Një helikopter mjekësor është rrëzuar natën e kaluar në një zonë të ngarkuar të 50th Avenue në Sacramento të Kalifornisë, duke plagosur tre persona, njofton operatori i shërbimit ajror mjekësor.

Në këtë bord, fatmirësisht nuk kishte pacientë në momentin e aksidentit.

Ndërkaq, mbi këtë rast Kryebashkiaku i Sacramentos, Kevin McCarthy ka reaguar përmes një postimi në X, duke thënë se helikopteri është rrëzuar pran 59th street, në anën lindore të qytetit.

Arkitekti i famshëm kinez Kongjian Yu ka humbur jetën në një aksident ajror të martën vonë në ligatinat e gjera braziliane të shtetit Mato Grosso do Sul, thanë autoritetet braziliane të mërkurën.

62 vjeçari Yu, fitoi rëndësi globale si arkitekt peizazhi dhe planifikues urban pasi qeveria kineze miratoi konceptin e tij të “qyteteve sfungjer” duke përdorur zgjidhje të bazuara në natyrë për të thithur dhe mbajtur ujin në vend të infrastrukturës së betonit për ta kanalizuar atë.

ryeministri francez François Bayrou ka humbur votëbesimin që kërkoi në qeverinë e tij.

Asambleja Kombëtare e Francës ka votuar me 364 vota pro dhe 194 kundër për ta shkarkuar atë nga detyra dhe për të rrëzuar qeverinë e tij të pakicës.

Një helikopter ushtarak u rrëzua në rajonin Ashanti të Ganës jugore të dielën dhe si pasojë e aksidentit ajror mbetën të vdekur tetë personat që ndodheshin në bord.

Helikopteri ushtarak Z-9 u rrëzua në rrethana të paqarta menjëherë pas ngritjes nga kryeqyteti Accra, gjatë rrugës për në qytetin Obuasi.

Si pasojë e përplasjes kanë ndërruar jetë edhe ministrat e Mbrojtjes dhe Mjedisit të vendit. Julius Debra, shefi i Shtabit të Presidentit John Mahama, njoftoi në një konferencë për shtyp se ministri i Mbrojtjes Edward Omane Boama dhe ministri i Mjedisit, Shkencës dhe Teknologjisë Ibrahim Murtala Mohammed u vranë tragjikisht në aksident.

Gjithashtu u vranë Alhaji Muniru Mohammed, zv/Koordinatori i Sigurisë Kombëtare dhe ish-Ministri i Bujqësisë, Samuel Sarpong, nënkryetari i Kongresit Demokratik Kombëtar (NDC), ish-kandidati parlamentar Samuel Aboajye dhe tre anëtarë të ekuipazhit.

“Është një tragjedi kombëtare”, tha Julius Debra, duke njoftuar se flamujt në të gjithë vendin do të ulen në gjysmë shtizë, pasi është ditë zie në Gana.

Një moment që duhej të ishte i paharrueshëm për dashuri, përfundoi në tragjedi në Adana të Turqisë. Një avion i vogël i tipit “Ultra Light” u rrëzua në një plantacion agrumesh, vetëm pak sekonda pasi një vajzë tha “Po” në një propozim martese nga ajri.

Ngjarja ndodhi në zonën Yüreğir, pranë pistës “Kelaynak”. Në bord ndodheshin piloti 39-vjeçar Burak Yürekli dhe Şeyda Doğan, e cila ishte ftuar në fluturim nga partneri i saj. Përmes radios, ai i bëri propozimin për martesë nga toka, ndërsa Şeyda tha “Po” me emocion.

Pamjet e regjistruara nga të pranishmit tregojnë momentin e përgjigjes së saj, por gëzimi zgjati shumë pak: avioni humbi kontrollin dhe u përplas në një fushë pranë pistës.

Të dy pasagjerët u transportuan me urgjencë në Spitalin Universitar të Adanasë dhe raportohen në gjendje të rëndë shëndetësore. Autoritetet turke kanë nisur një hetim për shkaqet e aksidentit.

ANGLI- Një aksident ajroj ka ndodhur ditën e sotme në Angli. Mësohet se nga aksidenti katër persona kanë humbur jetën, pasi një aeroplan i vogël u rrëzua në Aeroportin e Londrës Southend menjëherë pas ngritjes.

“Aeroplani Beechcraft B200 Super King Air i prodhuar në SHBA ishte nisur për në Holandë, por hasi në vështirësi dhe u rrëzua brenda kufijve të aeroportit”, u tha gazetarëve shefi i detektivëve të policisë së Essex, Morgan Cronin.

Shkaku i aksidentit ajror ende nuk është bërë me dihe, por sipas mediave britanike, viktimat janë dy pasagjerët dhe dy pilotët.

Ky incident ka ndodhur një muaj pas një aksidenti tjetër tragjik në Indi, ku një Boeing 787 Dreamliner që fluturonte për në Londër u përplas pas ngritjes nga aeroporti i Ahmedabad, duke shkaktuar vdekjen e të gjithë pasagjerëve dhe anëtarëve të ekuipazhit, përveç një personi.

Një aeroplan i vogël është rrëzuar pas ngritjes nga Aeroporti i Southend, duke shpërthyer në një top të madh zjarri metra larg pistës. 

Avioni i vogël Beech B200 thuhet se po shkonte drejt Holandës, por imazhet e një flake në aeroport kanë qarkulluar në mediat sociale.

Pamjet janë parë gjithashtu të një reje të zezë tymi që ngrihet deri në njëqind metra në qiell. Fluturimi për në Lelystad ishte planifikuar të nisej në orën 3:45 të pasdites, por pas një vonese dhjetë minutëshe duket se ka dalë nga pista, sipas Flightradar.

Nuk është e qartë se sa persona ishin në bord, por policia, ambulancat dhe zjarrfikësit e Essex-it nxituan në vendngjarje. Banorëve u këshillohet të qëndrojnë larg zonës dhe disa fluturime janë anuluar që nga rrëzimi.

Një avion privat i vogël u rrëzua pasditen e kësaj të premteje në zonën e Sanfolit, pranë Shartrit në Francën perëndim-qendrore, rreth 90 km jugperëndim të Parisit. Të tre personat që ndodheshin në bord, dy burra dhe një grua, humbën jetën në këtë aksident tragjik.

Moshat e tyre ende nuk janë bërë publike.

Sipas autoriteteve lokale, avioni ra në një zonë banimi, por nuk u përplas mbi asnjë banesë. Dëmi i vetëm material u shkaktua në një makinë të parkuar aty pranë. Avioni i përkiste aeroklubit të aeroportit të rajonit metropolit të Shartrit.

Pas aksidentit, autoritetet ndaluan qarkullimin në zonë dhe vendosën devijime trafiku. Hetimet për zbardhjen e shkaqeve të rrëzimit janë në vijim nga organet kompetente.

Një helikopter që transportonte katër turistë amerikanë është rrëzuar në det në portin turistik të Vuliamenit, në jug të Athinës.

Sipas mediave të huaja, helikopteri ra midis jahteve të ankoruara në marinë pak çaste pas ngritjes, ndoshta për shkak të një defekti në motor, ndërsa të gjithë personat në bord, përfshirë pilotin grek janë në gjendje të mirë shëndetësore.

Sipas autoriteteve greke, të lënduarit kanë marrë vetëm lëndime të lehta. Helikopteri ra midis jahteve të ankoruara në marinë pak çaste pas ngritjes, ndoshta për shkak të një defekti në motor.

Ndërkohë autoritetet kanë arrestuar pilotin 57-vjeçar të helikopterit. Ai u mor në paraburgim nga Autoriteti Portual i Vouliagmenit, i cili po drejton hetimin paraprak. Ai përballet me akuza për rrezikim të sigurisë së transportit, lëndim trupor për shkak të neglizhencës dhe mosndjekje të procedurave të ekuipazhit në rast emergjence.

Dy tifozë kanë vdekur dhe një oficer policie është në koma pas festimeve masive mbarëkombëtare për fitoren historike të Paris Saint-Germain në Ligën e Kampionëve, çmimi më i madh i futbollit evropian, kanë njoftuar autoritetet franceze të dielën, raporton BBC.

Vdekjet dëmtuanngjarjen e madhe pasi PSG-ja fitoi titullin e parë dhe të shumëpritur të Ligës së Kampionëve, në një fitore 5-0 ndaj Interit të Milanit. 

Kulla Eifel shkëlqeu në ngjyrat e ekipit dhe tifozët festuan gjatë gjithë natës në festime që ishin kryesisht paqësore, por që u shndërruan në dhunë në disa zona.

Në qytetin jugperëndimor të Dax, një djalë 17-vjeçar vdiq pasi u godit me thikë në gjoks vonë të shtunën në mbrëmje, raportuan mediat lokale.

Një burrë 23-vjeçar që po ngiste një skuter në qendër të Parisit u vra gjithashtu pasi u godit nga një automjet, tha zyra e prokurorit.

Rrethanat e të dy vdekjeve janë duke u hetuar.

Shefi i policisë së Parisit, Laurent Nunez, ka thënë në një konferencë për media të dielën se gjatë festimeve të së shtunës për fitoren e PSG-së në Ligën e Kampionëve, janë plaçkitur katër dyqane, përfshirë një dyqan këpucësh në Champs Elysees.

Ai gjithashtu ka konfirmuar se 491 persona janë arrestuar në rajonin e Parisit dhe nëntë policë janë plagosur.

Nunez ka thënë se 192 demonstrues janë plagosur, duke përfshirë katër me lëndime të rënda.

Në Paris, një i ri ka vdekur gjatë një përplasjeje me një automjet dhe do të bëhet një hetim për të konfirmuar nëse ka lidhje apo jo me festimet.

“Shifra është më e ulët se ajo që kemi parë në të kaluarën, por nuk do të mësohemi kurrë me këtë lloj abuzimi, me njerëz që erdhën vetëm për të kryer akte vandalizmi dhe që as nuk e ndoqën ndeshjen dhe do të kemi gjithmonë një përgjigje shumë të prerë”, ka thënë Nunez.