Një masiv shkëmbor në malësinë e Thethit është shembur së fundmi, duke krijuar një imazh të paprecedentë në zonë.

“Në Theth shembet mali”, është shprehur kryetari i Partisë Demokratike, Sali Berisha, i cili ka ndarë pamjet në rrjetet sociale.

Ende nuk dihet arsyeja e kësaj ngjarjeje, ndërsa deri më tani nuk raportohet të ketë dëme në njerëz apo materiale për shkak të largësisë së shembjes nga zonat e banuara.

Një urë hekurudhore në ndërtim në provincën Qinghai, Kinë, është shembur duke shkaktuar të paktën 12 viktima. Katër persona të tjerë vijojnë të rezultojnë të zhdukur, ndërsa ekipet e kërkim-shpëtimit po punojnë pa ndërprerje.

Sipas People’s Daily, aksidenti ndodhi rreth orës 03:00 të mëngjesit, kur një kabllo u këput gjatë punimeve. Në atë moment, në kantier ndodheshin 15 punëtorë dhe një mbikëqyrës.

Imazhet e publikuara nga mediat kineze tregojnë urën e papërfunduar, pjesa qendrore e së cilës nuk është ende e përfunduar, të rrethuar nga dy skela dhe vinça gjigantë.

Autoritetet lokale kanë nisur një hetim për shkaqet e shembjes së urës, ndërsa operacionet e kërkimit vijojnë në zonë.

Është shembur me eksploziv ndërtesa e fundit në zonën e Thethit, duke përmbyllur kështu aksionin për lirimin e hapësirave në një prej destinacioneve turistike më të njohura të veriut të vendit.

Prej orësh, forcat xheniere kishin montuar kallëpet e eksplozivit në strukturë, ndërsa shpërthimi i komanduar u realizua me sukses, pa incidente.

Banorët e kanë kundërshtuar me forcë këtë veprim, duke thënë se atyre iu ishte premtuar në vite që të zhvillonin biznese në pronat e tyre, por duke qenë se nuk kanë dokumentet, e kanë pasur të pamundur të aplikojnë për leje.

Një ngjarje tragjike është regjistruar mesditën e kësaj të shtune në Martanesh të Bulqizës, ku brenda një galerie minerare dyshohet se është shembur një masiv gurësh.

Si pasojë e shembjes, ka humbur jetën shtetasi A.C., 48 vjeç, banues në Krastë. Ngjarja ka ndodhur rreth orës 12:30, brenda ambienteve të një subjekti minerar që operon në zonë.

Grupi hetimor, nën drejtimin e Prokurorisë, ndodhet në vendngjarje dhe po punon për zbardhjen e plotë të rrethanave të aksidentit.

Një ndërtesë dy-katëshe është shembur në lagjen Monteverde të Romës pas një shpërthimi që ka ndodhur rreth orës 8:30 të mëngjesit të sotëm. Shpërthimi ka zgjuar lagjen dhe ka shkaktuar shembjen e ndërtesës, e cila ndodhet midis Via Vitellia dhe Via Pio Foà, në zonën Gianicolense, dhe është pjesë e ish stallave të Villa Pamphili, të shndërruara në banesa. Hetimet e para sugjerojnë se shpërthimi dhe shembja mund të jenë shkaktuar nga një rrjedhje gazi, ndoshta nga një bombolë gazi.

Sipas autoriteteve, një burrë është nxjerrë i gjallë nga rrënojat dhe është dërguar menjëherë në spital. Fatmirësisht, askush tjetër nuk rezulton i zhdukur. Në vendin e ngjarjes ndodhen karabinierët, zjarrfikësit dhe personeli shëndetësor i shërbimit të urgjencës 118, të cilët po vazhdojnë kërkimet nëpër rrënoja për të siguruar se nuk ka të tjerë të mbetur nën to.

Zona është rrethuar për të mundësuar operacionet e shpëtimit dhe për të siguruar se operacionet po zhvillohen pa rrezik, ndërsa energjia elektrike është ndërprerë për arsye sigurie. Të gjitha ndërtesat përreth janë evakuuar si masë paraprake. Kryebashkiaku i Romës, Roberto Gualtieri, ka dhënë një deklaratë për mediat:

“Shpërthimi ishte shumë i fortë, dhe nga hetimet e para duket se është shkaktuar nga një rrjedhje gazi, ndoshta nga një bombolë. Hetimet do të sqarojnë shkaqet e plota të ngjarjes. Personi i plagosur ishte mysafir në një ambient mikpritjeje, për të cilin po kryhen hetime. Për momentin duket se bëhet fjalë për një fjetje me mëngjes të regjistruar rregullisht.” Për momentin, zjarrfikësit kanë nxjerrë të gjallë një burrë, i cili u dërgua menjëherë në spitalin Sant’Eugenio me urgjencë. Sipas informacioneve të para, ai është një shtetas skocez pesëdhjetë vjeç, i cili ka pësuar djegie në 70% të trupit dhe ka plagë të ndryshme në këmbë. Mjekët kanë arritur ta stabilizojnë dhe po vazhdojnë me trajtimin e tij, ndërkohë që operacionet e shpëtimit po zhvillohen me kujdes maksimal për të shmangur shembje të tjera.

Një vendkalim për këmbësorë në një lagje banimi u shemb në qytetin jugor italian  të Napolit, duke vrarë dy dhe duke plagosur 13 persona.

Shembja, e cila ndodhi pak pas orës 22:30 të së hënës, vrau një 29-vjeçar dhe një grua 36-vjeçare, si dhe plagosi disa fëmijë.

800 banorë u evakuuan nga blloku i banimit pas shembjes.

Viktimat janë Roberto Abbruzzo, 29 vjeç, i cili vdiq nga përplasja dhe Margherita Della Ragione, 35, e cila vdiq në mbërritje në spital.

Shtatë fëmijë të plagosur, të moshës nga dy deri në tetë, aktualisht po trajtohen në spitalin Santobono në Napoli me dy prej tyre që ndodhen në gjendje të rëndë.

Kryeministrja italiane Giorgia Meloni shprehu dhimbjen pas ngjarjes, duke postuar në X, “Ngushëllimet e mia shkojnë për familjet e viktimave, së bashku me mendimet e afërsisë me të plagosurit dhe të dashurit e tyre”.

Të paktën 12 persona kanë vdekur dhe 31 të tjerë janë zhdukur pasi një urë u shemb pjesërisht në provincën veriore të Kinës Shanxi.

Autoritetet thanë se një pjesë e urës në qarkun Zhashui në qytetin Shangluo u shemb të premten në mbrëmje pas shirave të fundit dhe përmbytjeve të shpejta .

Që nga ora 12:00 me orën lokale, operacionet e kërkimit dhe shpëtimit ishin duke vazhduar pasi 17 makina dhe 8 kamionë ranë në lumë, njoftoi media shtetërore.

Autoriteti kombëtar i zjarrfikësve dhe shpëtimit të Kinës tha të shtunën se kishte dërguar një ekip shpëtimi të përbërë nga afro 900 persona, 90 automjete, 20 varka dhe 41 drone, sipas Reuters.

Në lidhje me ngjarjen e rënë në Kinë ka reaguar edhe Presidenti kinez Xi Jinping, i cili ka bërë thirrje për përpjekje të gjithanshme të shpëtimit të shtunën dhe tha se vendi është në një periudhë kritike për kontrollin e përmbytjeve, duke i kërkuar qeverisë lokale të ndërmarrë veprime.

Një godinë është shembur mëngjesin e sotëm në Stamboll, ndërkohë që arsyet nuk dihen ende. Deri më tani nga shëmbja një person është nxjerr pa ndjenja, ndërkohë që 7 të tjerë kanë mbetur të lënduar rëndë. 

Ndërtesa u shemb në zonën e Kuçuk Çekmeçes dhe sipas mediave turke ka njerëz të bllokuar nën rrënoja. Në katin e parë të pallatit funksiononte një biznes, në katin e parë ishin zyrat, ndërsa në katet e sipërme banonin familjet.

Në vendngjarje kanë shkuar forcat zjarrfikëse, policia dhe emergjencat civile. Shembja ka rindezur debatin nëse ndërtesat në Stamboll apo pjesë të tjera të Turqisë mund të përballojnë një tërmet të madh.

Dy punëtorë ndërtimi u plagosën rëndë kur një çati mbi të cilën po qëndronin u rrëzua dhe ata ranë tre kate në një shtëpi në Maltë. Aksidenti u raportua në orën 8:30 në Triq Sir Luigi Preziosi.

“Times of Malta” mëson se dy burrat, shtetas shqiptarë, po punonin në një pronë fqinje, e cila është në ndërtim e sipër, kur u hodhën në çatinë e pronës ngjitur.

Pas përplasjes, çatia u rrëzua dhe gjithashtu u rrëzuan tavanet e dy kateve poshtë tyre. Për pasojë, punëtorët që përfunduan në katin e parë mbi rrënoja. Policia tha se burrat, të moshës 26 dhe 32, iu dha ndihma e parë nga një ekip mjekësor dhe oficerë nga Departamenti i Mbrojtjes Civile.

Pronarët e shtëpisë së vjetër nuk ishin në vend. Më vonë doli se çifti, të cilët janë në të 90-at, ishin shpërngulur muaj më parë, nga frika për jetën e tyre për shkak të punëve të vazhdueshme te ndërtesa fqinj.

Ata i thanë vajzës së tyre se nuk donin të “përfundonin si Miriam Pace”, e cila vdiq nën rrënojat e shtëpisë së saj në vitin 2020 kur punimet e ndërtimit shkaktuan shembjen e shtëpisë së saj.

Zyrtarët nga Autoriteti i Ndërtimit dhe Ndërtimit dhe zyrtarët e Autoritetit të Shëndetit dhe Sigurisë në Punë ishin në vend menjëherë pasi rënia u raportua në polici. Gjendja e dy burrave, të cilët u dërguan me urgjencë në spitalin Mater Dei, mbetet e panjohur.

Pak ditë më parë, një burrë shqiptar humbi jetën po në Maltë dhe mbeti i plagosur dhëndri i tij. Bari Balla, 51-vjeç humbi jetën më 20 prill në Sliema.

Një emigrant shqiptar 36-vjeçar ka humbur jetën mëngjesin e sotëm në zonën e Milanos pas një aksidenti në punë.

Shqiptari ishte duke kryer punime rinovimi në një ndërtesë në qendër të Magenta-s të Milanos, kur për arsye ende të paqarta, çatia u shemb dhe punëtori ra duke vdekur në vend.

Viktima ishte pronari së bashku me dy ortakë të tjerë, i kompanisë që po kryente punimet e ndërtesës. Lidhur me këtë ngjarje hetimet janë në vijim, për të zbardhur rrethanat e vdekjes së shqiptarit