Washington- Disa nga liderët e BE-së kanë mbërritur në Uashington, ku do i bashkohen takimit Trump-Zelenskyy në Shtëpinë e Bardhë. Presidentja e Komisionit Evropian, Ursula von der Leyen, Shefi i NATO-s, Mark Rutte, Kryeministrja e Italisë, Giorgia Meloni dhe presidenti francez Emmanuel Macron janë udhëheqësit eropianë që deri më tani kanë mbërritur në Shtëpinë e Bardhë. Të gjithë u pritën nga Shefja e Protokollit, Monica Crowley.

Meloni gjithashtu u shpreh se Perëndimi është një mjet për të ndërtuar paqen dhe për të garantuar drejtësinë. Duke folur italisht përpara takimit, ajo thotë se është e lumtur që propozimi për një garanci sigurie të ngjashme me atë të NATO-s – të cilën Italia e propozoi e para është qendror në bisedimet e sotme.

“Ne jemi në anën e Ukrainës, mbështesim përpjekjet e Presidentit të Shteteve të Bashkuara. Mendoj se puna që do të bëjmë sot, nga kjo pikëpamje, do të jetë e rëndësishme,” tha Meloni për gazetarëve.

Mirlind Daku protagonist. Sulmuesi shqiptar ka shënuar gol në kampionatin rus me Rubin Kazan, në transfertën e CSKA-së së Moskës.
Pasi mori një asist nga lojtari tjetër shqiptar, Shabanhaxhaj, Daku lëvizi mjaft mirë dhe me një goditje tokazi dërgoi sferën pas shpinës së portierit.

26-vjeçari i Kombëtares ka luajtur në këtë sezon 16 ndeshje, për të ky është goli i nëntë, ndërsa ka dhuruar edhe 3 asiste. Mirlind Daku po luan edicionin e dytë në Rusi, teksa më herët është aktivizuar në Kosovë, Kroaci, apo edhe Slloveni.

Mbi 12 raketa “Storm Shadow” raportohet se janë lëshuar nga Ukraina në brendësi të territorit rus.

Kjo është hera e parë që Ukraina përdor raketat e prodhimit britanik për të qëlluar bazat ushtarake brenda territorit rus, çka është konfirmuar tashmë edhe nga një zyrtar britanik për mediat e huaja.

Në rrjetet sociale janë publikuar video që pretendohet se tregojnë momentin kur raketat fluturojnë dhe shpërthejnë në Rusi.

Sulmi ukrainas me raketa Storm Shadow, vjen vetëm një ditë pasi SHBA, Britania dhe Franca aprovuan lejen për t’i përdorur raketat e tyre me rreze të gjatë brenda territorit rus.

Rusia i kreu dy sulme të shtunën kundër një spitali në rajonin kufitar të Ukrainës, Sumi, duke i vrarë së paku nëntë njerëz dhe duke i plagosur 12 të tjerë.

Presidenti i Ukrainës, Volodymyr Zelensky, i dënoi sulmet, duke thënë se Rusia “po kryen luftë kundër spitaleve”.

Ai shkroi në X se ekipet ukrainase të shpëtimit “janë duke bërë gjithçka për t’u ofruar ndihmën e nevojshme qytetarëve tanë”.

Ministri i Brendshëm ukrainas, Ihor Klymenko, fillimisht tha se gjashtë njerëz u vranë, përfshirë një zyrtar policor.

“Rusia ua solli luftën të tjerëve dhe tani lufta po kthehet në shtëpinë e saj”, tha presidenti ukrainas Volodymyr Zelensky dje në mbrëmje. Në fjalimin e tij të zakonshëm të mbrëmjes, presidenti ukrainas theksoi se ishte “e drejtë të shkatërrohen terroristët rusë aty ku janë, ku po nisin sulmet e tyre”.

“Ne e shohim se sa e dobishme është kjo për të sjellë paqen më afër. Rusia duhet të detyrohet në paqe nëse Putin dëshiron të vazhdojë luftën”, shtoi ai.

Zelensky tha se ai ishte informuar nga Komandanti i Përgjithshëm Oleksandr Sirsky për “operacionin në rajonin e Kursk” dhe se 1,000 kilometra katrorë të territorit rus tani janë nën kontrollin e Ukrainës.

Ishte hera e parë që një zyrtar i lartë ukrainas i referohej në mënyrë eksplicite pushtimit të Kurskut.

Rreth 100 njerëz dyshohet se janë lënduar të hënën, kur një tren me pasagjerë ka dalë nga shinat në rajonin e Rusisë jugore, Volgograd, raportuan agjencitë e lajmeve ruse.

Agjencia e lajmeve “Interfax” ka raportuar se tetë vagonë dolën nga shinat.

Ministria e Emergjencës ka bërë të ditur se ekipet mjekësore janë në vendngjarje, duke shtuar se janë angazhuar edhe 324 punonjës të emergjencës.

Helikopterët e emergjencës u nisën në ngjarje afër stacionit “Kotelnikovo”. Treni po udhëtonte nga Kazani në Adler në Detin e Zi.

Një video e paverifikuar në Telegram tregon së paku katër vagonë të dalë nga shinat, disa të rrotulluar, me njerëz që dilnin prej tyre.

Agjencia e lajmeve, TASS, ka cituar burime të paidentifikuara nga zbatuesit rusë të ligjit, që thoshte se 20 njerëz janë lënduar nga goditja e trenit me një kamion “Kamaz”.

Vetëm 6 minuta lojë i mjaftuan Mirlind Dakut për të gjetur rrugën e rrjetës në kampionatin rus. Sulmuesi shqiptar i Rubin Kazan bëri gjithçka mirë, duke ndëshkuar portierin kundërshtar me një gol për panoramë. Për të, ky është goli i katërt sezonal.about:blank

Mirlind Daku ka luajtur për skuadra të ndryshme në Shqipëri dhe Kosovë si Kukësi apo Ballkani, ndërsa spikati më pas te Mura në Slloveni.

Kujtojmë që lojtari në fjalë iu bashkua Kombëtares së Shqipërisë disa muaj më parë, duke dhënë një kontribut të çmuar në ndeshjet e fundit kualifikuese të Euro 2024. Pritshmëritë janë shumë të mëdha për të në Europianin e verës, që do mbahet në Gjermani.

Një ngjarje tronditëse ka ndodhur në Rusi, ku një 15-vjeçare është vrarë.

Viktima ëshët e mitura Yaroslav Shikova, e cila ka ndërruar jetë pasi u përdhunua dhe u dogj me acid. Trupi i saj është gjetur nga shoferi i një treni në shina, pasi ishte hedhur aty nga autori i vrasjes.

Vrasësi është një 16-vjeçar, i cili shkonte në një shkollë me viktimën. Shoferi i trenit që e gjeti vajzën tregoi se ajo ishte e zhveshur dhe kishte vetëm çorapet në trup, teksa kokën e kishte të mbuluar nga gjaku. Po ashtu, në gojë dhe në zonat gjenetale kishte djegie, që ishin shkaktuar me acid.

Sipas babait të 15-vjeçares, në natën kur ndodhi tragjedia, vajza e tij ishte kthyer nga një festë që ishte organizuar në shtëpinë e 16-vjeçarit, por nuk dihet arsyeja pse ajo doli sërish nga shtëpia nga dritarja e dhomës së saj pa informuar prindërit.