Mbyllet numërimi i votave për kryetar të Rithemelimit në Korçë dhe nga procesi i votimit, fitues ka rezultuar Dhimitri Çyfeku.

Mësohet se ai ka arritur të grumbullojë 313 vota,ndërsa është pasuar nga Eleina Qirici me 235 vota dhe Harito Zoto që ka marrë vetëm 17 vota.

Ndërkaq 12 vota të tjera kanë rezultuar të pavlefshme.

Procesi ka nisur që ne oren 8:00 të ditës së sotme dhe ka perfunduar së bashku me numërimet vetëm pak minuta më parë.

Ish-gjyqtari Gjin Gjoni i futet politikës. Mësohet se në kuadër të riorganizimit të PD-së së Berishës, pak ditë me parë u lajmërua nisja e garës për të zgjedhur 19 kryetarët e rinj të degëve të kësaj force politike.

Gjithashtu bëhet me dije se një nga kandidatët të cilët do të garojë për kreun e PD Lezhë, është Gjin Gjoni. Kujtojmë se Gjin Gjoni ka dhënë dorëheqjen si Gjyqtari i Gjykatës së Apelit në Tiranë në vitin 2020, para se të kalonte në procesin e vetingut.

Gjyqtari Gjoni u shortua për t’iu nënshtruar procesit të vetingut në vitin 2018, ndërkohë që në tetor të të njëjtit vit ai mori leje prindërore 2-vjeçare nga Këshilli i Lartë i Drejtësisë. Në letrën e tij të dorëheqjes, Gjoni pretendonte se vettingun po e kalonin vetëm “shërbëtorët e politikës” dhe ata që “firmosin dhe vulosin pa menduar”.