Flaket e zjarrit dogjen nje nga dhomat e zyrave te Komisariatit te Shijakut.

Shijak /Informacion paraprak

Rreth orës 18;30, në katin e dytë të Komisariatit të Policisë Shijak, në zyrën e ndihmës/specialistit të rendit ka rënë zjarr.

Menjëherë kanë ndërhyrë shërbimet zjarrfikëse duke bërë të mundur fikjen e zjarrit.

Nga veprimet e para hetimore paraprakisht dyshohet se zjarri ka rënë si pasojë e një shkëndije elektrike.

Grupi hetimor dhe Agjencia Rajonale e Mbikëqyrjes Policore po punojnë për sqarimin e rrethanave dhe shkakut të saktë të rënies së zjarrit.

Nga informacionet zyrtare, nuk dihet ende nese jane djegur dosje policore.

Gjykata e Posaçme, ka lënë në burg Astrit Avdylajn. Gjatë seancës, Avdylaj nuk ka dhënë asnjë deklarim. Astrit Avdylaj, u arrestua me 29 qershor në banesën e tij.

Më herët, u publikuan edhe pamje nga vënia e tij në pranga. Gjatë ndalimit, 50-vjeçarit i është sekuestruar edhe një armë zjarri tip pistoletë.

Arrestimi i Avdylaj u bë pasi u shpall në kërkim nga SPAK, në kuadër të operacionit “Revanshi”, ku u goditën disa grupe kriminale dhe u arrestuan dhjetëra eksponentë të krimit.

Avdylaj dyshohet se ka ndihmuar Ervis Marinajn dhe ish-deputetin socialis Arben Ndokën, në sigurim të kushteve për vrasjen e Durim Bamit.

Komunikimet në aplikacionin “Sky”, treguan se si Astrit Avdylaj mbante komunikime me Ndokën dhe ofrohet ta ndihmojë atë në planin për eleminimin fizik të Durim Bamit.

Avdylaj i dërgon nipin e tij Aldo Avdylajn dhe Arben Mërkurin, Ndokës për të realizuar qëllimin.