Nga Ardit Rada

JAVANEWS: Shqipëria po kalon një verë që do të mbahet mend gjatë dhe kjo për shkak të zjarreve që përfshinë vendin duke lënë pasoja të parikuperueshme në shumicën e rasteve. Përveç qindra evakuimeve dhe dy vdekjeve si pasojë e flakëve, vendi ynë ka humbur mbi 56 mijë hektarë të gjelbërt nga fillimi i vitit e deri në fund të gushtit. Por një situatë të ngjashme duket se ka kaluar e gjithë Europa, pavarësisht se në rastin tonë dëmet janë më të ndjeshme për shkak të raportit të sipërfaqes totale me atë të djegur. Në shumicën e rasteve faji i është vënë klimës ekstreme, por dyshimet mbeten edhe për zjarrvënie të qëllimshme të cilat më pas kanë dalë nga kontrolli.

Evropa në flakë!

Gjithsej 295 karabinierë dhe policë italianë, të cilët do të punësohen në qendrat e pritjes së emigrantëve në Gjadër dhe Shëngjin do t’i kushtojnë buxhetit të Romës, mbi 8 milionë euro.

Agjencia e lajmeve “La Presse” raporton se efektivët e ardhur nga Italia do të qëndrojnë në dhoma teke në dy hotele luksoze, në zonën bregdetare të Shëngjinit.

Bëhet fjalë për hotele që ofrojnë një plazh privat, një qendër Wellness, ndërsa qëndrimi përfshin akses në dy “restorante të famshme”.

Sipas artikullit të detajuar kostoja vjetore e jetesës për policët dhe karabinierët që do të punojnë në dy qendrat që qeveria Meloni krijoi në Shqipëri shkon në 8.897.200 euro.

Kostoja për çdo punonjës policie është përllogaritur afërisht në 80 euro në ditë, ndërkohë që ekziston mundësia që të përdoret edhe një hotel i tretë, i së njëjtës kategori për t’i strehuar.

Kjo kontratë e qeverisë italiane është nënshkruar për një vit, raporton A2.

Kujtojmë se deri më tani edhe pse kampet në Gjadër dhe Shëngjin janë ndërtuar, brenda tyre nuk ka asnjë azilkërkues, pasi edhe 12 prej tyre që u vendosën fillimisht, u kthyen mbrapsht në Bari pas një vendimi të Gjykatës së Romës për emigrantët nga “vendet e sigurta të origjinës”.

Sakaq, forcat opozitare në Itali e konsiderojnë marrëveshjen Rama-Meloni për ngritjen e dy qendrave për azilkërkuesit si humbje të mirëfilltë parash publike, në një kohë kur “forcat policore të vendit kanë prioritete të tjera si rritja e pagave, rekrutimet urgjente dhe blerja e pajisjeve të reja për forcën”.

Fillimisht një saktësim për Kryeministrin që sheh komplote kudo dhe kujton se kritikët ndaj tij urojnë ta shohin turizmin të shndërrohet në një histori dështimi dhe jo suksesi. Të jetë i sigurt, nuk mund të ekzistojë një shqiptar brenda apo jashtë vendit që mos të kënaqet me sukseset ekonomike të vendit. Kur ekonomia ecën, gjithçka ecën. Ndërsa sa për sukseset “politike” apo “gjeopolitike” të Shqipërisë ato janë nocione subjektive ku është normale që debati të ekzistojë.

Por ekonomia në vetvete nuk gënjen. Nëse turizmi i sjell prosperitet ekonomik vendit askush nuk do te hidhte balte mbi pushtetin. Edhe vete sistemi i kaluar komunist, që nga Brezhnjevi tek Enver Hoxha duke kaluar nga Cauçesku nuk do të kishte rënë nëse do të kishte treguar epërsi ekonomike. Pra, Edi Rama të rrijë i qetë. E ka dhe do ta ketë opinionin publik mbështetësin më të madh për turizmin por me kushtin që përtej fjalëve të ketë vepra, që turizmi nga shifra personash me shumë zero mbrapa, të shndërrohet në shifra në euro edhe me shumë zero mbrapa.