Agjencia e Mbikëqyrjes Policore (Rajoni Tiranë) ka referuar në Prokurorinë pranë Gjykatës së Shkallës së Parë të Juridiksionit të Përgjithshëm Tiranë materialet proceduriale në ngarkim të punonjësit të policisë E.H., me detyrë patrullë e përgjithshme në Komisariatin Nr.5, i dyshuar për veprat penale “Kanosja” dhe “Shpërdorim i detyrës”.

Sipas hetimeve paraprake, mbrëmjen e djeshme, punonjësi i policisë është konfliktuar fizikisht për motive të dobëta me disa persona në ambientet e një lokali në Tiranë. Gjatë debatit, situata ka agravuar dhe efektivi ka kanosur personat e tjerë me armën e shërbimit.

AMP ka nisur edhe hetimin disiplinor administrativ ndaj punonjësit, ndërsa vijojnë veprimet për zbardhjen e plotë të rrethanave të ngjarjes.

Policia e Kosovës, me urdhër të autoriteteve lokale në Mitrovicën e Veriut, më 16 maj ka marrë në kontroll një ndërtesë që përdorej nga Shërbimi Nacional për Punësim, i cili funksionon në kuadër të sistemit të Serbisë.

Që nga fillimi i vitit 2024 janë mbyllur dhjetëra institucione të tilla serbe, përfshirë organet e përkohshme komunale, postat, bankat, qendrat për punë sociale dhe të tjera.

Lista Serbe – partia më e madhe e serbëve të Kosovës që gëzon mbështetjen e Beogradit – ka reaguar duke deklaruar se “hyrja” në ambientet e Shërbimit Nacional për Punësim përbën “sulm të drejtpërdrejtë ndaj një prej të drejtave themelore të njeriut

Një ngjarje e rëndë ka ndodhur në Lezhë, ku një efektiv policie është vetëvrarë. Polici, Gj,L., dyshohet se ka vrarë veten me armën e shërbimit

Ai është gjetur i vdekur në banesën e rij në fshatin Spiten të Lezhës. Ende nuk dihen rrethanat e ngjarjes dhe arsyeja që e çoi policin të marrë këtë akt.

Policia dhe grupi hetimor ndodhen në vendin e ngjarjes dhe po kryejnë veprimet hetimore për zbardhjen e rrethanave.