Aktori i humorit Rezart Veleshnja është liruar sot nga gjykata e Durrësit pasi më herët dje, ishte ndaluar për akuzën e mashtrimit.

Në seancën e vlerësimit të masës së sigurisë, gjykata e ndryshoi atë në detyrim paraqitjeje.

Veleshnja akuzohet për përvetësimin e një automjeti që i përkiste një të njohuri të tij, mjet të cilin sugjerohet se e kishte shitur për një shumë prej 200,000 lekësh.

Avokati mbrojtës i aktorit kundërshtoi veprimet e policisë duke deklaruar se çështja është e karakterit civil dhe se nuk ka asnjë kontratë shitblerjeje për automjetin.

Në seancën për caktimin e masës së sigurisë, që u zhvillua pasditen e sotme në Durrës, Veleshnja u shpreh se ngjarja ishte një “lapsus”.

Ai ka dhënë versionin e tij për incidentin që tha se ishte një dhënie ultimatumi nga ana e shokut të tij për t’i kthyer automjetin që i kishte marrë. Ai shtoi se denoncimi ishte një punë nervash për t’i cenuar imazhin.

Veleshnja reagoi përmes një videoje në rrjetet sociale, ku tregon versionin e tij për ngjarjen.

“Ju përshëndesim nga Pogradeci! Ideja është që është një automjet që e kam përdorur unë. Ai automjet kishte humbur, ndërkohë që unë thjesht e kam përdorur. Dhe sot e kësaj dite është gjetur se kush e ka pasur. Kaq! Nuk ka asnjë gjë këtu, jo u arrestua jo… turp! Ishte një automjet që kishte humbur, kaq! E kam përdorur dikur, por unë s’kam lidhje më me atë makinë pasi e kam hequr”, shprehet aktori.

Edhe pse ka vetëm dy ditë që ka nisur Big Brother Vip Kosova, duket se banorët kanë nisur lojën dhe kanë filluar edhe përplasjet e para.

Sherri është shënuar mes aktores Gresa Gashi dhe Rezart Veleshnja, pasi ky i fundit nuk ka kursyer ofendimet ndaj banores.

Jo vetëm duke ofenduar, por duke përmendur edhe personat që nuk janë brenda në shtëpinë e madhe.

Gresa përmend se Rezarti e ka kritikuar ashpër, duke e quajtur “aktore të keqe” dhe duke përdorur terma si “Je si Fifi”, “Balenë” dhe “Derre”.

E irrituar Gresa është shprehur se fjalët nga aktori i humorit për të kanë qenë shumë të tepërta.