Djali i rokerit legjendar, Doug Clifford, është arrestuar në dyshim të vrasjes së ish-të dashurës së tij dhe një personi tjetër, trupa të cilët u gjendën rreth 40 km larg njëra-tjetrës. Vrasësi në fjalë është Bernt Clifford, i cili u prangos të mërkurën nga policia e Kalifornias ku u akuzua fillimisht se ka vjedhur identitetin e personave të tjerë.

Hetimi ndryshoi në momentin kur policia zbuloi të enjten trupin e pajetë të një gruaje në një humnerë pranë autostradës “Mount Rose”, që shpejt u identifikua si ish-e dashura e tij, Patricia Wright. 48-vjeçarja u shpall e zhdukur në datën 5 gusht nga familja e saj, ku sipas dëshmitarëve të shumtë hera e fundit që u pa ishte me partnerin. Pak momente më vonë trupi i një personi tjetër, Andrew, u gjet i pajetë të paktën 40 kilometra larg viktimës së parë.

Sipas hetuesve mendohet se Bernt i ka marrë jetën me 9 gusht për t’i marrë makinën me të cilën u arratis nga vendngjarja. Lëvizjet u regjistruan nga kamera të shumta rrugore. “Ende nuk ka të dhëna për motivet e vrasjes së dyfishtë, por dedektivët janë duke marrë në intervistë çdokënd që mund të ketë informacione mbi ngjarjen”, u shpreh një nga policët kryesorë në një konferencë të enjten. I dyshuari tashmë është në burgun “Placer County”, ku mendohet se do të vihet pas hekurave për të paktën 25 vite, pa mundësi për lirim me kusht.