Dy shtetas janë arrestuar në dy raste të ndryshme për shitje të lëndëve narkotike, konkretisht kokainë, të ndarë në doza. Gjatë operacioneve të intensifikuara nga shërbimet e Komisariatit të Policisë Nr. 1 dhe Nr. 2, janë sekuestruar 28,700 euro dhe 600,000 lekë të dyshuara të përfituara nga shitja e kokainës.

Shtetasi Fajon Brahimi, 66 vjeç, u arrestua në Shkozë gjatë kontrollit të banesës së tij, ku u gjet një sasi kokaine e ndarë në doza për shpërndarje, së bashku me paratë e dyshuara nga shitja. Në lidhje me këtë ngjarje, u procedua penalisht bashkëshortja e tij, Sh. B., e cila tentoi të fshihte provat duke hedhur disa doza të lëndës narkotike nga ballkoni i banesës në momentin që pa policinë.

Në një operacion tjetër, shërbimet e Policisë Nr. 2 kanë arrestuar shtetasin Robert Dajanaj, 36 vjeç, i cili u kap në rrugën “Studenti” me kokainë dhe 20,700 euro të dyshuara si të përfituara nga shitja e narkotikëve. Materialet janë dorëzuar në Prokurori për hetime të mëtejshme.

Njoftimi:

Goditen 2 raste të shitjes së lëndës narkotike kokainë, në doza.

Sekuestrohen doza kokaine, 28 700 euro dhe 600 000 lekë, të dyshuara të përfituara nga shitja e lëndës narkotike.

Vihen në pranga 2 shtetas që ushtronin këtë veprimtari kriminale.

Procedohet penalisht bashkëshortja e njërit prej tyre, për veprime që pengojnë zbulimin e së vërtetës.

Shërbimet e Komisariatit të Policisë Nr. 1 dhe të Komisariatit të Policisë Nr. 2, në vijim të punës për garantimin e rendit dhe sigurisë, evidentimin dhe goditjen e veprimtarive kriminale në fusha të ndryshme, bazuar në informacionet e siguruara për dy raste të shitjes së lëndëve narkotike, në doza, kanë intensifikuar kontrollet për goditjen e këtyre rasteve.

-Shërbimet e Komisariatit të Policisë Nr. 1 kapë kapur në Shkozë dhe kanë arrestuar në flagrancë shtetasin F. B., 66 vjeç, banues në Tiranë. Gjatë kontrollit fizik dhe kontrollit në banesën e tij, shërbimet e Policisë kanë gjetur një sasi lënde të dyshuar narkotike kokainë, të ndarë në doza, gati për shitje, 8000 euro dhe 600 000 lekë të rinj, të dyshuara të përfituara nga shitja e lëndës narkotike.

Në vijim të veprimeve për këtë rast u referuan materialet në Prokurori ku nisi procedimi në gjendje të lirë për bashkëshorten e 66-vjeçarit, shtetasen Sh. B., pasi sapo ka parë shërbimet e Policisë që kishin shkuar për kontroll, ka hedhur nga ballkoni i banesës, disa doza lënde të dyshuar narkotike kokainë.

-Shërbimet e Komisariatit të Policisë Nr. 2 kanë kapur dhe arrestuar shtetasin R. D., 36 vjeç, banues në Malësi të Madhe, pasi gjatë kontrollit fizik në rrugën “Studenti” shërbimet e Policisë i gjetën dhe sekuestruan doza të lëndës së dyshuar narkotike kokainë dhe 20 700 euro që dyshohet se janë përfituar nga shitja e lëndës narkotike.

Materialet procedurale i kaluan Prokurorisë, për veprime të mëtejshme.

Këtë të mërkurë, policia e Durrësit ka sekuestruar një hotel luksoz në Durrës pasi është vlerësuar si pasuri e vënë nga veprimtari kriminale.

Objekti është në pronësi të Pëllumb Tudës, i njohur gjithashtu si Pali Tuda dhe ndodhet në zonën e Plazhit, pranë Urës së Dajlanit në Durrës.

Një sasi prej një ton kokaine është sekuestruar në një anije peshkimi në Cornëall të Anglisë, ndërsa katë persona janë arrestuar. Personat e arrestuar janë Michael Kelly, 45 vjeç, nga Portway, Manchester; Jon Paul Williams, 46 vjeç, nga St Thomas, Swansea; Patrick Godfrey, 30 vjeç, nga Port Tennant, Swansea; dhe Jake Marchant, 26 vjeç, pa adresë fikse.

Të gjithë u akuzuan për importimin e një droge të klasit A ​​të kontrolluar. Ndaj tyre është caktuar masa e paraburgimit dhe do të paraqiten të hënën në Gjykatën e Magjistraturës Bodmin.

Derek Evans, komandanti i degës së Agjencisë Kombëtare të Krimit, tha: “Kjo është një sasi e konsiderueshme kokaine që do të përfaqësojë një humbje të madhe për grupin e krimit të organizuar që u përpoq ta importonte atë në Mbretërinë e Bashkuar.

Një 24-vjeçar është arrestuar nga Policia e Shkodrës, pas u kap duke shitur lëndë narkotike.

Gjatë këtij operacioni është sekuestruar edhe lënda narkotike e ndarë në doza.

“Shiste në Velipojë, në plazh dhe lokale lëndë narkotike e dyshuar cannabis sativa, kapet në flagrancë dhe vihet në pranga 24-vjeçari. Sekuestrohet lënda narkotike cannabis sativa e ndarë në doza gati për shitje. Specialistët e Sektorit për Hetimin e Narkotikëve në DVP Shkodër, në bashkëpunim me shërbimet e Stacionit të Policisë Velipojë, bazuar në informacionet e siguruara nga inteligjenca policore se një shtetas shpërndante lëndë narkotike në plazhin e Velipojës, me qëllimin për ta shitur, kanë organizuar punën për kapjen e tij. Si rezultat, u arrestua në flagrancë shtetasi 24 vjeç, banues në fshatin Laç. Gjatë kontrollit fizik, shërbimet e Policisë i kanë gjetur këtij shtetasi, një sasi lënde narkotike e dyshuar narkotike cannabis,e ndarë në doza gati për shitje.  Lënda narkotike u sekuestrua në cilësinë e provës materiale”, thuhet në njoftimin e policisë.

Finalizohet operacioni policor i koduar “Start”, gjatë të cilit u sekuestruan pasuri me vlerë rreth 300.000 euro, që dyshohet se e kanë burimin nga veprimtari kriminale në fushën e narkotikëve.

Në kuadër të procedimit penal për evidentimin dhe sekuestrimin e pasurive që rrjedhin nga veprimtaritë kriminale, referuar nga Seksioni për Hetimin e Pastrimit të Parave të Drejtorisë Vendore të Policisë Tiranë, në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, u bë ekzekutimi i vendimit të Gjykatës, për vendosjen e sekuestros preventive ndaj pasurive në emër të shtetasit Gj. (Sh.), Ll., 42 vjeç, dhe të familjarëve të tij.

Në zbatim të këtij vendimi u sekuestruan një automjet, një garazh dhe një njësi tregtare në Selitë, vlera e të cilave arrin rreth 300.000 euro.

Nga veprimet hetimore dyshohet se pasuritë e sekuestruara e kanë burimin nga veprimtaritë kriminale të kryera nga shtetasi Gjino (Shkëlqim) Lleshaj, të cilin autoritetet italiane e kanë dënuar me burgim, për trafikim lëndësh narkotike në sasi të mëdha, kryer në bashkëpunim.

Materialet i kaluan Prokurorisë.