GJERMANI – Numri i të papunëve në Gjermani shkoi në pothuajse tre milionë në janar, niveli më i lartë në gati dhjetë vjet, sipas agjencisë Federale të Punësimit (BA). Vetëm këtë muaj thuhet se janë regjistruar 2,993 milionë njerëz të papunë – 186,000 më shumë se në dhjetor. Pra raporothet se shkalla e papunësisë është rritur në 6,4 për qind.

Sipas autoriteteve gjermane, rritja e ndjeshme e papunësisë i atribuohet pjesërisht përfundimit të shumë kontratave të punës në fund të vitit, ndërsa shumë vende pune humbasin edhe për shkak të kushteve atmosferike. Mirëpo, nuk janë vetëm këta shkaktarët, shprehet kreu i Agjencisë, Andrea Nalles. Ai thotë se dobësia ekonomike po lë shenja gjithnjë e më të thella.

“Dobësia ekonomike po lë shenja gjithnjë e më të thella,” vuri në dukje ai, duke shtuar se kërkesa për fuqi punëtore është gjithashtu në rënie.

Në janar u raportuan 632,000 vende të lira pune, 66,000 më pak se një vit më parë. Nga ana e punëdhënësve, kryetari i shoqatës përkatëse, Rainer Dulger, foli për një “sinjal rreziku” në tregun e punës dhe theksoi se “është koha për veprim”.

Pjesëmarrja e shqiptarëve në krimin e organizuar në Gjermani ka marrë përmasa të reja, duke u theksuar në raportin më të fundit të Zyrës Federale të Kriminalistikës (BKA) për vitin 2023. Ky raport, i prezantuar të enjten në Berlin, vë në dukje një rritje të ndjeshme të numrit të shtetasve shqiptarë të dyshuar për përfshirje në aktivitete kriminale.
Sipas të dhënave, numri i shtetasve shqiptarë të dyshuar për krime të organizuara është rritur në 285, nga 254 që ishte në vitin 2022. Përveç shqiptarëve nga Shqipëria, rreth 100 të dyshuar vijnë nga Kosova. Bie në sy se 40% e shqiptarëve të përfshirë në këto aktivitete kriminale janë persona që kanë kërkuar azil në Gjermani dhe kanë përfituar nga sistemi social.

Në këtë grup, shqiptarët zënë vendin e dytë, pas shtetasve sirianë.
Më brutalë, më të sofistikuar
Raporti i BKA-së tregon se grupet kriminale shqiptare janë të përfshira gjithnjë e më shumë në tregtinë dhe trafikimin e drogës. Aktiviteti kryesor i këtyre grupeve është trafiku i kokainës dhe produktet e kanabisit. Sipas raportit, në vitin 2023 u zhvilluan 23 procese hetimore për shqiptarët për trafik kokaine dhe 15 për kontrabandë me produkte kanabisi.

Që kur Organizata Botërore e Shëndetësisë (OBSH) muajin e kaluar e klasifikoi situatën globale të virusit ‘mpox’ (lija e majmunit) si një emergjencë të shëndetit publik me shqetësim ndërkombëtar, aksionet farmaceutike, si dhe teknologjia mjekësore dhe bio-farmaceutike janë rritur derisa aksionet e linjave ajrore kanë shënuar rënie, transmeton Anadolu.
Analistët thanë se aksionet e linjave ajrore ranë muajin e kaluar për shkak të shqetësimeve në rritje se virusi do të përhapej në nivel global po aq shpejt sa COVID-19, që vrau milionë njerëz në mbarë botën dhe shkatërroi shumë biznese në sektorë të tillë si udhëtimi, turizmi dhe transporti.

Që nga deklarata e 14 gushtit nga OBSH-ja, aksionet e furnizuesit japonez të mjeteve mjekësore ‘Precision System Science’ u rritën me 67,1 për qind, ndërsa të zhvilluesit danez të vaksinave ‘Bavarian Nordic’ u rrit me 43,3 për qind.
Sipas Komisionit të BE-së, ‘MVA-BN’ e kompanisë ‘Bavarian Nordic’ është e vetmja vaksinë kundër virusit ‘mpox’ e miratuar nga BE-ja, Zona Ekonomike Evropiane dhe Mbretëria e Bashkuar.
Vaksina ‘MVA-BN’ është sugjeruar për përdorim për popullatën e përgjithshme të rritur, 18 vjeç e lart, respektivisht në individë të konsideruar në rrezik të lisë apo virusit ‘mpox’.

Furnizuesi i mjeteve mjekësore ‘Presicion System Science Co.’ u rrit me 39 për qind në Japoni, ndërsa prodhuesi i kompleteve të zbulimit të viruseve ‘Shanghai Zj Bio-Tech Co.’ fitoi deri në 8,4 për qind në Kinë.
Aksionet e kompanisë farmaceutike britanike ‘GlaxoSmithKline’ fituan 9,6 për qind, kompania farmaceutike me bazë zvicerane ‘Novartis’ fitoi 8,4 për qind, ‘Sanofi’ me bazë franceze 7,3 për qind, ‘Johnson & Johnson’ me bazë në SHBA 4,7 për qind, ‘Shanghai ZJ Bio-Tech Co.’ me bazë në Kinë 4,5 për qind, ‘Gilead Sciences’ me bazë në SHBA 3,9 për qind, ‘Bayer’ me bazë në Gjermani 1,3 për qind, si dhe kompania ‘Roche’ me bazë në Zvicër fitoi 0,5 për qind.

Nga ana tjetër, aksionet e grupit kinez ‘Sinopharm’ humbën 1 për qind, ndërsa kompania farmaceutike me bazë në SHBA ‘Pfizer’ humbi 5 për qind dhe ajo ‘Emergent Biosolutions’ humbi 34,6 për qind.
Mbi 22 mijë raste të virusit ‘mpox’ u raportuan në mbi dhjetë vende afrikane, ndërsa vende të tjera si Filipinet, Tajvani, Tajlanda, Suedia, Australia dhe Pakistani gjithashtu konfirmuan raste virusit.
Sipas OBSH-së, ‘mpox’ është një sëmundje virale që përhapet përmes kontaktit të ngushtë dhe materialeve të kontaminuara si çarçafët, veshjet dhe gjilpërat.

Qeveria britanike po u bën thirrje kompanive të teknologjisë që të ndihmojnë në trajtimin e shkallës së lartë të vjedhjes së telefonave inteligjentë. Ekspertët fajësojë lulëzimin e tregut të zi të telefonave për shtimin e grabitjes së telefonave nëpër rrugët e qyteteve angleze. Pamjet e kamerave të sigurisë tregojnë policinë londineze që ndjek një hajdut që ka vjedhur 24 telefona celular gjatë orëve të mëngjesit, që më pas u dënua me dy vjet burg.

Të dhënat deri në mars të vitit 2024, tregojnë se rreth 200 njerëzve në ditë u vidhen telefonat ose çantat. Vjedhja është shtuar me rreth 150% krahasuar me një vit më parë, ose rreth 78,000 viktima. Nez është një prej viktimave. “Po shkoja drejt stacionit të autobusit dhe muzika që dëgjoja në kufje u ndërpre. E kuptova që më kishin vjedhur telefonin”, tregon ai.

Në këtë video shihet një hajdut që e ndjek nga pas viktimën dhe i vjedh telefonin pa u ndjerë. Por një polic i fshehtë e kap hajdutin në lagjen e famshme Soho të Londrës. Sipas qeverisë britanike, rritja e kërkesës brenda dhe jashtë vendit për telefona të përdorur po i nxit vjedhjet. Ben Uood është analist me firmën “CCS Insight”. “Po shohim sfida të mëdha në treg sepse është shtuar kërkesa për telefonat e përdorur.

Veçanërisht për produktet si Iphone ose modelet e fundit të Samsungut, që kushtojnë shumë kur janë të rinj por e ruajnë vlerën”.
Qeveria britanike është zotuar se do ta godasë krimin duke vënë në objektiv hajdutët e telefonave dhe tregjet që ata përdorin. Qeveria ka në plan të organizojë një takim me kompanitë e teknologjisë dhe prodhuesit për të diskutuar mënyra për parandalimin e vjedhjes së telefonave inteligjentë.

“Është një sfidë e vazhdueshme për kompanitë kur kemi të bëjmë me vjedhjet. Por sfida më e madhe është t’i detyrosh njerëzit që të përdorin veçoritë mbrojtëse që ofron telefoni si njëjtësimi me fytyrën, shenjat e gishtërinjve apo kode të vështira për hapjen e telefonave inteligjentë. Këto janë mënyrat më të thjeshta për mbrojtjen e telefonit.

Por ka edhe aplikacione që tregojnë vendndodhjen e telefonit dhe të mundësojnë ta bllokosh përdorimin e telefonit të vjedhur”, thotë zoti Ëood.
Ai thotë se bllokimi në shkallë botërore i përdorimit të një pajisje të vjedhur, çka do të kërkonte shumë vite të arrihej, do t’i jepte fund vjedhjes së telefonave inteligjentë.

Sot, më 25 korrik 2024, në tregun valutor, dollari amerikan blihet me 92 lekë dhe shitet 92.9 lekë.

Euro sot blihet me 99.9 lekë, ndërsa në shitje me 100.6 lekë.

Paundi britanik sot blihet me 118.6 lekë dhe shitet me 119.5 lekë.

Franga zvicerane këmbehet sot në blerje me 103.8 lekë, në shitje me 104.8 lekë.

Dollari kanadez sot në blerje këmbehet me 66.4 lekë dhe në shitje me 67.4 lekë.