Një zjarr me përmasa gjigante ka përfshirë Pustecin.

Mësohet se sipërfaqja e djegur i kalon 150 hektarë bimësi. Por perimetri vetëm se zgjerohet.

Vatrat e zjarrit janë përhapur aq shumë sa kanë dalë nga kontrolli dhe rrezikojnë ti afrohen edhe doganës së Goricës dhe fshatit Goricë e Madhe.

Era po e perhap zjarrin edhe në drejtim të Pogradecit, përgjatë Malit të Thatë.

E vetmja alternativë për të lokalizuar vatrat duket se mbetet ndërhyrja nga ajri.

Sipas Bild, ndeshja mes Gjermanisë dhe Danimarkës, e vlefshme për fazën e 16-tave të ‘Euro 2024’, mund të jetë në rrezik për shkak të kushteve ekstreme të motit që prekin Dortmundin, qytetin që do të presë ndeshjen.

“Nga nata e së shtunës deri të dielën mbrëma, ekziston rreziku i stuhive të forta nga jugperëndimi dhe perëndimi në Gjermaninë qendrore”,- tha meteorologu Dominik Jung për median e lartpërmendur.

Shërbimi meteorologjik gjerman parashikon stuhi të forta për mbrëmjen e së shtunës, pikërisht kur do të zhvillohet ndeshja mes Gjermanisë dhe Danimarkës. “Mund të shoqërohet me shi jashtëzakonisht të dendur, pritet edhe breshër me diametër rreth tre centimetra, si dhe erëra të forta me shpejtësi. Tornadot gjithashtu nuk përjashtohen.”

Pasditen e sotme është përfshirë nga flakët një magazinë dhe një hangar ushqimi për blegtorinë në Tapizë të Fushë-Krujës.

Nga zjarri mësohet se janë djegur dy objektet ndërsa zjarri ka qenë shumë i fuqishëm dhe rrezikonte edhe banesën afër magazinës.

Zjarri dyshohet të jetë aksidental. Ende nuk dihen shkaqet e rënies së zjarrit ndërsa mësohet se ka dëme të mëdha në disa milionë lekë pasi është djegur e gjithë baza ushqimore për bagëtitë.

Zjarrin është fikur pas ndërhyrjes së zjarrfikës dhe fatmirësisht nuk ka të lënduar.