2024 ka qenë viti që ka evidentuar një prej sulmuesve më të pangopur, të parë në Europë kohët e fundit. Deri në moshën 26-vjeçare, ai e ka pasur të vështirë të shpërthente në elitën e futbollit. Por, pasi u kurorëzua golashënuesi më i mirë i vitit me 62 gola, të shënuar me Sporting CP dhe Suedinë, mund të themi se Víktor Gyökeres është ulur në të njëjtën tavolinë me Leo Messin dhe Cristiano Ronaldon në nivelin e shënimit.

Që kur IFFHS filloi dhënien e çmimit “Golashënuesi më i mirë i vitit për meshkuj në botë” në vitin 2011, askush nuk ka mundur t’i kapërcejë 91 golat e Messit në vitin 2012. Askush nuk e ka fituar më shumë herë se Cristiano Ronaldo (pesë) këtë çmim.

Megjithatë, Gyökeres mund të mburret se është një nga pesë lojtarët që kanë shënuar më shumë gola në një vit kalendarik. Një dinasti që vetëm Robert Lewandowski arriti ta thyejë me 69 golat e tij në vitin 2021 dhe ku tashmë është përfshirë ‘9’ i Sportingut. Diçka që një ‘bishë’ si Haaland nuk e ka arritur (deri tani).

Golashënuesit më të mirë të çdo viti (2011 – 2024)

2011: Cristiano Ronaldo (60 gola)

2012: Leo Messi (91)

2013: Cristiano Ronaldo (69)

2014: Cristiano Ronaldo (61)

2015: Cristiano Ronaldo (57)

2016: Leo Messi (58)

2018: Bagdad Bounedjah (58)

2019: Abderrazak Hamdallah (57)

2020: Robert Lewandowski (47)

2021: Robert Lewandowski (69)

2022: Kylian Mbappé (56)

2023: Cristiano Ronaldo (54)

2024: Víktor Gyökeres (62)

Hija e asaj që njihet si ‘çudia e një sezoni’ varej intensivisht mbi figurën e tij, pasi u zbulua vitin e kaluar. Një stereotip që është shkundur këtë sezon, duke treguar qëndrueshmëri dërrmuese nga goli në gol. Dëshmi për këtë është se nga 52 golat që ka shënuar me Sportingun, 26 janë në gjysmën e parë të vitit (sezonin e kaluar) dhe 27 në të dytën (sezonin aktual).

Kësaj i duhen shtuar edhe 10 golat që ka shënuar me Suedinë, ku me Aleksandër Isak formon një nga çiftet më produktive në futbollin e kombëtareve. Në total, mes klubeve dhe kombëtares, ai ka shënuar plot 62 gola në 63 ndeshje, të cilat ndahen në: 36 gola në ligë, 17 në kompeticionet europiane dhe kombëtare, si dhe 10 të tjerë në kupa. Mesatarja del 0.98 gola për ndeshje, teksa ka shënuar gola të të gjitha ngjyrave.

Rekorde që lojtarët si Erling Haaland (49 gola), Harry Kane (46), Cristiano Ronaldo (43), Robert Lewandowski (42) ose Kylian Mbappé (39) nuk kanë mundur t’i përballojnë. Yjet që plotësojnë ‘TOP-10’ së bashku me lojtarët me një profil shumë më të ulët si Wu Lei (42 gola), dikur i Espanyol, ose El Kaabi (40), referenca e madhe e konferencës së pushtuar nga Olympiacos i Mendilibar.

Golashënuesit më të mirë të vitit 2024

Viktor Gyökeres (Sporting CP): 62 gola

Erling Haaland (Manchester City): 49 gola

Harry Kane (Bayern Munich): 46 gola

Cristiano Ronaldo (Al-Nassr): 43 gola

Wu Lei (SH Port): 42 gola

Robert Lewandowski (Barcelona): 42 gola

Jonathan David (Lille): 40 gola

Rafaelson (Nam Dimh): 40 gola

Ayoub El Kaabi (Olympiakos): 40 gola

Kylian Mbappé (Real Madrid): 39 gola

Ka ende disa skeptikë që nuk e besojnë plotësisht atë si një ‘vrasës’ elitar derisa të largohet nga Portugalia, por realiteti është se viti 2024 e ka përfunduar “shenjtërimin” e Viktor Gyökeres. Ai u largua nga Brighton më 2021 për pak më shumë se një milion euro dhe, vetëm pak vite më vonë, është një nga sulmuesit më të kërkuar në planet.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Superylli portugez fitoi lejen e planifikimit për të ndërtuar një hotel ekskluziv CR7 me 151 dhoma në zemër të Manchesterit, në dhjetor 2020, por ndërtesa e renditur në klasën II është lënë ashtu gërmadhë.

Hoteli duhej të hapej këtë vit, duke punësuar mbi 900 njerëz dhe shtuar 60 milionë euro në ekonominë lokale. Megjithatë, prona historike është ende e braktisur, sikurse në dy dekadat e fundit. Fotot tregojnë tavanet e ekspozuara dhe bojën që zhvishet nga muret.

Leja 3-vjeçare e planifikimit skadoi në fillim të këtij muaji, më 16 dhjetor, por nuk është tentuar asnjë punë në pronë. Një zëdhënës i grupit të hoteleve “Pestana”, partneri i hoteleve të Ronaldos, pranoi për “The Sun” se projekti është pezull: “Hapat e ardhshëm të projektit janë në pritje, pasi grupi është ende duke punuar për çështjet e lejeve”.

Aksionet e ish-yllit të Manchester United, Ronaldo, kanë rënë në mënyrë dramatike në këtë qytet, me fansat të irrituar pas intervistës së tij fatale me Piers Morgan, ku kritikoi klubin. Kjo intervistë e detyroi të largohej për tek Al Nassr në Arabinë Saudite.

Kishte gjithashtu çështje të vazhdueshme që grupi i investitorëve nuk kishte marrë fondet e nevojshme. Projekti është një sipërmarrje e përbashkët midis “Pestana” dhe zhvilluesve “Eastern Green”, të quajtur “Southern Green Properties”.

Prona ka qenë në një gjendje të rrënuar prej vitesh, por vlera e saj dukej se kishte ndryshuar, kur Ronaldo mori dritën jeshile për të ndërtuar aty një hotel futuristik 11-katësh.

Megjithatë, këshilli i qytetit ka qenë i frustruar që nuk ka pasur kurrë ndonjë shenjë të fillimit të punës. Marka CR7 e Ronaldos tashmë ka hotele në “Time Square” të New York, në atdheun e tij Madeira, Lisbonë, Portugali dhe Madrid.

Portugalia ka reaguar menjëherë ndaj golit të Sllovakisë.

Në minutën e 72’, Bruno Fernandes ka asistuar për Cristiano Ronaldo, dhe ylli portugez nuk e ka pasur aspak të vështirë të dërgonte topin në rrjetë.

Cristiano Ronaldo duket se i ka dhënë fund lidhjes me Georgina Rodríguez. Kështu shkruan portugezja “Gente”. Léo Caeiro, miku i Dolores Aveiro (nëna e Ronaldos), garanton se ylli dhe modelja “nuk janë më bashkë”.

“Besoj se Cristiano do ta shpallë së shpejti ndarjen dhe do të kërkojë respekt. Jam absolutisht i sigurt”, – thotë ai. Ndër shkaqet e prishjes së lidhjes duket se janë qëndrimet gjithnjë e më egocentrike të Georginas. Për pasojë, ylli portugez ka qenë gjithnjë e më i zhgënjyer me partneren e tij.

“Georgina nisi të mburrej shumë, filloi të fokusohej vetëm te vetja dhe harroi se aty ishte një Ronaldo. Cristiano është një person krejt tjetër dhe ka një përplasje të madhe mes të dyve. Ato janë personalitete krejtësisht të ndryshme. Georgina në fillim ishte një person i ndjeshëm, por me kalimin e kohës papritur u bë një person që jeton vetëm për para, famë dhe video në Instagram”, – thotë Léo Caeiro.

Më së fundi duket se Dolores, nëna e tij, ulet pranë Cristianos dhe Georgina kalon në skajin tjetër të hierarkisë. Marrëdhënia e tensionuar mes modeles dhe nënës së CR7 duket të jetë një tjetër arsye që ‘peshoi’ në vendimin e Cristiano Ronaldos.

Léo Caeiro thekson se Georgina nuk shkon mirë me Dolores Aveiro dhe se ajo nuk dëshiron as të bëjë foto me të. “Kur Georgina mori vesh se mamaja Dolores do të ulej pranë djalit të saj, u ngrit dhe shkoi në skajin tjetër të tavolinës dhe nuk qëndroi kurrë pranë Cristianos. Georgina është një person shumë i ftohtë dhe materialist”, – shton ai.