Pemët po kthehen në një rrezik serioz për këmbësorët në Durrës.about:blank

3 të tilla kanë rënë brenda 24-orëve, për shkak të erës së fortë që përfshiu qytetin bregdetar 2 ditët e fundit.

“E ka fajin zinxhiri, hallkat e zinxhirit që nuk kapin njëra-tjetrën, se po ta kapin e ke punën e zgjidhur,” tha një burrë.

“Dje që ra ajo e priti ajo makina, po të kishte qenë ndonjë autobus me fëmijë, do kishte bërë ndonjë katastrofë më të madhe,” – u shpreh një tjetër.

Më serioz është problemi, nëse ecën përgjatë rrugës “Kasem Durrësi”.about:blank

Atje rrapat shumë-vjeçarë janë anuar dhe kanë filluar të çajnë trotuaret, duke kanosur jetën e kalimtareve.

“Gjithë rrugën që erdha kam mbajtur dorën në kokë,” – tha një grua.about:blank

“Po sa degë të larta bien nga sipër, i bien njerëzve në kokë, në qafë. Mua të parin më ka rënë një pas kurrizi,” – u shpreh një burrë.

Qytetarët ankohen se ndërhyrjet nga ana e bashkisë janë minimale.about:blank

“Bashkia duhet t’i krasisë, t’i presë degët, që të jenë më të lehta,” – tha një burrë.

“Vijnë bëjnë ndonjë gjë të vogël, por këto duhen ulur,” – u shpreh një tjetër.about:blank

“S’kemi parë të vijnë t’i mirëmbajnë, duhet të vijnë,” – u shpreh një grua.

Për të evituar përsëritjen e episodeve të ngjashme, sektori i gjelbërimit në Ndërmarrjen “Rruga” pritet të nisë krasitjen e rrapave nga fillimi i rrugës “Kasem Durrësi” deri tek kryqëzimi i dytë tek aksi “Hajdar Dushi”.

Burime bëjnë me dije se ndërhyrja do të realizohet gjatë orëve të natës, për të mos bllokuar qarkullimin e mjeteve.