Në ndeshjen mes Serbisë dhe Shqipërisë në stadiumin e Leskovacit, pritet të jenë vetëm 4 mijë tifozë.

Kjo u zbulua nga Arjan Peço, i cili tha se iu konfirmua nga pjesëtarë të Federatës Serbe. Sipas tij, do të jenë rreth katër mijë tifozë në stadium.

“Atmosfera është e qetë. Kemi bërë disa biseda me anëtarë të Federatës Serbe. Është ulur me 30% kapaciteti i stadiumit. Mund të jenë rreth katër mijë tifozë për ndeshjen me Shqipërinë. Janë marrë masat nga Federata që gjithçka të shkojë mirë. Një stadium i vogël. Është atipike që një ndeshje si kjo të luhet në stadium të tillë”, tha ai

Arbana Osmani, e pyetur nga ndjekësit në Instagram nëse do ta shohim sërish në ndonjë reality show televiziv, ka dhënë një përgjigje të sinqertë mbi të ardhmen e këtij formati. Moderatorja shpjegoi se çdo vit i vijnë ftesa për të drejtuar reality show me idenë për të sjellë diçka “ngjitëse” si dikur Big Brother, por situata ka ndryshuar.

“Problemi është që tani nuk vendos më produksioni i famshëm, por algoritmet,” – shkruan Arbana, duke shtuar se kaoset e fundit dhe mënyra se si funksionojnë platformat e reja kanë bërë që realiteti televiziv të mbetet gjithnjë e më pak i qartë. Sipas saj, kjo nuk është një dukuri vetëm në Shqipëri, por ka prekur të gjitha reality show-t në botë.

Moderatorja u shpreh kurioze nëse këtë vit do të rikthehet te formula klasike e reality show-ve, megjithatë theksoi se aktualisht ato po kalojnë në një fazë transformimi, duke funksionuar më shumë si videogame sesa si formate tradicionale televizive.

Madje, Arbana solli edhe një batutë nga djali i saj:
“Djali im Joni më thoshte një ditë: Mam, pse nuk e bën një lojë si Roblox-i por me Big Brother?”

Në fund, ajo përmendi edhe një studim të Deloitte, sipas të cilit 53% e gjeneratës Z tashmë preferon formatet “choose your own story” mbi programet lineare televizive.

Një tjetër lëkundje sizmike është regjistruar në vend pas tërmetit të fuqishëm të mëngjesit të sotëm në Shqipëri.

Rreth orës 14:21 me orën lokale, është ndjerë një tërmet me magnitudë 3.3 të shkallës Rihter, me epiqendër rreth 11 kilometra në veriperëndim të Tiranës.

Tërmeti ka pasur një thellësi prej 10 kilometrash dhe është klasifikuar si një prej paslëkundjeve të tërmetit më të fortë me magnitudë 4.4 Rihter, i cili goditi vendin mëngjesin e së martës.

Lëkundja është ndjerë lehtë në Tiranë dhe zonat përreth, por nuk raportohet për dëme materiale apo të lënduar.

Vendi ynë mbetet nën ndikimin e motit të kthjellët deri vonë pasdite kur priten kalime vranësirash të shpeshta nëpër të gjithë territorin. Më të theksuara vranësirat paraqiten në gjysmën Lindore të Shqipërisë. Parashikohet që mbrëmja dhe nata të vijojnë nën dominimin e kthjellimeve, vranësirave dhe lagështirës së lartë në ajër.

Temperaturat e ajrit do të pësojnë rënie të lehtë në të dy vlerat ekstremale ditore duke u luhatur nga 11°C temperatura më e ulët e shënuar në qytetin e Peshkopisë deri në 32°C vlera më e lartë në qarkun e Beratit.

Era do të fryjë e lehtë përgjatë gjithë ditës duke arritur shpejtësinë maksimale mbi 25 km/h nga drejtimi kryesisht Perëndimor. Kjo do të bëjë që në brigjet detare të krijohet dallgëzim të ulët.

Një tërmet me magnitudë 5.3 të shkallës Rihter ka goditur Greqinë këtë të shtunë. Sipas të dhënave zyrtare, tërmeti u regjistrua në orën 15:46, me orën e Greqisë, në Detin Egje.

Epiqendra e tërmetit ndodhej në një thellësi prej 10 kilometrash. Lëkundjet sizmike u ndjenë veçanërisht në pjesën verilindore të Greqisë, duke përfshirë edhe qytetin e Selanikut, i cili ndodhet rreth 112 kilometra në perëndim-veriperëndim të epiqendrës.

Zona më e afërt me epiqendrën është fshati bregdetar Sárti, vetëm 25 kilometra në jug-juglindje të saj, ku jetojnë rreth 1,100 banorë.

Deri më tani nuk raportohet për dëme materiale apo të lënduar, por autoritetet janë në monitorim të vazhdueshëm të situatës.

Arbër Hajdari, ka reaguar ashpër pas situatës së paprecedentë të ndodhur gjatë mbrëmjes së shkuar në spektaklin e “Big Brother VIP 4”, ku konkurrenti Jozefin Marku goditi Gjestin.

Arbri u shpreh se ‘Jozefin Marku dëshmoi se është një djalë i poshtër’, ndërsa përgëzoi policinë për shoqërimin e menjëhershëm të tij pas aktit të dhunës.

“Ajo që dua të them është se ajo që ndodhi sot ishte ngjarje e paprecedent në Big Brother. Jozefin Marku sot dëshmoi se është një djalë i poshtër.

Mua Loredana më vjen keq për ty edhe pse ju kam ndarë  në raportin që keni pasur dhe përgëzoj shoqërimin e menjëhershëm nga Policia e Shtetit”, u shpreh Arbër Hajdari.

Ndërkohë  në një postim në profilin e tij në “Instagram”, opinionisti shkruan:

“Sot pamë një akt të turpshëm nga dikush që zgjodhi dhunën në vend të dinjitetit. Një shuplakë nuk tregon forcë por dobësi. Kjo burracakëri do ta ndjekë gjatë – si njollë që nuk fshihet, si turp që nuk harrohet”.

Sërish zjarr në fushën e mbetjeve urbane të qytetit të Vlorës.

Zjarri ka nis prej mbrëmjes së djeshme i cili është përhapur me shpejtësi i ndihmuar dhe nga era e fortë. Zjarrfikësit por dhe punonjës së bashkisë janë në terren për izolimin e flakëve dhe shuarjen e tyre.

Shpesh herë fusha e mbetjeve përfshihet nga flakët të cilat çlirojnë tym toksik duke sjell dhe shqetësime për banorët e Vlorës por dhe për turistët.

E vetmja zgjidhje sipas specialistëve është largimi i mbetjeve drejt lanfildit të Sherishtës, dhe deri sa të ndodhi largimi i tyre, kjo situatë alarmante do të jetë.

Presidenti i Rumanisë, Klaus Iohannis do të dorëhiqet për dy ditë.

Njoftimin e bëri vetë ai duke sqaruar se do ta lërë postin që mban, duke e çuar vendin drejt zgjedhjeve të reja presidenciale. Ky njoftim vjen teksa opozita rumune po bënte një përpjekje për ta rrëzuar atë nga posti, pasi ai qëndroi si president edhe pas vendimit të Gjykatës Kushtetuese që anuloi zgjedhjet presidenciale, rundin e parë të të cilave e fitoi kandidati i krahut të djathtë, prorusi Calin Georgescu.

Kushtetuesja anulon zgjedhjet presidenciale në Rumani, pas akuzave për ndërhyrje ruse. Gjykata citoi dokumente shtetërore që supozohet se tregonin që Georgescu, i cili garoi si kandidat i pavarur, kishte përfituar nga një fushatë e padrejtë në rrjetet sociale, që me gjasë ishte orkestruar nga Rusia.Moska ka mohuar se ka ndërhyrë në zgjedhjet në Rumani. Zgjedhjet e reja presidenciale planifikohen të mbahen më 4 maj dhe nëse asnjë nga kandidatët nuk merr shumicën, rundi i dytë do të mbahet më 18 maj.

LUSHNJE- Një banesë është përfshirë nga flakët në lagjen “Kadri Qystri” në Lushnje. Bëhet me dije se zjarri ka përfshirë një dhomë të banesës, dhe shkak dyshohet një avari në linjën elektrike.

Zjarri ka rënë në të njëjtën lagje të një dite më parë.

Fatmirësisht, nga zjarri nuk ka persona të lënduar, por vetëm dëme materiale. Gjithashtu në vendngjarje ndodhen dy automjete zjarrfikëse, ndërsa flakët janë vënë nën kontroll.

Një raund i ri sulmesh ka nisur në Lindjen e Mesme, me dy shpërthime të reja të raportuara në kryeqytetin libanez, në periferinë jugore të Bejrutit.

Sipas Reuters, duke cituar dëshmitarë okularë dhe burime sigurie, pajisjet e komunikimit të përdorura nga Hezbollahu kanë shpërthyer në periferitë jugore të Bejrutit.

Shpërthimet, me fuqi të kufizuar sipas mediave ndërkombëtare, ndodhën në pjesë të ndryshme të periferisë së Bejrutit.

Shpërthimet e së mërkurës në Bejrut vijnë 24 orë pas shpërthimeve të bombave nga grupi në Liban, duke lënë të paktën 12 të vdekur dhe afro 2800 të plagosur.

Lëvizja libaneze Hezbollah siguroi se Izraeli “do të marrë dënim të drejtë” pas “këtij sulmi kriminal”.