Këtë të dielë u luajtën disa nga ndeshjet e Serie A. Torino fitoi 0-1 ndaj Romës, në takimin e luajtur në “Olimpico”. Debuton te torinezët edhe Ismajli, ndërsa në këtë sfidë luajti edhe Asllani.

Atalanta mori 3 pikë ndaj Lecces, pas suksesit 4-1. Golat për bergamaskët u realizuan nga De Kateleare (x2), Scalvini dhe ZaleWski. Goli i nderit për Leccen mban firmën e Ndri. Ndeshjet janë të vlefshme për javën e 3-të.

Një ngjarje e rëndë ka tronditur Romën, ku një turiste spanjolle, Rosa Maria Alvarez Soto, 55 vjeç, humbi jetën pasi ra nga një mur në pikën e njohur turistike “Shkallët Spanjolle”.

Pavarësisht përpjekjeve të ekipeve mjekësore dhe transportimit të menjëhershëm në spital, ajo nuk arriti t’u mbijetonte plagëve të marra.

Policia lokale ka nisur hetimet për zbardhjen e plotë të rrethanave të ngjarjes. Sipas gjetjeve fillestare, nuk përjashtohet mundësia që të ketë qenë një tentativë vetëvrasjeje, por autoritetet po shqyrtojnë çdo pistë të mundshme për të zbuluar shkakun e tragjedisë.

Një ndërtesë dy-katëshe është shembur në lagjen Monteverde të Romës pas një shpërthimi që ka ndodhur rreth orës 8:30 të mëngjesit të sotëm. Shpërthimi ka zgjuar lagjen dhe ka shkaktuar shembjen e ndërtesës, e cila ndodhet midis Via Vitellia dhe Via Pio Foà, në zonën Gianicolense, dhe është pjesë e ish stallave të Villa Pamphili, të shndërruara në banesa. Hetimet e para sugjerojnë se shpërthimi dhe shembja mund të jenë shkaktuar nga një rrjedhje gazi, ndoshta nga një bombolë gazi.

Sipas autoriteteve, një burrë është nxjerrë i gjallë nga rrënojat dhe është dërguar menjëherë në spital. Fatmirësisht, askush tjetër nuk rezulton i zhdukur. Në vendin e ngjarjes ndodhen karabinierët, zjarrfikësit dhe personeli shëndetësor i shërbimit të urgjencës 118, të cilët po vazhdojnë kërkimet nëpër rrënoja për të siguruar se nuk ka të tjerë të mbetur nën to.

Zona është rrethuar për të mundësuar operacionet e shpëtimit dhe për të siguruar se operacionet po zhvillohen pa rrezik, ndërsa energjia elektrike është ndërprerë për arsye sigurie. Të gjitha ndërtesat përreth janë evakuuar si masë paraprake. Kryebashkiaku i Romës, Roberto Gualtieri, ka dhënë një deklaratë për mediat:

“Shpërthimi ishte shumë i fortë, dhe nga hetimet e para duket se është shkaktuar nga një rrjedhje gazi, ndoshta nga një bombolë. Hetimet do të sqarojnë shkaqet e plota të ngjarjes. Personi i plagosur ishte mysafir në një ambient mikpritjeje, për të cilin po kryhen hetime. Për momentin duket se bëhet fjalë për një fjetje me mëngjes të regjistruar rregullisht.” Për momentin, zjarrfikësit kanë nxjerrë të gjallë një burrë, i cili u dërgua menjëherë në spitalin Sant’Eugenio me urgjencë. Sipas informacioneve të para, ai është një shtetas skocez pesëdhjetë vjeç, i cili ka pësuar djegie në 70% të trupit dhe ka plagë të ndryshme në këmbë. Mjekët kanë arritur ta stabilizojnë dhe po vazhdojnë me trajtimin e tij, ndërkohë që operacionet e shpëtimit po zhvillohen me kujdes maksimal për të shmangur shembje të tjera.

Një 35-vjeçar është arrrestuar nga Interpol Rome pasi ishte shpallur në kërkim ndërkombëtar nga Interpol Tirana.

Autori i identifikuar si Juri Ymeraj akuzohet për veprën penale “Pastrim të produkteve të veprës penale”.

Njoftimi i policisë:

“Sot më datën 04.07.2024, nga Interpol Rome është arrestuar Juri Ymeraj, i datelindjes 01.07.1989, shpallur në kërkim ndërkombetar nga Interpol Tirana.

Shtetasi i mësipërm është shpallur në kërkim sepse Gjykata e Posacme Kundër Korrupsionit dhe Krimit të Organizuar, me vendimin Nr.82, datë 11.11.2022, ka caktuar masën e sigurisë “Arrest me burg”, për veprën penale të: “Pastrim të produkteve të veprës penale”.

Një telefonatë anonime ka shkaktuar panik dhe alarm për bombë në një qendër tregtare në Romë.

Punonjësit dhe persona që ishin brenda qendrës tregtare janë evakuuar si masë paraprake sigurie, ndërkohë që policia ka mbërritur në vendngjarje për të kryer kontrollet e nevojshme.

Pas evakuimit, janë futur skuadrat e posaçme dhe po kryejnë kontrollet e nevojshme për të parë nëse bëhet fjalë për vendosjen e një bombe, apo alarmi ka qenë i rremë

Një zjarr i madh ka përfshirë fabrikën djegies së mbetjeve Malagrotta në Romë.

Shtëngulla të zeza tymi dolën nga fabrika duke pushtuar zonën. Në vendngjarje shkuan 40 zjarrfikës me 13 automjete.

Zjarri, sqarojnë zjarrfikësit, ka rënë brenda impiantit të mbetjeve Malagrotta dhe ka përfshirë impiantin e trajtimit mekanik-biologjik “Tmb1” .

Komanda e zjarrfikësve të Romës i kërkoi gjithashtu menaxhmentit rajonal të Lazios të dërgonte personel nga Gos, Grupi Special Operativ, me mjete tokësore. Zona tashmë është rrethuar dhe e sigurt sipas mediave vendase dhe nuk raportohet për të lënduar apo helmuar.

Mbrojtja civile e kryeqytetit të Romës u bëri thirrje qytetarëve që banojnë brenda një kilometr nga zina e zjarrit të mbajnë dritaret e mbyllura dhe të mos ndezin kondicionerët.