Jo vetëm te produktet shqiptare mund të konstatohen problematika, por edhe tek ushqime të prodhuara në shtete që kanë një siguri të lartë ushqimore, siç është Franca. Një bakter tejet i rrezikshëm është zbuluar në djathin e butë francez “Französischer Weichkäse”, i cili prodhohet nga qumësht i pasterizuar.

Alarmin për praninë e bakterit “Listeria Monocytogenes” në djathë e kanë konfirmuar autoritetet gjermane pas analizave te  kryera. Bakteri Listeria është shumë i rrezikshëm për gratë shtatzëna, foshnjat , të moshuarit dhe personat me imunitet të dobësuar, pasi mund të shkaktojë infeksion në gjak, infeksion në tru dhe të palcës kurrizore.

Ndërsa simptomat tek personat e shëndetshëm janë: ethe, dhimbje muskujsh, lodhje e përgjithshme dhe diarre. Ky institucion na bën me dije se pas njoftimit të marrë nga autoritetet gjermane kanë dalë në terren për të bërë bllokimin e produktit dhe asgjësimin e tij. Inspektoret e AKU nuk kanë mundur të bllokojnë produktin, sepse e gjithë sasia e importuar në vendin tonë ka rezultuar e shitur.

1

FOL MË NGADALË

Të folurit ngadalë është shenjë besimi në atë që po thua. Të lejon që të zgjedhësh fjalët me kujdes, duke e vënë theksin tek rëndësia e asaj që po thua.

2

KURRË MOS U PËRGJIGJ MENJËHERË

Prit pak sekonda, përpara se të përgjigjesh. Përgjigju qetësisht dhe saktësisht. Kështu do mundesh të mbledhësh mendimet dhe të shmangësh reagimet impulsive.

3

EC ME SHPATULLAT DREJT

Gjithmonë ruaj drejtqëndrimin. Kjo jo vetëm që ndihmon shëndetin fizik, por edhe u komunikon të tjerëve një prani të fortë dhe të vendosur.

4

KURRË MOS KËRKO OSE MOS U LUT NËSE NUK TË FTOJNË APO NUK TË PËRFSHIJNË

Ky rregull ka të bëjë me respektin për veten si dhe për ruajtjen e kufijve personalë që nuk duhen shkelur.

5

KUR BUZËQESH, PËRDOR SYTË JO BUZËT

Buzëqeshja me sy është një mënyrë e shkëlqyer për t’u lidhur me të tjerët, në një mënyrë më të thellë.

6

PRANO ATË QË ËSHTË JASHTË KONTROLLIT TËND

Mos reago ndaj gjërave që janë jashtë kontrollit tënd. Fokusohu mbi ato që mund të kesh ndikim, dhe të tjerat injoroji.

Arrestohet ne Korce nje 26 vjecar me arme te mbushur i cili ka kercenuar edhe punonjesit e policise. 

I riu ishte denuar edhe me pare per te njejten veper penale.

Njoftimi:

Finalizohet operacioni policor i koduar “Again”, me rrezikshmëri për punonjësit e Policisë.
Mbante armë zjarri në banesë dhe kërcënoi me jetë punonjësit e Policisë, pas thirrjeve të Policisë dhe ndërhyrjes profesionale, vihet në pranga 26-vjeçari.

Sekuestrohet arma e zjarrit tip pistoletë, me fishek në fole gati për qitje, me të cilën ai kërcënoi punonjësit e Policisë.

Shërbimet e Komisariatit të Policisë Korçë, në bashkëpunim me shërbimet operacionale të Drejtorisë Vendore të Policisë Korçë, në bazë të informacioneve të marra se një shtetas i dënuar më parë për armëmbajtje pa leje kishte siguruar dhe mbante përsëri armë zjarri, organizuan punën dhe finalizuan operacionin policor të koduar “Again”.

Në momentin e ndërhyrjes, 26-vjeçari ka kundërshtuar të hapë derën dhe ka kërcënuar me jetë punonjësit e Policisë.

Pas thirrjeve të bëra nga ana e Policisë dhe ndërhyrjes profesionale, u bë e mundur neutralizimi dhe arrestimi në flagrancë i shtetasit R. L., 26 vjeç, banues në Korçë, person me rrezikshmëri të lartë, i dënuar më parë për armëmbajtje pa leje.

Në cilësinë e provës materiale u sekuestrua arma e zjarrit tip pistoletë me fishek në fole, gati për qitje, dhe municioni luftarak.

Materialet proceduriale iu referuan Prokurorisë së Korçës për veprime të mëtejshme.

Deputeti socialist Erion Braçe, ka reaguar në “Facebook”, pas shpërthimit të zjarrit në një urban të kryeqytetit, se ky shërbim duhet të ndryshojë totalisht.

Brace shton se; autobusët aktualë janë për në koshin e plehrave dhe janë tmerrësisht të rrezikshëm për të qarkulluar në rrugët e Tiranës.

Braçe: Transporti publik ne duhet te ndryshoje totalisht; kompanitë e transportit qe kane marre me kontrate ketë shërbim, nuk përmbushin ne mënyre te ndjeshme kushtet, veçanërisht cilësinë e shërbimit;

Autobusë për ne koshin e plehrave-aq te vjetër janë; Totalisht te papërshtatshëm për trafikun e Tiranës; Pis e zhul, ndotin po aq e ne fund edhe te rrezikshëm sa kohe qe ju ndodh te marrin edhe zjarr, për me tepër kur është ftohte;

Shiheni: Isha ne terren dhe pashe se si mori zjarr! Duhet te ndryshoje rrënjësisht dhe këto kompani duhet te mbajnë përgjegjësi një here te vetme!

Autoriteti Kombetar i Ushqimit ka njoftuar qytetarët për një produkt të rrezikshëm që është importuar nga Italia, dy javë pasi e kanë marrë informacion. Në njoftimin e AKU-së bëhet me dije se produkti i rrezikshëm është “Crema di Rizo Conad Bio” g200 (krem orizi biologjik për fëmijë). Pas njoftimit në lidhje me rrezikshmërinë e këtij produkti janë bllokuar nga AKU 40 pako (8kg) nga kremi i orizit.

Ndërkohë që në njoftimpo ashtu bëhet me dije se nga Italia janë importuar gjithsej 80 pako (16 kg) produkt, ndërsa janë bllokuar vetëm gjyma e këtij produkti. Po ashtu theksohet se sasia prej 8 kg e produktit qëndron e bllokuar prej dates 5.12.2024 në mjediset e Operatorit të Biznesit Ushqimor.

Njoftimi i AKU:

Autoriteti Kombetar i Ushqimit bën me dije qytetarëve që është gadishmëri dhe veprim të menjëhershëm, me efektivitet të plotë për cdo rast të cënimit të Sigurisë Ushqimore me qëllim garantimin e konsumatorit vendas. Garantimi i sigurisë ushqimore është një proces dinamik, për të cilin stuktura qëndrore dhe ato ligj zbatuese përgjigjien rast pas rasti, pavarësisht ngjyrimeve politike dhe daljeve mediatike për të tërhequr vëmendje. Transparenca e komunikimit të riskut me publikun është gjithashtu një proces thelbësor në informacionin korrekt për konsumatorin, duke evituar rrezikun e panikut dhe atë të disinformimit të qytetarëve.

Në kuadër të transparencës institucionale dhe komunikimin me publikun informojmë se referuar informacionit të ardhur nga sistemi RASFF më datë 10.12.2024, me temë: “Arsenik inorganik mbi limitin e lejuar në ushqim për fëmijë”, në të cilin Shqipëria është etiketuar për ndjekje, sqarojme se: Në muajt Korrik, Gusht dhe Shtator 2024 janë importuar në total 80 pako, ose 16 kg produkt “Crema di Rizo Conad Bio” g200 (krem orizi biologjik për fëmijë).

Nga vetë Operatori i Biznesit Ushqimor (OBU), i njoftuar nga kompania mëmë, jemi njoftuar në datën 05.12.2024, pra 5 (pesë) ditë përpara njoftimit zyrtar nga sistemi RASFF për tërheqjen e produktit gjendje nga tregu shqiptar dhe afishimin e njoftimit për konsumatorin, të cilët kishin blerë produktin me qëllim kthimin e tij.

Autoriteti Kombëtar i Ushqimit me marrjen e njoftimit pasditen e datës 5.12.2024, ka kryer menjëherë kontrollin në subjekt në datën 6.12.2024 duke bllokuar sasinë prej 40 pako (8kg), të tërhequr nga vetë subjekti pasditen e një dite më parë. Gjithashtu, nëpërmjet gjurmueshmerisë u identifikua që produkti ishte shpërndarë vetëm brenda rrjetit të njësive të shitjes së subjektit, i cili njëkohësisht ka kryer edhe njoftimin për konsumatorin për kthimin mbrapsht të produktit.

Po në këtë datë: 6.12.2024 Autoriteti Kombëtar i Ushqimit ka bërë njoftimin për konsumatorin në linkun https://aku.gov.al/2024/12/06/njoftim-per-konsumatorin-3/, duke tërhequr vëmendjen blerësve të këtij produkti për mos konsumimin dhe kthimin mbrapsht, në faqen zyrtare të Institucionit me numrin e loteve dhe datat e skadencës përkatëse.

Duke qenë se Njoftimi zyrtar nga Sistemi i Njoftimit të Shpejtë për Ushqim dhe Ushqim për Kafshë – RASFF është bërë 5 (pesë) ditë pas njoftimit nga vetë Operatori i Biznesit Ushqimor, Autoriteti Kombëtar i Ushqimit ka kontrolluar edhe njëherë pas njoftimit zyrtar të RASFF subjektin dhe ka ri-njoftuar konsumatorin në faqen zyrtare të Institucionit, në linkun https://aku.gov.al/rasff/#. Në njoftim e datës 17.12.2024 është dhënë informacion për pamjen e produktit dhe numrin e Lotit, si dhe duke i bërë thirrje konsumatorëve të cilët e kishin blerë produktin dhe e kishin ende gjendje ta kthenin pranë pikave të shitjes së produktit.

Sasia prej 8 kg e produktit qëndron e bllokuar prej dates 5.12.2024 në mjediset e Operatorit të Biznesit Ushqimor, i cili ka detyrim përmbushjen e dispozitave ligjore për asgjësimin, brenda një afati maksimal kohor prej 30 ditësh. Autoriteti Kombetar i Ushqimit ndjek nga afër cdo situatë për garantimin e publikut të gjerë, me synim mos cënimin e sigurisë ushqimore dhe mbrojtjen e konsumatorit në vend. Siguria ushqimore është një përgjegjësi e përbashkët dhe cështje e të gjithëve, ndaj i bëjmë thirrje qytetarëve që të ndërveprojnë dhe të kenë besim tek institucionet përgjegjëse.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Kapja e personave me rrezikshmëri të lartë shoqërore e atyre të shpallur në kërkim ndërkombëtar vijon të jetë një shqetësim për Shqipërinë pasi shumica prej tyre nuk janë kapur brenda territorit të vendit ndërsa ata që dyshohet se janë në Shqipëri, fotot e tyre thjesht vijojnë të jenë të afishuara në rastin më të mirë e në atë më të keq nuk janë të publikuara sepse faqja e policisë së shtetit nuk punon.

Behar Bajri është vetëm një i ekstraduar pas arrestimit në Francë. Dosja metamorfoza nxori se si grupet kriminale bashkëpunojnë me drejtësinë dhe përfitojnë prej saj e jo vetëm. Por mes të arrestuarve ka dhe nga ata të cilët nuk janë ekstraduar ende por dhe nga ata të cilët kanë përfituar nga mungesa e marrëveshjeve mes Shqipërisë për këtë çështje.

Laert Haxhiu i prangosur në Greqi e Gramoz Rexhepi në Turqi janë dy të shumëkërkuar të tjerë për të cilët Shqipëria shpresat i ka varur tek suksesi i procedurave të ekstradimit.

Ngritja e njësisë Fast me aq bujë në vitin 2019 thuajse nuk çoi asnjërin prej kësaj liste në pranga, edhe pse krimet ndodhnin brenda territorit Shqiptar.

Bledar Jambelli ishte porositës i vrasjes së ish-oficerit të policisë Artan Cuku në vitin 2017. Por edhe pse ndodhej në Shqipëri edhe pse krijoi kushtet për marrjen e jetës së Cukut ai sërish arriti të largohej në Greqi. Në shtetin fqinj u arrestua, por ekstradimi i tij dështoi.about:blank

E njëjta histori për një tjetër të shumëkërkuar si Jani Aliaj. Pasi kreu vrasjen në një nga zonat e frekuentuara të Tiranës u largua drejt Greqisë.

Altin Hajri është një tjetër emër i cili vijon të jetë në kërkim ndërkombëtar lidhur me  rrëmbimin dhe vrasjen e Jani Prengës. Bashkëpunëtori tjetër i tij, Gentian Funiqi edhe pse i arrestuar në Spanjë në vitin 2022 ende nuk ka shkelur tokën shqiptare për t’u përballur me drejtësinë.about:blank

Për Talo Çelën, grabitësin e miliona eurove në Rinas e të akuzuar për më shumë se 10 ngjarje kriminale, vijon një tymnajë informacionesh. Ajo që dihet, “piloti” siç e quanin një pjesë e të arrestuarve të parave të Rinasit, është në kërkim.

Si Talo Çela edhe për Ervis Martinajn, i kërkuar nga drejtësia për operacionin “Plumbi i Artë” ende nuk dihet asgjë. Mediat vazhdojnë të hedhin pikëpyetje në lidhje me të nëse është vrarë zhdukur apo ka inskenuar gjithçka, pasi përplasja me grupet rivale po i eliminonte shokët dhe të afërmit njëri pas tjetrit.about:blank

Erjon Llapushi është një tjetër emër që renditet në listën e personave që Policia e Shtetit i konsideron si të kërkuarit më të rrezikshëm. Tetorin e vitit 2021 ai dhunoi për vdekje një kamerier në Elbasan. Gazmend Kurmaku, i tha se tavolina ku ishte ulur ishte e rezervuar e Llapushi pas kërcënimeve e shtyu, ndërsa 50-vjeçari u përplas me kokë në një pjesë betoni e humbi jetën dy ditë më pas në Spitalin e Traumës.

Emri i Gëzim Çelës si baroni i drogës u përmend sërish këtë vit në operacionin e policisë së shtetit të koduar si “Flakë në Det” ku u kapën lëndë narkotike, por jo ai që organizon trafikun.

I quajtur “fantazma”, për shkak se askush nuk binte në gjurmët e tij, 30-vjeçari Ibrahim Lici, prej kohësh vijon të jetë në arrati dhe duke iu shmangur drejtësisë që e akuzon për vrasje. Njësia Fast edhe pse kishte informacione se Lici mund të kishte udhëtuar drejt Turqisë nëpërmjet Kosovës sërish nuk mundi ta arrestojë deri kur humbi gjurmët në Stamboll.