TikTokeri i njohur Diamanti Blu është sulmuar fizikisht gjatë një transmetimi live, pasi kishte ofenduar publikisht një tjetër emër të njohur të TikTok-ut – Aronin, transmeton lajmi.net

Pamjet e incidentit janë përhapur me shpejtësi në rrjete sociale, duke shkaktuar reagime të shumta nga ndjekësit dhe përdoruesit e platformës. Sipas informacioneve fillestare, disa persona të paidentifikuar e kanë sulmuar Diamantin gjatë live-it, për shkak të deklaratave të tij ndaj Aronin, me të cilin ka pasur përplasje virtuale prej javësh, transmeton jil.al

Ky nuk është rasti i parë që konfliktet virtuale në TikTok përfundojnë në dhunë fizike. Në vitet e fundit, rrahjet dhe përplasjet mes TikTokerëve në Shqipëri dhe Kosovë janë shtuar ndjeshëm, duke ngritur shqetësime për ndikimin negativ të përmbajtjes toksike dhe mungesën e kontrollit në rrjetet sociale.

Deri tani, nuk ka ende një reagim zyrtar nga vetë Diamanti Blu apo nga autoritetet për incidentin./lajmi.net/

VIDIO

Një 30-vjeçar është shpallur në kërkim nga policia, pasi mbrëmjen e djeshme, 6 korrik, ka plagosur me thikë dy vëllezërit e tij.

Ngjarja ka ndodhur në banesën e tyre në Paskuqan, Tiranë. Bëhet e ditur se i kërkuari, Ervin. K nuk jetonte me vëllezërit në të njëjtën banesë, por takimi mes tyre ishte lënë për shlyerjen e një borxhi të marrë nga autori.

Sipas burimeve, mësohet se edhe vetë 30-vjeçari është goditur nga dy vëllezërit me sende të forta, ndërsa më pas ka marrë thikën dhe i ka dëmtuar ata në duar dhe pjesë të ndryshme të trupit.

Sherr mes minorenëve, Prokuroria e Korçës regjistron procedim penal pēr ‘Plagosje e lehtë me dashje’ ndaj të miturës F.D

Prokuroria pranë Gjykatës së Shkallës së Parë të Juridiksionit të Përgjithshëm, Korçë ka regjistruar procedimin penal për veprën penale ‘Plagosje e lehtë me dashje’ në ngarkim të të miturës F. D.

Ky procedim është regjistruar pas njoftimit të marrë në datën për një konflikt të ndodhur më 05.05.2025, rreth orës 19:15, në ambientet e subjektit Bar Kafe “Find Four”, në lagjen nr. 2, Bulevard Republika.

Drejtuesi politik i Partisë Socialiste për Diasporën, Taulant Balla, tha se ankimimet në Komisionin Qendror të Zgjedhjeve bëhen vetëm nga partitë politike, duke komentuar kështu kërkesat e depozituara nga kandidatë të ndryshëm për deputetë, të cilët pasi nuk fituan një mandat, kërkuan pamjet filmike.

“Secili ka të drejtë për të kërkuar, për të bërë transparencë, por falë parashikimeve të vendosura në Kodin Zgjedhor, por është KQZ që do të bëjë transparencë të këtij procesi.

Të gjitha palët që kanë pretendime, ka një mënyrë sesi bëhen këto. Kodi zgjedhor parashikon që partitë politike mund të bëjnë ankesë. Transparencën, më mirë se sa e ka bërë KQZ, nuk e bën dot askush”, tha Balla.

Policia e Tiranës ka sqaruar këtë të martë të gjithë dinamiken e sherrit të ndodhur ditën e djeshme pranë ish-Stacionit të Trenit, në të cilin ndërhyri dhe një punonjës policie, ndërsa shumë qytetarë u shqetësuan nga skenat që ndodhën në rrugë, në mes të ditës.

Sherri banal mes disa personave ndodhi ditën e hënë në një lokal në zonën e Stacionit të Trenit, ku nisi fillimisht në ambientet e brendshme të një lokali dhe më pas vijoi në rrugë, duke përfshirë edhe persona të tjerë.

Gjatë tentativës së një punonjësi të Policisë Rrugore për të qetësuar gjakrat dhe për të ndaluar palët në konflikt, një nga personat e ka kundërshtuar dhe i ka hedhur pistoletën në rrugë. Kalimtarët kanë ndërhyrë në ndihmë të policit, ndërsa disa vajza kanë kundërshtuar veprimet e efektivit.

Policia sqaron se në lidhje me këtë ngjarje ka arrestuar 23-vjeçarin K. K., si dhe ka referuar materialet në Prokurori, ku ka nisur procedimi në gjendje të lirë për shtetaset L. G., 25 vjeçe dhe E. G., 25 vjeçe (motra), Sh. Ll., 20 vjeç, K. H., 20 vjeç dhe K. N., 20 vjeç.

Sipas Policisë, ditën e hënë, në ambientet e një lokali në rrugën “Reshit Petrela” në Tiranë, 23-vjeçari K. K është konfliktuar me shtetasit Sh. Ll., K. H. dhe K. N., dhe gjatë konfliktit ka dëmtuar lehtë me mjet prerës shtetasin Sh. Ll. Gjithashtu, K. K., gjatë ndërhyrjes së punonjësit të Policisë Rrugore në shërbim, i ka marrë atij armën e shërbimit dhe e ka hedhur disa metra më tej në rrugë. Në këtë moment kanë ndërhyrë edhe dy motrat, të cilat kanë kundërshtuar punonjësin e Policisë.

Nuk dihet ende cili ka qenë motivi i këtij sherri, por kalimtarët janë tronditur dhe kanë mbetur të shtangur nga skenat e dhunës në mes të rrugës.

Një ditë pas incidentit në zyrën elektorale të PSD në lagjen e ‘Ali Demit’, policia ka shpallur në kërkim babë e bir.

Bëhet fjalë për Arjan Telhallari dhe Lorenc Telhallari.

Sipas policisë, Lorenc Telhallari është konfliktuar me një person tjetër (në media u aludua për menaxherin e basteve sportive të paligjshme “333” dhe “CR7”, Lendi Palaj).

Fillimisht ai është larguar nga vendngjarja, por është rikthyer më pas, me babanë e tij, i cili dyshohet se ka patur armë me vete. Ata kanë kërkuar në zonë, 27-vjeçarin me të cilin ishte konfliktuar Lorenc Telhallari dhe gjatë kësaj kohe kanë dëmtuar me send të fortë, xhamin e një zyre elektorale që ndodhet në këtë zonë.

“Specialistët për Hetimin e Krimeve të Komisariatit të Policisë Nr. 1:

Rezulton se shtetasit L. T., 24 vjeç dhe A. T., 67 vjeç, pasi nga hetimet e kryera rezultoi se ditën e djeshme, në një lokal, në rrugën “Ali Demi”, fillimisht janë konfliktuar për motive të dobëta, 24-vjeçari dhe 1 shtetas tjetër. Pas konfliktit, shtetasi L. T. është larguar nga vendngjarja, ku është rikthyer më pas, me babanë e tij, shtetasin A. T., i cili dyshohet se ka patur armë me vete.

Ata kanë kërkuar në zonë, 27-vjeçarin me të cilin ishte konfliktuar shtetasi L. T., dhe gjatë kësaj kohe kanë dëmtuar me send të fortë, xhamin e një zyre elektorale që ndodhet në këtë zonë.

Policia ka arrestuar dy të rinj në Tiranë dhe ka vënë nën hetim një tjetër, pasi kanë dhunuar fizikisht një 39-vjeçar, i cili ndodhet në spital, nën kujdesin e mjekëve.

Gjithashtu, këta shtetas i kanë shkaktuar dëmtime të lehta dhe një 29-vjeçari, i cili ka ndërhyrë për të shuar konfliktin.

Njoftimi i policisë:

Specialistët për Hetimin e Krimeve të Komisariatit të Policisë Nr. 2 arrestuan shtetasit B. P., 34 vjeç dhe Xh. M., 32 vjeç, si dhe referuan materialet në Prokurori, ku nisi procedimi në gjendje të lirë për shtetasin S. M., 22 vjeç, pasi në bashkëpunim me njëri-tjetrin, dyshohet se për motive të dobëta kanë dhunuar fizikisht një 39-vjeçar, i cili ndodhet në spital, nën kujdesin e mjekëve. Gjithashtu, këta shtetas i kanë shkaktuar dëmtime të lehta dhe një 29-vjeçari, i cili ka ndërhyrë për të shuar konfliktin.

Specialistët për Hetimin e Krimeve të Komisariatit të Policisë Nr. 2, në përfundim të veprimeve të para hetimore dhe procedurale, në orën 15:30, të datës 20.01.2025, bënë arrestimin në flagrancë, të shtetases K. C., 26 vjeçe, për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.

Si dhe referuan materialet në Prokurori dhe nisën procedimin në gjendje të lirë për shtetasen Xh. V., 24 vjeçe, për veprat penale “Dëmtime të tjera me dashje”, “Kanosja” dhe “Dhunimi i banesës”.

Një 48-vjeçar me inicilate G. Q., është arrestuar në Tiranë pasi dyshohet se ka plagosur me thikë vëllain e tij. Ngjarja ka ndodhur në rrugën “Don Bosko”, në banesë, pas një debati për motive të dobëta me vëllezërve. Gjithashtu mësohet se i plagosuri ndodhet në spital, në kujdesin e mjekëve.

“G. Q., 48 vjeç, banues në Tiranë, pasi në rrugën “Don Bosko”, në banesë, pas një debati për motive të dobëta, dyshohet se ka goditur me mjet prerës (thikë), vëllain e tij, shtetasin I. Q., 53 vjeç, banues në Tiranë. 53-vjeçari ndodhet në spital, në kujdesin e mjekëve”, njofton policia.T

Një 33-vjeçar u arrestua nga policia me akuzën e “plagosjes së rëndë me dashje”. Ai dyshohet se pas një konflikti për motive të dobëta, ka goditur një 40-vjeçar qëllimisht me derën e automjetit. Ngjarja ndodhi mbrëmjen e djeshme në fshatin Lekaj. Sipas njoftimit të bluve, i lënduar B. Xh., ndodhet në spital në kujdesin e mjekëve.

“Specialistët për Hetimin e Krimeve të Komisariatit të Policisë Kavajë arrestuan në flagrancë shtetasin E. T., 33 vjeç, banues në fshatin Lekaj, pasi mbrëmjen e djeshme, në fshatin Lekaj, dyshohet se është konfliktuar për motive të dobëta me shtetasin B. Xh., 40 vjeç, banues në Spille dhe më pas e ka dëmtuar rëndë atë duke e goditur me derën e automjetit. Shtetasi B. Xh. ndodhet në spital, në kujdesin e mjekëve. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Plagosja e rëndë me dashje.” njoftoi sot policia.