Tre shtetas, Xheladin Çokaj, Arnit Çokaj dhe Sefred Çokaj, babai dhe dy djemtë, kanë përfunduar në pranga në Malësinë e Madhe.

Policia bën me dije se këta persona kanë dhunuar dhëndrin e tyre, duke i shkaktuar lëndime në kokë dhe trup.

Njoftimi:

Menjëherë pas njoftimit për një konflikt në familje, në fshatin Flakë, shërbimet e Komisariatit të Policisë Malësi e Madhe shkuan menjëherë për të sqaruar rrethanat dhe identifikuar përgjegjësit.

Si rezultat i veprimeve të shpejta hetimore dhe operacionale:

u arrestuan shtetasit Xh. Ç., 64 vjeç, A. Ç., 30 vjeç dhe S. Ç., 33 vjeç, të tre banues në fshatin Koplik i Sipërm, për veprën penale “Dhuna në familje”, pasi dyshohet se, për motive të dobëta, kanë dhunuar fizikisht dhe psikologjikisht shtetasin A. U., 41 vjeç, duke i shkaktuar dëmtime në kokë dhe trup.

Materialet procedurale iu referuan Prokurorisë së Shkodrës, për veprime të mëtejshme.

Një 41-vjeçar është dhunuar brutalisht në garazhin e një pallati në zonën e Yzberishtit, Tiranë, dhe më pas i është marrë automjeti nga dy persona.

Ngjarja ndodhi ditën e djeshme, kur viktima, shtetasi I. Zh., po ndodhej në garazh, raporton noa.al.

Sipas hetimeve paraprake, dy persona iu afruan dhe për motive të dobëta e kanë goditur fizikisht, duke i shkaktuar dëmtime.

Menjëherë pas dhunës, ata kanë hipur në automjetin e tij dhe janë larguar.

Burime zyrtare bëjnë me dije se autorët e dyshuar janë vëllezër, të identifikuar si B. H., 44 vjeç dhe E. H., 36 vjeç, banues në Tiranë.

Mjeti i marrë me forcë është gjetur pranë banesës së tyre dhe është sekuestruar si provë materiale.