Riaktivizohet zjarri në fshatin Konisbaltë në Dimal. Dyshimet janë se edhe këtë herë zjarri ka qënë i qëllimshëm, ndërsa në ndihmë të zjarrëfikësve të Dimalit janë nisur 3 mjete zjarrëfikëse nga Berati dhe forca të ushtrisë.

Burime bëjnë me dije se zjarri është shkaktuar nga persona ende të paidentifikuar, ndërsa vatra ndodhet në zonën e Allaxhiasit, pak metra larg nga vatra e zjarrit e vendosur dy ditë më parë.
Zjarri po përparon drejt pyllit me pisha, i favorizuar nga era dhe temperaturat e larta.

Për shkak të terrenit të vështirë, në ndihmë të zjarrëfikësve të Dimalit janë nisur 3 mjete zjarrëfikëse nga Berati dhe forca të ushtrisë.

Terreni i vështirë e bën të pamundur futjen e mjeteve zjarrëfikëse drejt zonës së zjarrit dhe zjarrëfikësit dhe forcat e ushtrisë janë duke shuar flakët me pompa uji shpine dhe mjete rrethanore.
Ndërkohë që zjarrëfikësit janë duke luftuar me flakët për të neutralizuar zjarrin, policia po punon për identifikimin dhe kapjen e autorëve të zjarrit,që është vendosur qëllimisht për të dytën herë në të njëjtin vend.

Është riaktivizuar sërish zjarri në fshatin Niçë të Pogradecit prej mbrëmjes së djeshme si pasojë e erës.

Kjo është dita e katërt që kjo zonë është nën pushtetin e flakëve duke djegur një sipërfaqe tepër të madhe kullotash por edhe pyje.

Në zonë kanë shkuar sërish forca zjarrfikëse, inspektorë pyjesh dhe banorë, por terreni malor dhe ecja që duhet të bëjnë e vështirëson mjaft punën e tyre dhe për pasojë janë të nevojshme më shumë forca për të izoluar sërish zjarrin.

Është riaktivizuar sërish mesditën e sotme, vatra e zjarrit në pyllin me pisha në Pishporo të Fierit. Flakët e favorizuara edhe nga era janë përhapur me shpejtësi duke u përhapur në sipërfaqe të konsiderueshme.about:blank

Sipas shefit të shërbimit zjarrfikës në Bashkinë Fier, Zija Hyka në vendngjarje ndodhen tre mjete zjarrfikëse, ndërkohë që është bërë kërkesë për ndërhyrje nga ajri pasi flakët kanë dalë jashtë kontrolli, duke rrezikuar edhe zonën e mbrojtur.