Policia dhe punonjësit e shpëtimit kanë gjetur trupat e dy burrave  që ishin zhdukur në një zonë rurale në perëndim të Madridit pas shirave të rrëmbyeshëm që goditën Spanjën qendrore gjatë fundjavës. Ekipet e shpëtimit gjetën trupat pranë qytetit Aldea de Fresno ku lumi Alberce doli nga shtrati të dielën.about:blank

Jose Manuel Aguado, 83 vjeç , u përfshi nga rrymat e forta pranë shtëpisë së tij në Villamanda, ndërsa një mesoburrë i quajtur Manuel Lopez ishte zhdukur pasi makina me të cilën ai dhe familja e tij po udhëtonin u zhyt në lumë natën e së dielës. Gruaja dhe vajza e Lopez u shpëtuan të njëjtën natë, ndërsa djali i tij 10-vjeçar, u gjet i gjallë pasi kaloi natën të mbërthyer në një pemë.

Të paktën pesë persona humbën jetën kur shiu i rrëmbyeshëm përfshiu pjesë të mëdha të Spanjës të dielën dhe të hënën. Dëmet më të mëdha pësuan provincat e Toledos, ku një grua mbetet e zhdukur dhe Madridi.

Shira të dendur kanë goditur rajonin veriperëndimor italian Piemonte, duke shkaktuar rrëshqitje të dheut pas daljes nga shtrati të lumit Merdovine, njoftuan mediat lokale të hënën.

Një person është plagosur dhe pesë të tjerë janë zhdukur gjatë natës nga shirat e dendur në Bardonecchia, njoftoi agjencia shtetërore e lajmeve ANSA.

Megjithatë, zëvendëskryeministri italian, Antonio Tajani, deklaroi më vonë në platformën e mediave sociale X, e njohur më parë si Twitter, se pesë personat e zhdukur janë gjetur.

Përmbytjet detyruan zhvendosjen e 120 personave, të cilët u vendosën në kampe dhe hotelet e Kryqit të Kuq Italian.

Agjencia e lajmeve njoftoi se zjarrfikësit kanë vazhduar përpjekjet për të shpëtuar gjashtë persona të bllokuar në një kamping të përfshirë në rrjedhën e poshtme nga vërshimet.about:blank

Furnizimi me gaz në zonë është ndërprerë për shkak të rrezikut të shpërthimeve, ndërsa raportohet se janë dëmtuar edhe urat në rajon.