Ersekë, 4 qershor 2025 – Një ngjarje tragjike ka ndodhur pasditen e së mërkurës në fshatin Qinam të Ersekës, ku një 65-vjeçar ka humbur jetën pasi është goditur nga rrufeja.

Sipas informacioneve paraprake, viktima është identifikuar me inicialet A.A. Ai u godit nga rrufeja gjatë një stuhie dhe fatkeqësisht ka ndërruar jetë në vend.

Forcat e policisë janë nisur menjëherë drejt vendngjarjes për të hetuar rrethanat e sakta të ngjarjes dhe për të dokumentuar incidentin. Deri më tani nuk raportohet për dëmtime të tjera ose persona të rrezikuar nga stuhia në zonë.

Ersekë/Informacion paraprak

Rreth orës 18:30, në fshatin Qinam, Ersekë, dyshohet se si pasojë e goditjes nga rrufeja, ka ndërruar jetë shtetasi A. A., 66 vjeç, i cili ishte duke punuar në tokën në pronësi të tij.

Grupi hetimor ndodhet në vendngjarje dhe po punon për sqarimin e rrethanave të rastit

Një goditje nga rrufeja në një kamp refugjatësh në Ugandë ka vrarë 14 persona, ka njoftuar policia e vendit. Sipas policisë, nga goditja 34 të tjerë kanë pësuar lëndime. Një zyrtar bëri të ditur se të gjithë ata që vdiqën ishin fëmijë.

Siç raportohet, incidenti ndodhi në vendbanimin e refugjatëve Palabek në veriperëndim të vendit, shkruan BBC

Kohët e fundit në zonë janë parë reshje të dendura shiu me vetëtima. Palabek është shtëpia e më shumë se 80,000 refugjatëve dhe azilkërkuesve, sipas agjencisë së refugjatëve të OKB-së

Tetë persona u vranë dhe një u plagos kur u goditën nga rrufeja më herët sot mes një stuhie në shtetin Chhattisgarh të Indisë. Mësohet se mes të vdekurve janë edhe gjashtë të mitur.

Gjithashtu zëdhënësi i policisë bëri të ditur se ngjarja ka ndodhur pasdite kur studentët po ktheheshin në fshatin Joratarai. Në fillim të këtij muaji, shtatë persona humbën jetën dhe tre u plagosën nga rrufeja në të njëjtin shtet.

LUSHNJË- Kryeplaku i fshatit Gjyshaj të Lushnjës u gjet pa shenja jete nga familjarët ditën e djeshme në darkë. Mësohet se G.Gj 45 vjeç dyshohet të ketë humbur jetën si pasojë e goditjes nga rrufeja.

Grupi hetimor po punon për sqarimin e plotë të rrethanave të ngjarjes.

Lushnjë, është gjetur nga familjarët dhe kryeplaku i fshatit, pa shenja jete, shtetasi G. Gj., rreth 45 vjeç. Nga hetimet paraprake, ky shtetas dyshohet të ketë humbur jetën si pasojë e goditjes nga rrufeja.

Pesë persona janë goditur nga rrufeja në Prevallë.

Lajmin e ka konfirmuar zëdhënësi i Policisë së rajonit të Prizrenit, Shaqir Bytyçi, shkruan gazeta Express.

Ai tha se njëri prej tyre është në gjendje më të rëndë.

“Me datën 18.08.2024 rreth orës 12:14, policia ka  marre informatën se në Prevallë rrufeja ka goditur 5 persona. Njëra nga viktimat, femër  është në gjendje më të rëndë”, tha ai.

Duke postuar fotot në rrjetet sociale, fotografi Horálek shkruan:“Moti i fortë me stuhi mbi Europën Qendrore solli një nga fenomenet më spektakolare, por edhe më misterioze: The Red Sprites”.

Vëzhguar për herë të parë në 1989, ata u bënë një objektiv për shumë fotografë dhe kameramanë të specializuar. Fotografimi i tyre konsiderohet shumë i vështirë sepse fotografi kurrë nuk e di paraprakisht se kur mund të shfaqet fenomeni. Për shkak të lartësive të tyre dhe kohëzgjatjes së shkurtër, rrufetë e kuqe vërehen rrallë.

Ato u zbuluan aksidentalisht nga fizikani John Ëinckler në vitin 1989, teksa ai po ndihmonte në testimin e një videokamere të re.

Një fenomen i rrallë ka ndodhur në Sllovaki. E njohur si “rrufeja e kuqe”, pamjet janë kapur nga një fotograf çek, dukuria mahnitëse e motit shkaktoi shpërthime elektrike mhanitëse të dritës.

Sipas informacioneve të para, gjithçka ka ndodhur para syve të familjes së vajzës

Një tragjedi ka ndodhur pasditen e kësaj të premteje në Halkidiki me një vajzë 13-vjeçare që humbi jetën pasi u godit nga rrufeja .

Ngjarja tragjike ka ndodhur rreth orës 16:30 me orën greke kur vajza ndodhej në plazhin e Poseidit, në rërë. Sipas informacioneve, familja nga Moudania, ishin duke u larë në Poseidi në Faro dhe kur kanë parë bubullimat kanë dalë jashtë, kanë tentuar të shkojnë te makina por nuk ia kanë dalë, pasi janë goditur nga rrufeja ndërkohë që vogëlushja ka mbetur e vrarë. Menjëherë kanl shkuar në vend ekipet e shpëtimit të EKAV-it të cilët bënë përpjekje të mëdha, vazhduan me intubimin por nuk arritën ta rikthejnë vajzën në jetë. Nëna ishte ishte në gjendje shoku.

Në zonën e Halkidikisë sot ka mot të keq me reshje të dendura shiu .  Policia e Kasandrës po kryen hetimet paraprake për ngjarjen.

E tronditur nga ngjarja është kryebashkiaku i Kasandrës, Anastasia Chalkia, e cila që në momentin e parë që u informua për ngjarjen ndodhej në qendrën shëndetësore të zonës. Ajo tha:

“Është një tragjedi që ka ndodhur nga hiçi në një moment gëzimi për familjen. Kjo gjë është vërtet e çmendur. Binte shumë shi dhe nga sa tha nëna e saj ajo po bëhej gati të largohej nga plazhi në atë moment. Ajo ishte një engjëll, një kukull, një studente dhe sportiste e shkëlqyer. Prindërit nuk mund ta kuptojnë se çfarë ndodhi. Fëmija sapo ishte duke ecur në plazh, ajo që ndodhi është tragjike”, tha ajo

Në Japoni, rrufeja goditi një fushë futbolli në prefekturën Miyazaki, teksa në fushë po zhvillohej një ndeshje mes dy ekipeve të të rinjve.

Nga aksidenti janë lënduar 18 persona, dy prej të cilëve në gjendje të rëndë.

Një udhërrëfyes peruan u vra dhe gjashtë turistë francezë u plagosën nga rrufeja në zonën turistike të Cuzco, në jug të Perusë. Rrufeja goditi grupin teksa po shëtisnin në malin Vinicunca, i quajtur edhe mali me shtatë ngjyra, i cili ndodhet në zemër të Andeve, rreth 100 kilometra larg qytetit të Cuzco.

Në një deklaratë për shtyp, policia lokale tha se turistët francezë, të moshës 22 dhe 40 vjeç, po trajtoheshin në një spital në Cuzco. Gjithashtu ata kanë pësuar djegie dhe lëndime të tjera.

Mali me shtatë ngjyra dominon në lartësinë 5200 metra. Ngjyrat që e përbëjnë atë janë rezultat i shtresave të sedimentit që janë grumbulluar gjatë një periudhe prej miliona vjetësh. Është një nga atraksionet turistike më të njohura në Peru së bashku me Machu Picchu. Që nga fillimi i vitit, pesë persona janë vrarë nga rrufeja në rajonet e Andeve të Perusë, sipas agjencisë së mbrojtjes civile.

Njëzet e katër persona janë vrarë nga rrufeja dhe rreth 23 janë lënduar nga shirat në shtetin perëndimor të Indisë, Gujarat, gjatë dy ditëve të fundit.

Gujarat u godit nga shirat e dendur të shoqëruar nga stuhi breshëri të dielën dhe sot, me disa zona që regjistruan 144 mm shi në 24 orë. Departamenti Meteorologjik i Indisë (IMD) ka parashikuar se shirat do të vazhdojnë në disa pjesë të shtetit edhe të hënën.

Gujarat është i njohur për fatkeqësitë e shumta natyrore. Në gusht 2020, 14 njerëz vdiqën në vetëm dy ditë për shkak të shirave të dendur dhe përmbytjeve.

Një vit më parë, në gusht 2019, 31 persona vdiqën si pasojë e përmbytjeve.