Shërbimet e Policisë Rrugore të Tiranës, në bashkëpunim me Komisariatet e Policisë në kryeqytet, kanë vazhduar përpjekjet për të eliminuar pengesat që ndikojnë në lëvizjen e lirë të automjeteve dhe këmbësorëve.

Sipas autoriteteve kjo është pjesë e një plani të masave të shtuara për të siguruar një qarkullim më të lehtë dhe pa probleme në rrugët e Tiranës.

Njoftimi:

Në kuadër të këtyre masave, shërbimet e Komisariatit të Policisë Nr. 2 dhe Policisë Rrugore kanë intensifikuar monitorimin e rrugëve të brendshme të kryeqytetit, duke synuar të evidentojnë dhe ndëshkojnë drejtuesit e automjeteve që parkohen gabimisht dhe krijojnë pengesa për qarkullimin e automjeteve të tjera dhe këmbësorëve

Si rezultat, janë spostuar 15 automjete të tjera me mjet ngritës, duke e çuar numrin e automjeteve të spostuara në 65.

Këto automjete janë dërguar në pikën e bllokimit të Komisariatit të Policisë Rrugore. Policia e Tiranës ka bërë të ditur se këto masa do të vijojnë, me qëllim të lehtësimit të trafikut dhe mundësimin e një lëvizjeje më të lirë dhe të sigurt për të gjithë qytetarët.

Është publikuar fotoja e 28-vjeçarit Denis Loka, i cili u vra me thikë nga kushërinjtë e tij Enis dhe Aleksandros Loka, në në lagjen Kipseli të Athinës mbrëmjen e së hënës.

Ngjarja e rëndë është fiksuar nga kamerat e sigurisë të bizneseve aty pranë dhe tregojnë vëllezërit, 17 dhe 19 vjeç të cilët fillimisht përleshen fizikisht me të afërmin e tyre Denis Loka, përpara se t’i marrin jetën.

Ngjarja ka ndodhur rreth orës 22:50 dhe ishin efektivët e Policisë Rrugore, të cilët po lëviznin pranë kryqëzimit të rrugëve Chania dhe Patisia, që panë të shtrirë përtokë 28-vjeçarin.

Sakaq dy vëllezërit pretendojnë se janë abuzuar seksualisht nga 28-vjeçari i ndjerë, kur ishin fëmijë dhe jetonin në Shqipëri. Kur u takuan ata debatuan për atë që pretendojnë se ka ndodhur në të kaluarën. Viktima ka tentuar t’i qetësojë, por ka ndodhur një sherr, i cili ka sjellë plagosjen fatale të 28-vjeçarit.

Një orë pasi kryen krimin ata janë vetëdorëzuar në komisariatin e Kipselit dhe ka qenë 17-vjeçari ai që ka marrë përsipër vrasjen.

Policia Rrugore e Tiranës ka publikuar ditën e sotme bilancin për javën që lamë pas, ku bëhet me dije se janë vendosur rreth 7,889 masa administrative.

Sipas njoftimit të policisë, janë arrestuar dhe proceduar penalisht 25 drejtues, ku 7 prej tyre janë arrestuar për drejtim mjeti nën ndikimin e alkoolit, 8 për pa leje drejtimi, 9 u ndaluan për shkelje të rregullave të qarkullimit rrugor si edhe 1 për drejtim mjeti nën ndikim e lëndëve narkotik.

Gjatë javës së fundit, janë zbatuar masa të rrepta në ruajtjen e rendit dhe sigurisë rrugore:

Arrestime dhe Procedime Penale:

7 persona u arrestuan për drejtim mjeti nën ndikimin e alkoolit.

8 persona u proceduan për drejtim mjeti pa leje.

9 persona u ndaluan për shkelje të rregullave të qarkullimit rrugor.

1 person u arrestua për drejtim mjeti nën ndikimin e lëndëve narkotike.

Masat Administrative:

7,889 masa administrative u vendosën gjatë javës, me një mesatare prej 1,127 masash në ditë.

20 masa për xhama të zinj.

261 masa për shpejtësi mbi normat e lejuara.

189 masa për përdorim të celularit gjatë drejtimit të automjetit.

472 masa për mos vendosjen e rripit të sigurimit.

186 masa për mosdhënie përparësie qytetarëve.

5,724 masa për qëndrime të gabuara.

363 masa për mospërdorim të kaskës mbrojtëse apo jelekut fosforeshent.

Pezullime dhe Bllokime:

11 raste pezullimi për drejtim nën ndikimin e alkoolit.

11 raste pezullimi për tejkalim të shpejtësisë.

58 raste të ndryshme pezullimesh të tjera.

Gjithashtu, 12 automjete u bllokuan, përfshirë 3 automjete me targa të huaja.

Policia Rrugore në Vlorë lajmëron se gjatë 48 orëve të fundit, në shumë akse rrugore janë konstatuar nëpërmjet dronit, 503 raste të parakalimeve të gabuara. Drejtuesit e mjeteve që kanë kryer këto parakalime janë ndëshkuar me masa administrative nga 3000 deri në 5000 lekë të rinj.

Gjithashtu, janë evidentuar 703 raste të shpejtësisë të palejuar. Policia Rrugore e Vlorës lajmëron drejtuesit e mjeteve që të kenë kujdes e të respektojnë rregullat e qarkullimit rrugor, pasi monitorimi do të vijojë.

“Njësia Operacionale e Policisë Rrugore

Intensifikohen kontrollet në akset rrugore nacionale dhe urbane, duke përdorur mjetet inteligjente shpejtësimatëse dhe dronë.

Si rezultat i monitorimeve, gjatë 48 orëve të fundit, në shumë akse rrugore janë konstatuar nëpërmjet dronit, 503 raste të parakalimeve të gabuara. Drejtuesit e mjeteve që kanë kryer këto parakalime janë ndëshkuar me masa administrative nga 3000 deri në 5000 lekë të rinj.

Gjithashtu, gjatë monitorimeve janë evidentuar:

703 raste të shpejtësisë tej normave të lejuara. Drejtuesit e mjeteve janë ndëshkuar me masa administrative 1000 – 4000 lekë të rinj, pa sanksionin e pezullimit të lejes së drejtimit;

51 raste të shpejtësisë mbi normat e lejuara. Drejtuesit e mjeteve jane ndëshkuar me pezullim të lejes së drejtimit dhe zbritje deri në 8 pikë nga patenta.

Monitorimet do të vijojnë intensivisht në ditët në vazhdim, ndaj Policia Rrugore apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor”, njofton policia.

Policia Rrugore e Tiranës ka vendosur mbi 11 mijë  masa administrative ndaj drejtuesve të mjeteve gjatë një jave.

Uniformat blu bëjnë me dije se janë arrestuar dhe proceduar 3 persona për drejtim mjeti nën ndikimin e alkoolit, 2 persona për pa leje drejtimi, 4 persona për shkelje të rregullave të qarkullimit dhe 2 persona për korupsion aktiv.

11.776 masa administrative të vendosura, mesatarisht 1,682 në ditë

739 masa për shpejtësi mbi normat e lejuara

324 masa për përdorim celulari gjatë drejtimit

640 masa për mos vendosjen e rripit të sigurimit

24 masa për mosrespektim të sinjalit “Stop”

596 masa për mosdhënie përparësi qytetarëve

7908 masa për qëndrim të gabuar

6 raste pezullim për drejtim nën ndikimin e alkoolit

43 raste për tejkalim shpejtësie

7 automjete u bllokuan, përfshirë 3 me targa të huaja.