Një aksident i rëndë ka ndodhur pak pas mesnate në fshatin Shkrel të Rugovës, kur një autobus ka dalë nga rruga dhe është rrokullisur. Si pasojë e këtij aksidenti, 17 pasagjerë kanë pësuar lëndime trupore.

Lajmi është konfirmuar nga Driton Rugova, zëdhënës i policisë për rajonin e Pejës, i cili tha se të plagosurit janë dërguar menjëherë në Spitalin Rajonal të Pejës për trajtim mjekësor.

“Rreth orës 00:50, Policia mori informacionin për një vetaksident në fshatin Shkrel, ku një autobus ka dalë nga rruga dhe është rrokullisur. Si pasojë, 17 persona kanë pësuar lëndime dhe janë dërguar në emergjencën e Spitalit Rajonal të Pejës. Rasti është duke u hetuar nga Njësia e Trafikut Rajonal”, tha Rugova.

Hetimet për shkakun e aksidentit janë në vazhdim.