]Të tjera detaje janë bërë publike në lidhje me arrestimin e dy të rinjve Ardit Domi dhe Lorenc Cali që u përplasen me arme zjarri me policine. Sipas burimeve policore, automjeti që dyshoheshin se ishte përdorur për grabitje ishte vjedhur më 20 gusht në sektorin Rinia.

Pak orë më vonë, në një pikë karburanti në Sukth, grabitësit me armë morën lekujt e xhiros dhe u larguan pa u identifikuar. Në orët e para të mëngjesit, pranë zonës së Çifligut, policia mori njoftim për dy persona të maskuar që tentuan të grabisnin një automjet G Class, por drejtuesi i makinës arriti të largohej. Forcat e policisë lokalizuan automjetin e vjedhur dhe nisën ndjekjen. Gjatë ndjekjes, grabitësit hapën zjarr ndaj policisë.

Njëri nga grabitësit, Ardit Domi, u plagos dhe u transportua në spital, ndërsa Lorenc Cali u arrestua pas disa minutash rezistence. Policia gjithashtu ndihmoi pjesëmarrësit e një dasme në zonë që të largoheshin pa probleme nga restoranti ku po zhvillohej ceremonia.

Një sherr mes disa të rinjve ka agravuar deri në përdorimin e armëve të ftohta në zonën e Skelës.

Në vendngjarje kanë mbërritur ambulanca dhe policia, e cila po punon për identifikimin dhe kapjen e autorëve të këtij sherri masiv.

Në sallën plenare të Kuvendit të Shqipërisë është zhvilluar një gjyq imitues me të rinj nga shkollat e mesme të Shqipërisë.

Sponsorizuar nga Ambasada Zvicerane dhe organizuar edhe nga Instituti Parlamentar në Kuvend, u zhvillua dhe një gjyq imitues ku të rinjtë paraqitën mendimet e tyre në lidhje me disa propozime ligjore ku simuluan debatin parlamentar.

E pranishme në këtë event ishte deh deputetja e PD, Jorida Tabaku, e cila mbajti një fjalë të shkurtër përpar të rinjve duke diskutuar më tej opinionet e tyre. Ajo kujtoi se në shkollë të mesme ka qenë pjestarë e një prej dy grupeve të debatit që dolën ën finale, që sipas fjalëve të saj nuk arriti të marrë suksesin që kërkonte por që prej saj mësoi.

Më tej, ajo u fokusua në diskutimin me të rinjtë mbi të ardhmen e tyre duke biseduar mbi votimin, demokracinë dhe gjithashtu edhe atë që politika ka detyrë të bëj sot. “Beteja jonë për një Shqipëri më të mirë është ajo kur i japim mundësi rinisë të kuptojë se rëndësi ka meritorikracia dhe mundi shpërblehet” u shpreh deputetja e PD ndërsa diskutonte mbi të rinjtë.

Ajo u shpreh se nuk ka përgjegjësi më të madhe se sa të angazhohesh duke vlerësuar punën e të rejave dhe të rinjve nga gjimnazet duke i marrë seriozisht dhe duke punuar për to.

“Si një samiste kisha kënaqësi të drejtoja debatin dhe gjyqin imitues mes nxënësve të shkollës Sami Frashëri. Një kthim në të djeshmen ku kam qenë pjesëtare e grupit të finalistëve të parë në historinë e debateve që nisi në Shqipëri atëherë. Nuk mbaroi siç dëshiroja por qe mësimi i duhur për të mësuar nga humbja”, u shpreh Tabaku.

“Beteja jonë për një Shqipëri më të mirë është ajo kur i japim mundësi rinisë të kuptojë se rëndësi ka meritokracia dhe se mundi shpërblehet. Nuk kishte kënaqësi më të madhe por edhe përgjegjësi po aq të madhe se sa të shihje dhe mbroje dëshirën dhe guximin e këtyre të rinjve në përpjekjen e tyre për një Shqipëri më të mirë”, përfundoi Tabaku.

Një ngjarje e rëndë është regjistruar mesditën e së enjtes në aksin Tetovë-Shkup.

Sipas policisë raportohet se një i mitur ka qëlluar me armë drejt një shtetasi.

Fatmirësisht nuk raportohet për të lënduar.

Njoftimi i policisë:

“Sot (24.05.2024) në orën 01:00 në SPB Shkup, N.S (18) nga Arnaçija e Shkupit, ka parqitur se më 23.05.2024 rreth orës 23:30 në afërsi të rrugës rajonale Tetovë-Shkup, në afërsit të Çajles, 17-vjeçari nga fshati Bojan nga Shkupi, i cili ndodhej në automjetin e pasagjerëve “Volksëagen Passat” dhe me të cilin paraprakisht ishin grindur, ka qëlluar në drejtim të N.S. dhe automjeti i tij “Seat Leon”.

Nuk ka persona të lënduar. Po merren masa për zbardhjen e ngjarjes

Përfaqësues të shoqërisë civile në Kukës shprehin shqetësimin mbi vazhdimin e fenomenit të emigracionit të paligjshëm, kryesisht të të rinjve, gjë që sipas tyre po ndikon në përkeqësimin e jetës social-ekonomike të banorëve të një prej zonave me pasuri të shumta natyrore, me miniera të kromit dhe bakrit, hidrocentrale si ai i Fierzës që është furnizuesi kryesor i vendit me energji, parku kombëtar i Valbonës, por edhe disa pikëkalime kufitare me Kosovën.about:blank

Megjithatë, thotë Rifat Demalija nga Qendra Rinore Progres, të rinjtë vazhdojnë të largohen përmes kanaleve që trafikantët kanë ngritur prej vitesh.

“Vetëm në vitin 2023 mund të ketë 400-500 të rinj që kanë tentuar të largohen drejt Anglisë, por jo vetëm, edhe vendeve të tjera për arsye emigracioni. Ndërkohë, ka rënë numri i familjeve me fëmijë, të cilët largohen nga vendi, kjo për arsye se një pjesë e madhe, pasi kanë provuar emigracionin e paligjshëm, janë rikthyer dhe nuk kanë rrezikuar për t’u larguar përsëri për shkak të kostove të larta, rrezikut për fëmijët e tyre edhe pasigurisë në vendin e mbërritjes”, thotë ai.

Vetëm gjatë vitit 2022, sipas të dhënave të Insitutit të Statistikave, popullsia e Qarkut të Kukësit u paksua me 1270 persona, ose me 1.7 përqind, dhe kjo kryesisht për shkak të emigracionit. Numri më i madh i të larguarve drejt emigracionit nga Qarku i Kukësit është nga zonat rurale, ku edhe kushtet e jetesës janë më të vështira dhe ku, gjithnjë e më shumë, po ndjehet mungesa e fuqisë punëtore.

Banorët e tre bashkive të Qarkut të Kukësit thuajse nuk përfitojnë asgjë nga pasuritë e shumta natyrore që shfryrëzohen ne territorin e tyre, çka ka ndikuar që Qarku i Kukësit të renditet si qarku më i varfër në Shqipëri.

“Vështirësitë ekonomike, papunësia, arsimimi, infrastruktura, që nuk janë të duhurat në vendin ku ata jetojnë, bëjnë që këta të rinj të largohen”, thotë Eris Zenelaj nga shoqëria civile.

Emigracioni i paligjshëm dhe i paorganizuar, sipas zotit Demalija, ka ndikuar negativisht në ekonominë e zonës, ku tashmë ndjehet mungesa e aktivitetit ekonomik të të rinjve, kjo e theksuar kryesisht në zonën rurale të tre bashkive të këtij qarku.about:blank

“Nëse hedhim një vështrin në bar-lokalet dhe restorantet e Kukësit, Hasit dhe Tropojës vërejmë fenomenin e moshave shumë të reja, 12, 13 vjeçare, të cilët shërbejnë si kamarierë, tej normave të lejuara për punësim, por kjo ka ardhur për shkak të mungesës së krahut të punës”.

Të gjendur përballë një fenomeni që nuk po ndalet, përfaqësuesit e shoqërise civile në Qarkun e Kukësit shprehen mbi nevojën e programeve të qarta qeveritare në mbështetje të zhvillimit social-ekonomik të kësaj zone të largët verilindore për të frenuar emigracionin e paligjshëm, kryesisht të të rinjve drejt vendeve të BE-së.

Një aksident tragjik ka ndodhur në Kalabri të Italisë, duke lënë të vdekur 4 persona, ndërsa një tjetër është plagosur rëndë. Sipas mediave vendase, aksidenti ndodhi pranë Montepaone në provincën e Catanzaros.about:blank

Viktimat, tre gra dhe një mashkull, janë të gjithë të rinj – nga 20 deri në 35 vjeç. Ata po udhëtonin drejt provincës së Reggio Calabria me një Fiat Panda, e cila u përplas me një Fiat Idea që po shkonte drejt veriut.

Viktimat janë Antonella Romeo, 19 vjeç, Elisa Pelle, 25, Domenico Romeo, 28 dhe Teresa Giorgi, 35. Ata mbetën të bllokur në makinë dhe u desh ndërhyrja e zjarrfikësve për të nxjerrë trupat.

Dy makinat u shkatërruan plotësisht dhe kjo të bën të dyshosh se përplasja mes dy mjeteve ka ndodhur “kokë më kokë”.  Aksidenti ka ndodhur menjëherë pas një kthese.