Një antenë gjigante 40 metra e lartë, e vendosur në Kaliningrad, pranë kufirit me BE-në, është bërë burimi kryesor i ndërhyrjeve në sinjalin GPS të avionëve dhe anijeve europiane.

Një strukturë e madhe, pothuajse anonime, është shfaqur pranë fshatit Okunevo në Kaliningrad, rajoni rus që kufizohet me Poloninë dhe Lituaninë. Vetëm 98 kilometra larg nga qyteti polak i Gdanskut, kjo antenë është identifikuar si një nga burimet më të mëdha të ndërhyrjeve në sistemet e navigimit satelitor që nga viti 2022,  kur Rusia nisi pushtimin në shkallë të gjerë të Ukrainës, shkruan Corriere della Sera.

Triangulime, satelitë dhe tension në NATO: Propozime për “ta neutralizuar”

Zbulimi i antenës nuk ka qenë i lehtë. Ekspertët ndërkombëtarë janë detyruar të përdorin triangulime të avancuara dhe imazhe satelitore për ta lokalizuar.

Burime të larta në Bruksel (ku ndodhet selia e NATO-s), kanë zbuluar për Corriere della Sera se gjatë viteve 2023–2024, është propozuar deri në “neutralizimin” e antenës, një veprim më simbolik sesa ushtarak. Por ideja është hedhur poshtë, kryesisht për shkak të kundërshtimeve nga SHBA-të dhe frikës për përshkallëzimin e konfliktit me Rusinë.

Një rrjet i tërë stacionesh, fikse dhe të lëvizshme

Antena e Kaliningradit nuk është e vetmja. Pikë të tjera të ngjashme janë identifikuar në Baltiysk, Yantarnyy, afër Shën Petersburgut dhe në kufirin me Ukrainën. Në qershor, Estonia akuzoi Moskën për vendosjen e pajisjeve të tjera vetëm 20 kilometra larg kufirit të saj.

Moskë- Diplomacia ruse gjeti sot një arsye të re për të tallur dhe përqeshur presidentin francez, Emmanuel Macron pas videos virale, që tregon një pamje të presidentit duke u goditur me shuplakë nga gruaja e tij, Brigitte Macron pas mbërritjes së tyre në Vietnam.

“Ajo që është interesante nuk është videoja, por ajo që do të thojë këtë herë Pallati Elysee për të mbuluar këtë skandal të ri Emmanuel”, tha zëdhënësja e Ministrisë së Jashtme ruse, Maria Zakharova.

“Çfarë do të jetë këtë herë? Zonja e Parë donte ta gëzonte burrin e saj duke e përkëdhelur butësisht në faqe, por ajo e llogariti gabim forcën e saj? Ajo i dha një shami, por ai nuk e arriti?”, shtoi ajo.

Zakharova vazhdoi me një dozë ironie në një postim në Telegram.

“Sugjerimi im: ndoshta ishte dora e Kremlinit”, tha ajo.

Në videon kontroverse në aeroportin e Hanoit, dera e aeroplanit presidencial francez mund të shihet duke u hapur dhe shfaqet Macron, i cili është ende brenda aeroplanit. Në atë moment, duart e gruas së tij janë të dukshme, jo fytyra e saj, dhe ajo ngre menjëherë duart drejt fytyrës së presidentit francez dhe mediat botërore po e quajnë atë shuplakë.

Macron mohoi sot thashethemet për një “grindje familjare” me gruan e tij, duke thënë se çifti po “bënte shaka” me njëri-tjetrin dhe i kërkoi “të gjithëve të relaksoheshin” në lidhje me interpretimet e këtyre imazheve.

Në Rusi, videoja e momentit kontrovers u transmetua disa herë në rrjetet televizive shtetërore të lajmeve, sipas Agence France-Presse.

Një sulm me dronë nga Rusia në kryeqytetin ukrainas, Kiev, ka vrarë një person dhe ka plagosur katër të tjerë, thanë zyrtarët lokalë.

Forcat e Moskës – që kanë nisur pushtimin e Ukrainës në shkurt të vitit 2022 – kanë përshkallëzuar sulmet ajrore në mbarë Ukrainën që nga javët e parë të stinës së dimrit, duke kryer sulme edhe në ditën e Vitit të Ri në Kiev, sulme që vranë dy persona.

“Një person është vrarë dhe katër të tjerë janë plagosur gjatë një sulmi ajror të armikut në rajonin e Kievit”, tha Mykola Kalashnyk, kreu i rajonit të Kievit.

Ai tha se një shofer kamioni është vrarë pasi është goditur nga copëzat e një droni të rrëzuar rus.

Copëza të dronit po ashtu ranë mbi një shtëpi, duke plagosur tre persona, përfshirë një djalë 16-vjeçar.

Forcat ajrore ukrainase thanë se Rusia ka lëshuar 93 dronë gjatë natës. Ushtria tha se ka rrëzuar dronët ose i ka penguar përmes pajisjeve elektronike.

Autoritetet thanë se copëzat e dronëve ranë në dy qarqe në Kiev, por nuk u raportua për të plagosur./REL

Shtetet e Bashkuara të Amerikës kanë paralajmëruar se Rusia mund të përdorë raketën eksperimentale mbi Ukrainë.

Një zyrtar i lartë amerikan ka theksuar se Rusia mund të përdorë Oreshnik IRBM-në e saj në Ukrainë “në ditët në vijim” në një përpjekje për të frikësuar Ukrainën dhe mbështetësit e saj.

“Ne vlerësojmë se Oreshniku ​​nuk ndryshon lojën në fushën e betejës, por vetëm një përpjekje tjetër e Rusisë për të terrorizuar Ukrainën, e cila do të dështojë”, tha zyrtari.

Rusia ka vetëm një pjesë të vogël të raketave Oreshnik, të cilat mbajnë një kokë më të vogël se raketat e tjera që lëshohen rregullisht në Ukrainë, shtoi zyrtari.

“Ukraina i ka rezistuar të gjitha sulmeve të mëparshme raketore të Rusisë dhe Ukraina do t’i rezistojë çdo përdorimi të ardhshëm të Oreshnikut”, tha zyrtari.

Presidenti rus Vladimir Putin njoftoi muajin e kaluar se forcat e tij kishin qëlluar për herë të parë Oreshnik, një veprim që erdhi vetëm disa ditë pasi SHBA lejoi Ukrainën të lëshonte raketa me rreze të gjatë veprimi në Rusi.

Lëshimi i raketës goditi një qendër komanduese ushtarake në Ukrainë, pohoi Putin, duke thënë se raketa mund të arrijë shpejtësinë 10 Mach, ose më shumë se 7,000 mph.

IRBM-të mund të arrijnë objektivat deri në 3500 milje larg.

Zyrtari tha të mërkurën se ata ishin të përqendruar në dërgimin e më shumë raketave të mbrojtjes ajrore në Ukrainë, në mënyrë që Kievi të mund t’i përgjigjet gamës së plotë të raketave dhe dronëve rusë.

Presidenti ukrainas, Volodymyr Zelensky ka pohuar se Rusia përdori një lloj të ri raketa në një sulm ndaj Ukrainës.

“Sot, fqinji ynë i çmendur ka treguar edhe një herë se çfarë është në të vërtetë dhe se si e përçmon dinjitetin, lirinë dhe jetën njerëzore në përgjithësi. Ai ka aq frikë sa po përdor tashmë raketa të reja”, tha Zelensky në një deklaratë.

Udhëheqësi ukrainas tha se raketa ishte me origjinë ruse dhe se “ka të gjitha karakteristikat – shpejtësinë, lartësinë – të një rakete balistike ndërkontinentale”.

Më tej, ai shtoi se ekspertët po hetojnë për të konfirmuar llojin e raketës. Në mëngjes u raportua nga mediat e huaja se Rusia kishte përdorur një raketë balistike ndërkontinentale.

Megjithatë, një zyrtar perëndimor sugjeroi se një ICBM nuk ishte përdorur në sulm.

Një gjykatë në Rusi e ka gjobitur Google-n me një shumë të pakuptimtë – një dysh i përcjellë me 36 zero – për kufizimin e kanaleve mediatike shtetërore ruse në YouTube.

Në dollarë, kjo nënkupton se nga gjiganti teknologjik është kërkuar të paguajë 20,000,000,000,000,000,000,000,000,000,000,000 dollarë, raporton BBC.

Përkundër se është një prej kompanive më të pasura, shuma është shumë më e lartë sesa vlera prej 2 trilionë dollarësh e Google.

Në të vërtetë, është shumë më e lartë sesa totali i GDP-së së botës, e cila vlerësohet të jetë 110 trilionë dollarë, sipas FMN-së.

Sipas agjencisë shtetërore ruse të lajmeve Tass, zëdhënësi i Kremlinit Dmitry Peskov ka pranuar se as ai “nuk mund ta lexoj këtë numër” por i kërkoi “menaxhmentit të Google që ta kenë vëmendjen”.

Për dy dekada, lidhja e dashurisë mes Gjeorgjisë dhe Perëndimit kishte qenë gjithë pasion. Vendi i vogël, i guximshëm, dikur e shihte veten si pjesë e Perëndimit. Flamujt e Bashkimit Evropian valuan përpara të gjitha ndërtesave qeveritare edhe kur anëtarësimi në bllok nuk dukej asgjë më shumë se një fantazi. Gjeorgjianët, kur zbulojnë se jeni amerikanë, pothuajse gjithmonë shprehin dashurinë e tyre për Shtetet e Bashkuara dhe mirënjohjen e tyre për mbështetjen amerikane kundër armikut të tyre shekullor, Rusisë. Për vite me rradhë, kjo dashuri iu përgjigj ngrohtësisht në Uashington, Bruksel dhe kryeqytete të tjera evropiane, ku Gjeorgjia ka qenë prej kohësh një partner, një shembull frymëzues i përhapjes së vlerave perëndimore dhe një post kyç strategjik për projektimin e ndikimit thellë në hapësirën post-sovjetike. Por këto ditë, siç shkruan “New York Times” romanca ka hasur disa probleme.

Rezultatet e zgjedhjeve

Komisioni Zgjedhor shpalli fituese të zgjedhjeve parlamentare në Republikën e Gjeorgjisë në Kaukazin e Jugut partinë në pushtet Ëndrra Gjeorgjiane. Partia nacionaliste konservatore, e udhëhequr nga miliarderi Bidzina Ivanishvili, siguroi 54.09 për qind të votave pasi u numëruan pothuajse të gjitha fletëvotimet, njoftoi zyrtari zgjedhor Giorgi Kalandarishvili në kryeqytetin Tbilisi të dielën. Disa koalicione opozitare pro-evropiane nuk i njohin rezultatet paraprake dhe kanë paralajmëruar protesta. Vëzhguar nga vëzhguesit ndërkombëtarë, votimi u dëmtua nga disa incidente, të raportuara gjerësisht në internet, të tilla si pamjet e një përleshjeje në një qendër votimi në Tbilisi ose një sherr në selinë e Lëvizjes Kombëtare të Bashkuar, një nga katër partitë properëndimore në bllokut opozitar. Gjatë ditës, Tina Bokučava, kryetarja e Lëvizjes së Bashkuar Kombëtare, akuzoi “banditë” e Ëndrrës Gjeorgjiane për “uzurpim të pushtetit” dhe “minim të procesit zgjedhor”, komente që u hodhën poshtë nga partia, e udhëhequr nga miliarderi Bidzina Ivanišvili. Lëvizja e Bashkuar Kombëtare është partia e ish-presidentit të burgosur Mihailo Saakashvili , armikut të betuar të Ivanishvilit. 

Plani i Kremlinit

Rezultatet janë një goditje për gjeorgjianët properëndimorë, të cilët i cilësuan zgjedhjet si një zgjedhje midis një partie në pushtet që thelloi lidhjet me Rusinë dhe një opozite që shpresonte për integrim të përshpejtuar me Bashkimin Evropian. Analistja Gela Vasadze e Qendrës së Analizës Strategjike Gjeorgjiane tha se vendi i Kaukazit po zhytet “në paqëndrueshmëri politike për një periudhë të pacaktuar” dhe se shpresat e tij në BE ishin “zbehur”. Gjeorgjia u mbërthye nga demonstrata masive në fillim të këtij viti kundër asaj që opozita e pa si përpjekje të qeverisë për të kufizuar liritë demokratike dhe për ta larguar vendin prej katër milionë banorësh nga kursi i tij properëndimor dhe drejt orbitës së Rusisë. Gazetari i shquar investigativ Christo Grozev tha në X: “Duket se plani i Kremlinit për manipulimin e papërpunuar të votave është në lëvizje”, duke shtuar se kishte “prova të marra nga inteligjenca evropiane që shërbimet sekrete ruse kishin agjencinë qendrore të zgjedhjeve gjeorgjiane”.

Largimi nga BE

Ëndrra Gjeorgjiane e Ivanishvilit dëshiron që Gjeorgjia të anëtarësohet në Bashkimin Evropian, megjithëse Brukseli thotë se aplikimi për anëtarësim është ngrirë për shkak të tendencave autoritare të partisë Ëndrra Gjeorgjiane. Ligji i diskutueshëm i “ndikimit të huaj” i “Endrrës Gjeorgjiane”, i cili synonte shoqërinë civile, shkaktoi javë protestash në rrugë dhe u kritikua si një masë e stilit të Kremlinit për të heshtur mospajtimin. Masa bëri që Brukseli të ngrijë procesin e pranimit të Gjeorgjisë në BE, ndërsa Uashingtoni vendosi sanksione ndaj dhjetëra zyrtarëve gjeorgjianë.

Rusia ka nisur evakuimin e qytetarëve nga Libani. Ministri i Emergjencave Alexander Kurenkov tha se një fluturim special u nis nga Bejruti me anëtarët e familjeve të diplomatëve rusë.

Ministria e Emergjencave tha se rreth 60 persona do të mbërrijnë në Rusi nga Libani këtë të enjte.

“Evakuimi është kryer me udhëzimet e presidentit rus Vladimir Putin”, shtoi ministria.

Rusia shpesh ndihmon edhe në evakuimin e qytetarëve nga ish-republikat e tjera sovjetike në situata të tilla.

Kundërshtarët e Amerikës po shtojnë përpjekjet për të ndikuar në rezultatin e zgjedhjeve presidenciale në Shtetet e Bashkuara. Korrespondenti i Zërit të Amerikës Jeff Seldin njofton për zgjerimin e operacioneve të sofistikuara që synojnë të ndikojnë tek votuesit amerikanë. Sipas autoriteteve amerikane pjesa më e madhe e këtyre përpjekjeve vijnë nga Rusia dhe Irani.

Në garën për president në Shtetet e Bashkuara, përpjekja për të fituar votues po vazhdon me intensitet të plotë.

“Ne do të shpëtojmë ekonominë. Ne do të shpëtojmë familjet e shtresës së mesme”, thotë kandidati republikan për president Donald Trump.

“Ka ardhur koha të fillojmë një kapitull të ri”, thotë Kamala Harris kandidatja demokrate për presidente.

Por garës zgjedhore, sipas zyrtarëve amerikanë…i është bashkuar edhe Rusia.

“Rrethi i ngushtë i Presidentit Vladimir Putin, duke përfshirë Sergey Kiriyenko-n, drejtojnë fushata dezinformimi, si pjesë e një programi për të ndikuar në zgjedhjet presidenciale të Shteteve të Bashkuara”, tha Merrick Garland, Prokuror i Përgjithëm i Shteteve të Bashkuara.

Një pjesë e skemës, sipas akuzave amerikane, përfshin imitimin e dhjetëra faqeve me lajme të internetit për të ndikuar në mënyrën se si votuesit amerikanë mendojnë për çështje kritike.

Pjesa tjetër përfshin median ruse RT, të mbështetur nga shteti rus, e cila akuzohet se i ka dërguar pothuajse 10 milionë dollarë një kompanie mediatike me bazë në Shtetet e Bashkuara.

“Kanë kryer pagesa prej miliona dollarësh për amerikanët për të përcjellë mesazhin e Kremlinit për të ndikuar në zgjedhjet amerikane dhe për të minuar demokracinë”, thotë Matthew Miller, zëdhënës i Departamentit të Shtetit.

Rusia i mohon akuzat.

“Kjo është rusofobi, është sulm ndaj lirisë së fjalës dhe diskriminim. Këto janë lojërat më të ndyra amerikane për manipulim gjatë zgjedhjeve”, thotë Maria Zakharova, zëdhënëse e Ministrisë së Jashtme ruse.

Zyrtarët amerikanë i hedhin poshtë këto deklarata si qesharake.

Një vlerësim i kundërzbulimit amerikan i bërë në fillim të këtij muaji e quan Rusinë “kërcënimin më aktiv të ndikimit të huaj” për zgjedhjet që synon të rrisë mundësitë për fitore të ish-presidentit Donald Trump.

Irani gjithashtu është i përfshirë.

“Ne kemi vërejtur një aktivitet gjithnjë e më agresiv iranian gjatë këtyre zgjedhjeve. Kjo përfshin aktivitetet për të dëmtuar fushatën e ish-presidentit Trump dhe për të shmangur një rezultat zgjedhor që Irani e vlerëson kundër interesave të tij”, tha prokurori i përgjithshëm amerikan Garland.

Zyrtarët e inteligjencës amerikane thonë se Kina gjithashtu ka zhvilluar një fushatë të vogël në rrjete sociale që synon të dëmtojë kandidatët që mendohet se janë armiqësorë ndaj Pekinit.

Nuk është e sigurt nëse përpjekjet parandaluese amerikane po funksionojnë.

“Unë nuk mendoj se deri më tani kjo është kuptuar sa duhet nga shumica e votuesve amerikanë si një çështje me rëndësi, por është me të vërtetë e rëndësishme që votuesit të kuptojnë se çfarë po ndodh dhe se si po shfrytëzohen”, thotë Margaret Talev nga Universiteti i Sirakuzë.

Kjo iu jep shumë arsye amerikanëve për të menduar për rreziqet ndërsa përgatiten të shkojnë në qendrat e votimit./VOA

Një sulm rus me bomba me drejtim në qytetit Kharkiv, në pjesën verilindore të Ukrainës, goditi një ndërtesë banimi dhe një park fëmijësh, duke vrarë 5 persona dhe plagosur 47 të tjerë, sipas zyrtarëve.

Kryebashkiaku Ihor Terekhov njoftoi në platformën Telegram se një fëmijë ishte vrarë në park. Tre persona u vranë në ndërtesën 12 katësh banimi, që u përfshi nga zjarri si rezultat i sulmit, tha ai.

Rreth 20 persona janë në gjendje të rëndë, sipas guvernatorit rajonal Oleh Syniehubov. Një pjesë e ndërtesës banesore ishte djegur, ndërkohë që katet e larta të ndërtesës ende po digjeshin. Disa vetura të parkuara para ndërtesës po ashtu ishin djegur.

Shërbimet e emergjencave dhe ekipet e shpëtimit nxituan në vendin e ngjarjes për t’u ofruar ndihmë të mbijetuarve. Trupi i një viktime, i mbuluar me një qilim, qëndronte në tokë para ndërtesës, i rrethuar nga forcat policore.

Banorë të të gjitha moshave, disa të përgjakur dhe të hutuar, ishin ulur në stolat e parkut apo po qëndronin aty pranë ndërsa punonjësit e ndihmës së parë po trajtonin plagët e tyre.

Autoritetet nuk dhanë detaje se si vdiq viktima e pestë pasojë e sulmeve, që goditën katër lagje të qytetit.

Kharkivi ka qenë në shënjestër të bombardimeve të ashpra ruse që nga fillimi i luftës, ndonëse në javët e fundit intensiteti i sulmeve është ulur, ndoshta për shkak të sulmit të befasishëm të forcave ukrainase në rajonin e Kurskut, në brendësi të Rusisë./ VOA