi mbi 800 metër trashësia ka arritur deri në 20 cm.

Reshje bore tashmë ka edhe brenda qyteteve të Kukësit, Krumës dhe Bajram Currit, por bora vetëm sa ka zbardhur në këto qytete.

Policia Rrugore udhëzon drejtuesit e mjeteve të kenë pajisjet dimërore me vete në mjetin e tyre, pasi prezenca e borës, akullit e lagështirës është në të gjitha akset nacionale dhe rurale.

Rruga e Kombit, në segmentin Fan-Morin vijon të jetë nën trysnin e borës por pa shkaktuar probleme në qarkullimin e mjeteve.

Ndërsa disa zona si: Myhejan, Buçaj, Astë e Sopot njësia administrative Tropojë, Bashkia Tropojë kanë probleme me energjinë elektrike bëhet me dije nga Shtabi i Emergjencave Civile në Kukës.

Reshjet e borës në qarkun Dibër kanë zbritur deri në 600 metra mbi nivelin e detit, ku kanë nisur të shfaqen edhe problematika.

Aksi rrugor në të cilin kërkohet që drejtuesit e mjeteve të tregojnë kujdes është ai i rrugës së Arbrit.

Më problematike situata paraqitet në Bulqizë dhe Maqellarë ku ka prani të dëborës në asfalt.

Këto momente edhe zonat e ulëta dhe tre qytetet e verilindjes, Kukesi, Bajram Curri dhe Kruma janë zbardhur nga dëbora.

Të gjitha akset rrugore nacionale janë të qarkullueshme normalisht.

Nga subjektet kontraktore vazhdon puna për pastrimin nga bora dhe kriposjen e atyre segmenteve ku ka qenë e nevojshme me qëllim mbajtjen funksionale të tyre.

Nga bashkitë Kukës, Tropojë dhe Has nuk ka raportime për ndonjë problematikë emergjente.

I gjithë Qarku i Kukësit furnizohet me energji elektrike, përveç fshatrave Myhejan, Buçaj, Astë e  Sopot Nj Adm Tropojë, Bashkia Tropojë.

Furnizimi me ujë të pijshëm bëhet sipas orareve të përcaktuara  nga Drejtoria UK Kukës njoftom KMC i prefektures Kukes.

Thethi vazhdon prej 24 orësh të jetë i izoluar për turistët për shkak të reshjeve të dëborës.

Gjatë pasdites së sotme, kanë qenë vetë banoret e zonës të cilët me lopata kanë bërë të mundur largimin e dëborës që të lëvizin mjetet e larta teksa është e pamundur për qarkullimin e auto veturave.

Të shumta kanë qenë edhe rezervimet për festën e Krishtlindjes në Theth por ato janë anuluar.

Në Qafën e Thorës, gjatë ditës së sotme ka patur mbi 50 cm dëborë.

Reshjet e dëborës dhe temperaturat e ulëta kanë përfshirë pothuajse të gjithë vendin. Dendësia e borës prej disa orësh ka shkaktuar problematika në akset kryesore. Aksi rrugor bypass Qafë Murrizë në Dibër është bërë i pakalueshëm që prej pasdites së djeshme. Po ashtu, aksi “Bajram Curri-Valbonë” dhe “Kërrnaj-Pac-Shimshan” ka vështirësi në qarkullim për shkak të reshjeve me instensitet të lartë.

Në Kukës ka prezencë të borës në të gjitha akset por pa probleme me qarkullimin. Ndërkohë edhe në Shkodër nuk raportohet për problematika, borëpastrueset ndodhen në terren për të mbajtur rrugët të kalueshme.

Bypassi i Murrizit në Rrugën e Arbrit, ka mbetur i bllokuar prej disa orësh mbrëmjen e djeshme. Me dhjetëra automjete dhe furgona pasagjerësh kanë mbetur të bllokuara nga reshjet intensive. Në zonën e Qaf Shtamës, trashësia e borës ka arritur deri në 15 cm, ndërsa nuk ka probleme me qarkullimin.

Reshjet e dëborës kanë përfshirë edhe juglindjen, ku në Voskopojë trashësia arrin deri në 5 centimetër, ndërsa policia bën thirrje për të përdorur goma dimërore.

Akset nacionale që lidhin Korçën me Kapshticën, Pogradecin,Qafë Thanën dhe Ersekën e Leskovikun qarkullohen pa vështirësi.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Reshjet e shumta të dëborës kanë bllokuar makinat në Rrugën e Arbrit.

Shoferët që janë bllokuar në “Qafë Murriz”, një prej akseve më problematikem shprehen se kanë tre orë që qëndrojnë në vend. Një nga shoferët tha se rruga jo vetëm që nuk është hapur, por nuk kanë hedhur as kripë.

Një tjetër shofer deklaroi se në makinë ka pasagjerë dhe se kanë mbetur në mes të rrugës, duke pasur me vete pasagjerë burra, gra e fëmijë. Ndërsa, një shofer tjetër shprehet se ndodhen të bllokuar që nga ora 13:00.

Dhjetra makina janë bllokuar në radhë të gjata në këtë aks, teksa probleme nga dëbora ka pasur edhe në Pogradec, Korçë, Shkodër, Kukës e Tropojë, ku rrugët kanë qenë të kalueshme por me vështirësi.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Reshjet e shumta të dëborës kanë shkaktuar probleme në qarkullimin e automjeteve në rrugën e Arbrit. Qindra automjete kanë mbetur të bllokuara në bypassin e Murrizit si pasojë e pranisë së madhe të dëborës.

Edhe pse që me nisjen e reshjeve në rrugë pati borëpastruese, këto të fundit nuk kanë arritur ta mbajnë të qarkullueshëm aksin. Për pasojë qindra automjete e qindra qytetar kanë mbetur të bllokuar për orë të tëra.

Ndërkohë, mësohet se mes të bllokuarve ka qenë edhe një kortesh mortor i cili ishte nisur nga Tirana në drejtim të Klosit.

Policia rrugore u detyruar të bllokojë qarkullimin e automjeteve tek rreth-rrotullimi në fshatin Fshat duke detyruar automjetet të përdorin aksin e vjetër nga Klosi – Burrel – Milot.

Situata në bypassin e Murrizit mbetet problematike pasi shumë automjete kanë dalë nga rruga, duke krijuar radhë të gjata në trafik. Mes të bllokuarve ka edhe fëmijë të cilët qëndrojnë në automjete prej disa orësh.

Policia Rrugore do të vijojë të mbajë të mbyllur qarkullimin në këtë aks rrugor deri në hapjen e plotë të tij.

OSHEE njoftoi se rrjeti shpërndarës në nënstacionin e Çorovodës është dëmtuar, duke lënë jashtë funksionit disa kabina elektrike.

Si rezultat, më shumë se 40 abonentë në fshatrat Leshnjë, Potom, Kostren dhe Tomor kanë mbetur pa energji elektrike.

Gjithashtu, ka pasur dëmtime të linjave të shpërndarjes së energjisë në Kuçovë, ku era e fortë dhe reshjet e shiut kanë dëmtuar fidrin e nënstacionit të Kuçovës.

Më shumë se 200 abonentë në zonën Gegë-Frashër janë pa energji dhe 6 kabina elektrike janë jashtë funksionit.

Sipas OSHEE-së në Berat, grupet e punës janë në terren për të riparuar linjat e dëmtuara dhe rikthimin e energjisë elektrike për abonentët, duke marrë parasysh që temperaturat e ajrit do të jenë të ulëta gjatë këtyre ditëve.Qarku i Beratit është prekur gjatë fundjavës nga moti me shi dhe erëra të forta.

Si pasojë e stuhisë që ka vijuar përgjatë gjithë natës deri mëngjesin e së hënës disa zona, kryesisht malore kanë mbetur pa energji elektrike në rrethin e Skraparit dhe Kuçovës.

Reshje dëbore kanë përfshirë pjesën më të madhe të juglindjes së Shqipërisë, me intensitet më të lartë në zonat malore, ku trashësia e dëborës ka arritur deri në 5-10 cm. Reshjet filluan mbrëmjen e së premtes dhe vazhduan për disa orë, duke sjellë një peizazh të mbuluar nga dëbora në shumë zona.

Përveç zonave malore, reshje të lehta dëbore janë regjistruar edhe në qytetin e Korçës, por deri tani nuk ka pasur probleme të raportuara për qarkullimin në akset nacionale, përfshirë edhe fshatrat turistike të Dardhës, Voskopojës dhe Vithkuqit.

Në akset malore, ku trashësia e dëborës ka qenë më e madhe, ka pasur disa vështirësi në qarkullim, por autoritetet kanë punuar për normalizimin e situatës. Gjatë periudhës së reshjeve, janë regjistruar edhe shkëputje të herëpashershme të energjisë elektrike në disa njësitë administrative të fshatrave malore.

Policia e qarkullimit rrugor ka apeluar për kujdes nga drejtuesit e mjeteve që do të udhëtojnë në fundjavë në këto zona. Ata u kërkojnë shoferëve që të sigurohen se mjetet janë të pajisura me goma dimërore për të shmangur çdo problem gjatë udhëtimit.

Polonia është përfshirë nga përmbytje të shumta, ku si pasojë kanë humbur jetën 5 persona.

Kryeministri Donald Tusk, tha se autoritet do të evakuojnë banorët dhe qeveria do të japë mbështetje fianciare për të prekurit.

E kam thirrur këtë seancë të qeverisë për të miratuar sa më shpejt vendimin për vendosjen e gjendjes së fatkeqësisë natyrore. Unë i jam drejtuar ministrit të financave dhe për momentin kemi siguruar rezerva financiare për nevojat e vendeve dhe njerëzve të prekur nga përmbytjet”, tha kryeministri i Polonisë, Donald Tusk.

Evakuime si pasojë e përmbytjeve të shumta u bënë edhe në Republikën Çeke, Austri dhe Rumani. Shumica e territorit të Republikës Çeke u prek nga shiu i dendur dhe autoritetet shpallën paralajmërime për përmbytje masive në rreth 100 zona.

Lumi Oder që rrjedh në Poloni arriti nivele ekstreme në Ostrava, qyteti i tretë më i madh çek.

Shumë pjesë të qytetit ishin nën ujë dhe janë ngritur qendra për ata që duhej të evakuoheshin.

Ndërkohë, edhe Hungaria po përgatitet për reshje dhe përmbytje.

Meteorologët thonë se Europa Qëndrore po përballet më përmbytjen më të madhe të regjistruar dekadat e fundit.

Moti i keq dhe era e fortë ka përfshirë qytetin e Vlorës, mesditën e kësaj të hënë.

Sipas informacioneve, raportohet se deri në këto momente nuk raportohen probleme.